|
ابسألك ياللي سهرت
ياللي على اوجاعك صبرت الحزن عادي لو حوى شي ٍ بحمله ما قدرت كم مرة ٍ فيها شعرت انك كثر ربحك خسرت ؟ تجبر خواطرهم سوى وانت الوحيد اللي انكسرت ؟ |
كل من شفته سألني الملامح ذابله والوجهـ شاحب الدموع الحايره تنزل سحايب الأثر واضح على وجهك يا ريمه قلت له .. مجروحه من قلبي وحزينه تعتصر بحاتي غصه .. يختنق صوتي بونينه كثر ما فيني الم كن ما اشوفه وهم ان صمتي مهما طول شايله حملي ورزينه احسب الخطوه وافكر لو اذوق اللي اذوقهـ .. من تعب والا غبينه وان مشواري صبر .. اعبره في كل سكينه ادري مليت انتظار احبس العبرهـ بمرار لو هي احلام وتماني وكم فقدت من الاماني زفرة الهم بخفوفي صاح قلبي واااا حنينه قمت ادور عنه وينهـ وين من رباني احيا .. طيبهـ .. ذربهـ .. وفطينهـ وين من عدا على العالي ولا همهـ من الدنيا سوى صيد الثمينه طيبتن تحيا بـ خفوقه ساكنه .. رمشه وعينه حر لامن نادت الفزعات عّقد حاجبينه ما همه الدنيا تشرق او تغرب همه العليا ودينه وشارت(ن) كثر السجود ساكنه بأعلى جبينه وين من اعطى واعطي لين ملنهـ يدينه كل شي من حولي يحكي عبرتن تخنقني وابكي كلنا نشتاق شوفه او عسى نلمح طيوفهـ ميته من عقب فرقاهـ وحزينه البيت.. والشارع.. وارجاء المدينه اي والله اني اشتاق لهـ شوق اليتيم لوالدينهـ ويمر في بالي كثير واشتاق تلمسني يمينهـ ر ه ب 29 - 5 - 2010 دسلدورف مشاركه عن والدتي سارهـ:r: |
افتقد حزن النوارس
لا حكى عن همّهم صمت البحر صحّى الفجر ضحكة اطفال ٍ يبلل طهرهم صبح المدارس افتقد شي ٍ لقيته من سنين و ضاع ! ... ضاع و اتعبني الحنين دارت الدنيا و جيت و رحت قلت : يا قلبي عساك ارتحت ؟ قال : الله يعين دارت الدنيا و كبرنا قلت : ياقلبي انا وياك بعده كم صبرنا ؟ وآخرتها ما لقيته كن ما هالبيت بيته !! |
|
|
|
في ذمتي ما هي مجرد حكايه والا كلامن كيف ما قيل ينقال شعري و انا بنتٍ عليها العبايه مرهف واشوفه لا قسى الوقت رجّال رزيت له في ساحة العز رايه لا رزّت الرايات في كل الاحوال احبّه ان غاب الفرح عن سمايه واحبّه اكثر كان ليل الفرح طال و اليا اشتكى من فارضين الوصايه يلقى رحابة صدر فيّ و سعة البال يا حيرتي ياللي على الوعد جايه ياللي لقيتي قلبي الصبّ مدهال لو يعرفون الناس عن ما ورايه عن شي اشيله في خفوقي ولا زال عن نيةٍ بيضا ، عن احساس تايه عن وجد عن غربة عن انواع واشكال عن كل ما قالوا بإنه نهاية عن عمر عشته بين منفى و ترحال كان احسبوني للنقيين : آيه والا انحتوني للوفيين : تمثال |
ياخلوة البوح حزني مختلي فيني
حتى بدونه غدت ما خلوتي خلوة وإن سالت الذكريات دموع من عيني رغم المرارة تراها ايامي الحلـوة |
اشتقتـ للمكانـ
لخلوتيـ اليكمـ للبـوحـ لكلـ شيئ .. افتقدتكمـ بصدقـ |
مر الليل سريعاً كنت اتنقل من خلوه لخلوه كنت اتجول في كل مكان حتى صندوق رسائلي للان لم امر عليه وافتحه ولا زال لدي الكثير من الوقت ان اتجول واتابعكم بحرص كما تابعتو ورعيتو موقعكم بكل وفاء وحب اتقدم لكم من هنا للأداره متمثله في كبيرنا عمر وقدر اخي الفاضل سفير المعاني ادامك الله انت وعقاب وخيالها والكادر الأداري كامل بيض الله وجيهكم ما قصرتو شكرللشعراء والشاعرات والـأدباء والاعضاء لا عدمتكم لكم الشكر من قلبي على تواجدكم الدائم وترابطنا جميع الله لا يفرقنا ورساله لمن غاب اشتقنا اليكم جميع لا زالت امكانكم تناديكم وتسألكم العوده من اجل الادب والثقافه نحن اسره ونفتقد ابنائنا واخواننا واخواتنا والدنيا صغيره لابد وان نرحل يوما ما وقلوبنا بيضاء صافيه وطاهره . لكم تقديري واحترامي |
| الساعة الآن 01:02PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية