|
اللي بقى حرفين ماهن : ثلاثه .................... كمّل أنا : وش فيك ياسيّدي : قِل هات الكلام اللي نويت : أجتثاثه .................... لاترتخي طالبك تل الحكي : تِل لاتسكنك رحمه ولا آي : أكتراثه .................... أطلق عنان القول لآرض الورق : بِل بي الحروف ان جات ماهي : حداثه .................... الآ " نتاج أمور ياسيّدي : جِل بصدري قصيد رجال خاطب : أناثه .................... يبغى الحديث يطول للسالفه : فِل لا تقطع إيدينك وتطلب : أغاثه .................... وحل القضايا بيدك ياسيّدي : حِل أدري بقلبك ماتجيه : الخباثه .................... " أبيض نوايا " ماسكن داخلك : غِل هاك الحروف أبيات ماهي : عباثه .................... من هاجسٍ يامرك هل الحكي : هِل اللي بقى حرفين ماهن : ثلاثه !! .................... بي السوالف كيّ ياسيّدي : قِل |
معذور ..! لو قلت لي : شآنت
سوالييفي .. الوقت .. غير مفاهيمي .. ووهقني .. امالي اللي معي .. اكبر / مجآديفي سبحت فيها البحر والموج يصفقني .. الوقت .. ماهو ع/ كيفك ولآكيفي مير .. اعتبرني .. من احلآآمك وحققني </b></i> |
احترت بين اعتب عليه و اراضيه اخـــاف لا يـجـرح رضــــاه بـ عـتــابــه أحيان أقول آبيـهـ , و أحيان ماآبيـهـ الا ابــيـه و لـو يـــــبــي لـي عـذابــه يـ اللي تجونه دامني ما اقدر آجيه وصــوا ذهـابه .. لا يـشح بــ ايـابـه و قولوا له اني من كثر ماني أغليه اشـرب ســرابـه و ارتوي من سرابه و على كثر ما انسى اذا قلت ناسيه دار الــزمان و جــاب عشقــه و جـابـه حنيت لـ أيامه و ضحكت لياليه قـبـلـه و بـعــده كــل وقـتــي رتـابـه ان لمت قلبي عاقبتني محانيه و ان قـلـت أبرضا عـز نفسي رقابـه البارحه كنت اكسر الروح و انهيه كان الـورق ارض و عيـــوني سحابـه زرعت مااحبه ولا عاد لي فيه و جنـيـت احـبــه لو يطـول غـيـابه!!* |
عظيمـَه هيبتكْ يَـا " صًمْتّ " .. .
مهَمـا صـآإر بـ دنيتيْ تظلَ ~ أح ْـلىَ سوـآليفيٍ |
قريب مني / والمسافه حكايات ..... ..... ..... محدن قراها .. والتعب / عين تحكيه قريت بك ... كل البشر / والمعاناة ..... ..... ..... لقيت بك .. روحي / وحلمٍ أداريه انت الكثير .. اللي كتبته / روايات ..... ..... ..... من سلسلة هذا المطر / وين أوديه ..؟ خذ من حروفي .. ما يكفيك حسرات ..... ..... ..... وخذ من عروقي .. كل حزني وغنيه وحدي / على باب المسا / كلي آهات ..... ..... ..... أحتال في طيفك / واضمه / واخليه شوقي لك / اعظم من تعابير رغبات ..... ..... ..... وحزني بك / أكبر من مطر دايم اهديه لاقلت لك وينك ؟ تقول اسأل أبيات ..... ..... ..... ولاقلت هاتك / قلت لي صبرك اش فيه هذا الصبر/ عايش معك حي مامات ..... ..... ..... هيله غلاك .. وكل ما أصبر أغليه لو خيروني .. بين ماجا / ومافات ..... ..... ..... أخترت عينك .. والزمن " .... " مابيه ..! |
حببتي والقلم يشره علـى أوراقـي
وأوراقي البيض للمشروه خضاعـه خذت القلم والعيـون تخيـل براقـي وأمطر قصيدي على صيفه ومرباعه هلت سحايب قصيدي فايح اشواقـي وانبت جمالك قصيدي باجمل انواعه يامن جمالـه تعـدا هقـوة الهاقـي خلا قصيدي على النفنـوف دراعـه واقول للنـاس هـذي عـز ميثاقـي اللي لها لين اموت السمع والطاعـه الجادل اللي من اهل المستوى الراقي رفيعـة الـذوق للمعلـوق مزاعـه الله فرقها علـى زينـات الاخلاقـي بيت الشرف بيتها وتعيش برباعـه بنت الترف واسم ابيها درعها الواقي والخال شيخ يحوش الطيب بذراعـه مـن ماكـر مالجابـه كـل نعاقـي ماكر حرار تشـوق العيـن طلاعـه ريحانة في ظـلال وتحتهـا ساقـي من دونها الموت والسلال واتباعـه خذت من اوصاف يوسف كل ما لاقي زعيمة الحسـن مياسـه وجزاعـه ان اقبلت قلت ماتت لوعـة افراقـي وان دبرت قلت عاش البين واوجاعه وان وقفت وقفن تلعـات الاعناقـي وان عرضت من لمحها دق باصباعه يخضع لها الراهب العاصي وينساقي وقلوب الابطال منها شبـه مرتاعـه حبيبتـي والغـلا ماعـاد ينطـاقـي شرواي ماتدركـه فزعـاة فزاعـه انتي مدار الفلـك وعيونـك افاقـي وانا الذي عاش حبك باربع ارباعـه لبيه...لبيـه يافـيـي ومشـراقـي ياغلا غلا في حياتي يااثمن بضاعـه يالذ من فرحتي بـك لحظـة عناقـي قلب وهبته عيونك ترفض ارجاعـه مدامني لك مليك وترفـض اعتاقـي قلب يكسب الكنز عاش ومات ماباعه حبيبتي والقلم يشرب مـن اعماقـي عساي بينك وبين الشـر واطماعـه لا يابعد عمري اللـي راح والباقـي ياجعل يومي قبل يومك لـو بساعـه |
آحيآنِ ودّي آطيحٍ من آلتَعب و آزريِ ............... وتشيلنيِ عزّتي و سلومٍ وجدآني ً |
تعآل فآحت دلة الشوق بالهيل ما غير أنا وهموم قلبي معآزيم! |
ياكثر ماأذكرك لاصرت وحدي
وياكثر ماتنسى وانا اقول معذور تضوي نجوم الليل ويزيد وجدي وأذرف دموع الشوق لاشك مجبور أرجوك تذكرني ولو طال بعدي تذكر حبيب" لك من البعدمقهور.. |
وش تالي الوقت دام ان أوله عبره ! بتزين ؟؟ مدري ولكن الامل فيني الذنب ذنبي تعشمّت فـ رجا بكره وبكيت لك ضيم لين أتوّرمت عيني * |
| الساعة الآن 08:43AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية