مرحوم يااللي قلت بيت (ن) عن بيوت = ياالله عسى الفردوس جنة مكانك
لولا الهرم والفقر والثالث الموت = ياالادمي باالكون ياعظم شانك

ياصاحبي والله والله والله=والله ودين الله ودينك وديني
ودين الرسل ياصاحبي كان ترضاه = ماالك شريك با الغلا كود عيني

الله من هم بروحي سهجها = بخافي ضميري في كنين الحشا لاج
أحر من نار توقد وهجها = منها خطر روحي على سلك ديباج
وعين عسى المولى يعجل فرجها = يفوح ناظرها كما عين هداج
استرسلت للدمع مما رهجها = غيظ يكظ عبارها مثل الأمواج
كم واحد له غاية ما هرجها = يكنها لو هو للأدنين محتاج
يخاف من عوجا طوال عوجها = هرجة قفا يركض بها كل هراج
يقضب عليك المخطية من حججها = حلو نباه وقلبه أسود من الصاج
الله خلق دنيا وساع فججها = وعن مايريب القلب لك كم منهاج
والرجل وان شطت لياليك سجها = عسى تواليها تبشر بالإفراج

الله يلحـق كـل نـفـسٍ هـواهـا

رحمه الله واسكنه فسيح جناته
وموتنا وموتى المسلمين

إن صار زود المال بيديـن الأنـذال =حنّـا مـن المعـروف تنـدا يدينـا
وإن كانهم شرهوا على طيب الأفعال=حنّـا وردنـا جمامهـا وارتويـنـا
وإن فكّروا للجـود يمشـون رحّـال=حنّـا قبـل يمشـون يّمـه خطيـنـا
يا ما لبسنـا للشـرف كـل سربـال=وعلـى البسيطـة للفضيلـة مشينـا
في دوحة العربا لنـا مجـد وظـلال=وحنّـا علـى در المكـارم غذيـنـا
لو نجمع اللي فات منـا مـن المـال=إن كـان شيدنـا القصـور وبنيـنـا
نعطـي ولا نتبـع عطانـا بالأقـوال=ونبـذل ونسكـت كننـا مـا عطينـا
وإن باعوا الشيمـة بدينـار وريـال=حنـا دخلنـا سوقـهـا واشتريـنـا
نطلع لها لو هي على روس الأقـذال=لو هو عسيـر ٍ دربهـا مـا انثنينـا
بأفعالنـا نرسـم دروب ٍ للأجـيـال=الـي نساهـا غيرنـا مـا نسيـنـا
أسـود سـادات ٍ تسجـل للأشبـال=فضايـل ٍ شمنـا لـهـا واهتديـنـا
بيض ٍ نسجلهـن جديـدات وسمـال=حفـايـظ ٍ لاحفـادنـا اللاحقيـنـا
نصبر على الشّدات لو شيلنـا مـال=لـو سـال دم دفوفنـا مـا شكيـنـا
نخـاف يلقـى سدنـا كـل خـتّـال=ويبنـي هزيـلات المعانـي عليـنـا
الليل يا خالـد علـى والـدك طـال=وهنّيـت نـاس ٍ بالـكـرا نايميـنـا
يا عز راسي شفت ما خبـث البـال=شـي ٍ يهـوّل شـيّـب الجاهليـنـا
شي ٍ من أسبابـه يشيـب بالأطفـال=فطّـر خشـوم مهجرعـات الحنينـا
أدير قـالات ٍ عريضـات وطـوال=قـالات خـلـنّ المخـفـىّ يبيـنـا
منهن رزين العقـل بالوقـت يهتـال=بوقـت ٍ عبـوس ٍ فطّـن الغافليـنـا
وقت ٍ من أسبابه شكى كـل ريبـال=نصبـر ونسكـت كنـنـا غايبيـنـا
النـاس بالأيـام راحــل ونّــزال=وتفجعهـم الدنيـا وهــم دالهيـنـا
وحيات رب ٍ نـزل آيـات الانفـال=عالـم خفـايـا نـيـة الحاقديـنـا
ما أترك طريق العدل في كل الأحوال=لـو يرحـل المـريـخ للفرقديـنـا

كــم واحدٍ له غايةٍ ماهرجها=يكنها لوهو للادنين محتــــاج

أهلا وسهلا في الاخ الشاعر الحميدي
نورت المنتدى

المستريح اللي من الهم خالي=ماهو بلجات الهواجيس غطاس
حملي ثقيل واشيل حملي لحالي= واصبر على ميل الليالي والاتعاس
وارسي كما ترسي رواسي الجبالي= ولايشتكي ضلع علية القدم داس
يابجاد شب النار ودن الدلالي= واحمس لنا يابجاد مايقعد الراس
وصبه ومده ياكريم السبالي = يذهب همومي يوم اشمه بالانفاس
ياعل قصر مايجي له اظلالي = ينهد من عالي مبانية للساس
لصار ماهو مدهنن للرجالي = وملجأ لمن هو يشكي الظيم والباس

من وجهة نظري لو لم يقول رحمه الله غير هذه الابيات كان يكفي ان يقال له شاعر الحكمه انسان ملهم