على ذاك الطريق اللي سرت به هقوة الهاقي=نثرت اعذب حروفي والقلم ماتنضب دواته

ضميت من الوله واروت حروفي جملة اوراقي=لو اني قد هجرت الشعر واقلامه ونوتاته

لقيته في محيط الأبجديه داخل اعماقي=تبعثر ما بقى مني وقمت أجمّع اشتاته

جمعته واختلط عطر القصيد بثورة اشواقي=ونثرت لك القصيد اللي غشتني منك نفحاته

تعال وحطّم اسوار الغرام وحلّل وثاقي=ترى قيد الغرام اتعب خفوقٍ منك منجاته

أحبك كثر ما عانق حضورك حرفك الراقي=وأحبك كثر مضمون القصيد العذب وابياته

عشقتك ليل في دامس ظلامه ضوح برّاقي=سهرته لين من كونه تهاوت كل نجماته

لو ان الوقت لا شعشع صباحي يلطم اشراقي=أنا ما أرضى يمشّيني زماني حسب مشهاته