البارحه ياطولها ياصاحبي لا ياذياب=الصدرضاق ومن كثر ماضاق اشوف انه زما
مايجرح الا.غاليً يرميك بحضان السراب=مابين شكه والوكاد الا.وكادوربما
عنيتله ساق وقدم وانا رفيع ولي جناب=وارهى بجرحي مارعا قوسه هواول من رما
اول حروفي له غلا واخر حروفي له عتاب=شعور لا جيت اوصفه ماله شبه ولا كما
جيته حضور وليتني عن روحتي سكرت باب=ولاشكيت الشوق له شوف وتركني لضما
قلت اقرني ياسلوتي جيتك ومفتوح الكتاب=وقام يتفنن باالجروح اللي تقاطرله د ما
جيته على باب الحضور اللي دعاني للغياب=يومن جاثوم الوله يرقا بصدري وارتما
بوووح المعاني يسئله سؤال مايلقا جواب=طفل الهوى لك يحتضريصرخ لما.لما.لما؟
ياأخردروب الذهاب اللي قطع درب الاياب = صمتي تزبر وانثنى لو ماتزبر ما هما
طال المدى ياحيرتي ثاني قصيده من عذاب=ولازال جاثوم الوله يطيحبي وارقى سما
ابا تزهب للغياب الا!!!اني اللي له زهاب=اثري زهابً للغياب اللي هدرني واحتما
ياتيهة دروبي معك ضاقت وسيعات الرحاب=اهديتني قبل السفر جرحً من اسبابك نما
قالو قديم وقلتها وأكده قول وخطاب=الله يرحم من يقول الحب مجنون وعما