| محمد القباني |
04-25-2009 01:02PM |
اقتباس:
المشاركة الأصلية كتبت بواسطة عبدالرحمن الدوسري
(المشاركة 108240)
لحظة أقبل رفيـق الطيـب وأكنـه
كنة موادع يشوف المـوت بعيونـه
الشايب اللي توفـى جعلـه الجنـه
من غاب والنفس بالأحزان مشحونة
ماألوم عيـون ٍ بعـد فرقـاه يبكنـه
دام القبايـل وكـل الخلـق يبكونـه
ياكيف أعبر وكيف أقول أنـا عنـه
بالوصف يكفي كلام اللي يعرفونـه
أهـل العمايـم والقـرآن والسنـه
والمسجد اللي جوار البيت ومأذونه
يدرون عنه رفيع الشأن حيـث إنـه
نفسه عزيزة على الأسرار مأمونـه
راعي مكارم وطيّب من صغر سنه
ماأقول عنـه ولكـن هـم يقولونـه
راعي نجر من صلاة الصبح له دنه
لآخر نهـاره وعربانـه يضيفونـه
ماأحد ٍ عذل به ولاأحد ٍ قد شكى منه
غيث ٍ يلف الديار وتهطـل مزونـه
ياطوي قلبي مثل ماطويـت الشنـه
وياحمس قلبي مثل بـن ٍ يحمسونـه
من لوعة الهم والحسـرات والونـه
من غاب عنا عميد البيـت وركونـه
يالله لك الحمد والإخـلاص والمنـه
تغفر ذنوبه وتشفي نفـس محزونـه
نص راقي من شاعر جزل
محمد
يعلم الله انها خرت دمعتي
الله يسكنه فسيح جناته ويطول بعمرك وصدق من قال من خلف مامات
لك كل الود والاحترام
اخوك عبدالرحمن الدوسري(مشبب)
|
الله لايريك مكروه أخوي عبدالرحمن
وهذا من طيب أصلك
تقبل تحياتي
|
