إلى طفله تلهوا بأرجوحتها عبثا
تملأ الدنا صخبا طاهر

ياطفلة(ن)تنثر شغبها مع الريح =إخذيني ابعد من فصول المرايا
خليني أرسم لك حدود المراجيح= وأشب لك نور(ن)بكل الزوايا
أسرقك من ليلي قبل جفنه إيطيح= ضيق وألم ..نظرة عيون (ن)شقايا
دمعة حزن تقتل فرح قلب(ن)مريح=يضمها خافي بيوت الحنايا
والصبح يلبس معطف الهم ويشيح = تموت شمسه لاظهر للبرايا
سعادة الدنيا بعيني تباريح= مثل الشجر راحت جذوره سبايا
تحت الثرى عيشه ولوحاول إيصيح = صيحة غضب توفيه حد المنايا
وأجمل بيوتي لو سرته المصابيح= مرساه صحرا والمعاني قرايا
صار التعب لأطهر سحابه مراويح= صوت الألم جرّح حلوق الضمايا
يكفي الشفق ياطفلة الريح تلميح = اتعبت في وصفه حديث الشفايا
أما صباح (ن)يمحي الليل ويزيح= ظلمات حبر وفقد نور وخطايا
وإلا خذي باقي حروفي مع الريح=خليني ابقى في حدود المرايا

والصبح يلبس معطف الهم ويشيح
تمـوت شمسـه لاظهـر للبرايـا


ابدعتي في صياغة الكلمات
وتميزتي في استرسال الابيات

صح لسانك عزيزتي ولاهنتي

دمتي بود

عبير الروح