المقطع على هذا الرابط
×
×
http://www.youtube.com/watch?v=2SD7wfWQnmU

أرجوك لا تختلق يازين أعذارك=حيث أن نفسي من الأعذار مضكوكه
كن المواصل سراب(ن) لعنبو دارك=أسبوع وأكثر وكني بالع(ن) شوكه
لا جيت أحاكيك جات توشوش أفكارك=وأحس مابيننا الأبواب مصكوكه
وشلون ترضى تطفي بالهجر نارك=وتحد برد المشاعر يطبق اشبوكه
أتعبتني وانت متعب وينها ديارك=العشق شي(ن) ياليتك تعرف اسلوكه
من بعدكم والجمل ياصاحبي بارك=والحال مثل المفلس لا نفض بوكه
ياليت مابيننا لو تهدم اجدارك=وتهد جيش المشاعر يغزي اشكوكه
في وسط حرب القلوب العارمه شارك=والحب حربه ترا يازين مبروكه
القلب من بدت الحلوين مختارك=والروح في حبك الخلاب مملوكه
حتى قصايد بدر بأنواعها أشعارك=وان كنت رمز القصيده جات محبوكه
عزيت قدرك وربي عز مقدارك=أعطيتك الحب كله كامل اصكوكه
مادمت غارس بوسط الجوف مسمارك=وأفكارنا والمشاعر حيل مشبوكه
راضي بحبك وانا بآتحمل أضرارك=لو كان نفسي من الأيام مهلوكه
خذني معك شنطتك أو حسبت أزرارك=أو شبه حلوى بحلقك جات معلوكه
أو عطر عانق هذاك العنق في دارك=أو حمرتن في شفاك بتوت مسبوكه
حيث أنت (حبي) وعندي كامل أسرارك=أقذف جليد المشاعر قذف بازوكه
جدد هوى حبنا ثم انفض اغبارك=جدد ولاتمسي الأشواق متروكه
كل الأمل فيك تكفى قلّب أفكارك=لا تترك العاشق الولهان أضحوكه!

[table1="width:95%;"]