يهزني حبه كما هزت العود=عود(ن)تقفته الهبايب ومالي
عليك يااللي في عيوني لك شهود=زود السهر ومنادمي لليالي
عاين ومثلك يفرق البيض والسود=عاين بحالك ثم عاين بحالي
ضربتني درب المتاهات والكود =وانت البعيد وحاسبك راس مالي
ارقب على رجم العشاشيق واعود=واشيل حمل(ن)ماتشيله اجبالي
ادري حصيلي منك يالترف مجحود=مجحودفي حبك من اول وتالي
لا شك قلبي ماتبرى ومعقود=حتى النصيحه ما عطاها مجالي
اقول له عندي مواثيق وعهود=باالذات لاهبت هبوب الشمالي
معاهده لاهب من صوبهانود= الاطف انفاس الشمال بسؤالي
لي في منا فيها مواسم ومؤود=حلم(ن) غدى بين الرجا والمحالي
تشابه ايامي والاحزان في زود=وتل قافي لرفيق الموالي
وشعاد لوقالو لي الناس مفقود= باالقاف سلواني وهاك ارتجالي
اعن له واسراب شوقي مع النود=يمه توديني وهو في خيالي
غربة هوانا مالها حد وحدود=مشكاي ماغيرك ذكرت وطرالي
وان صحت يامشكاي مشكاي محمود=صيحت خفا منها الحنايا هيالي
مايقتلك باالحب ياعاشق الجود=الا طعون فراق من كان غالي
يابن العواجي ياذرى كل مضهود=وريث شيخ ونايف(ن) باالرجالي