|
أســمع زغــاريـــد الـفـرح ..وأنشـــد الـعـيـــد = عن ســر .. روحٍ غـاب عـنـهـا فــرحـهـا ماخـبر وقــتــي للـفـرح يـطـلق الـقــيــد= أن ماذبـــح طــهــر الــنــوايــا .. جــرحـهــــــا عشناه في رجــوأ بـعـيـييييييد المـواعـيــد=وأدنـى الأمـانـي في يـديـنــه .. ذبـحـهــــــا |
ألعب طـرب وأعزف الموال من قـــدك أنت القريب البعيد .. الآمــر .. النـاهــي . لو تطوي الأرض طـي الكـتب في يـدّك مااحـدٍ تـجـراء يـقـاوم طرفك السـاهـي . مابـيـن ودك تـقـول وبين مـــاودك يذوب شهد .. ويضيع الـهـرج يـاإيلاهـي . أربـكـت حتى القـصـايد لعن ابو جـدك كيف آصفك ؟ كيف ؟ لامـرّيت مـتـبـاهـي ! |
صباحي هذا اليوم ؟ . . . خــــــايلت برقٍ حــوله الليل داكـــن لاناض كـن الطــرف يعـزف لـه النـاي . تحت هـدب نـجـلٍ بها السحر سـاكن في مفرعٍ ما ارضي غروره بـمـعــناي . ساقن سهوم الموت لي .. وتـبـاكـن علي .. عن طلاب ثــاري ومـــــداي . حاولت من قبل الفوات أتــمــاكــــن روحي.. وقبل أفيق ساقت مطايـــاي . وش ضاع لي ؟ وش صار ؟ مدري! ولـكن سلّمت له قلبي على كـف يـمـنــــــاي |
احيانا .. نحتاج مساحات ارحب للكتابة .. نحتاج تغـييب هالرقيب الداخلي الذي كثيرا ما ضيّق مخارج الحروف بدون مبررات فقط كونه رقيب داخلي يرى ويشعر ويقراء تفاصيل مايحيط به بحجم اكبر ممايجب .. لهذا يضع حولنا طوق ويغتال اجمل مايمكن ان يُكتب لا اجزم بذلك لكنني اعتقد به اعتقادٍ يصل الى حد الثقه ..( الحرف .. شعرٍ .. او نثراً ..) عندما يكون رافده الاحساس الصادق فهو كــ الحر يعشق الفضاء الرحب .. لايؤمن بالقيود .. ولايرضخ لها .. **
يأول قصيدي ويآخر مد لسطوره=يأول من اقراك بين الحرف واحساسي يا كادي البوح يا سحره وكافوره=يا لول عذب الكلام وعقد الالماسي هزي جناح الدجى واقفي بديجوره=ثم اقبلي والصباح يعطر انفاسي وارضي غرور الغرام ومدي جسوره=شربت فنجال حبك واشربي كاسي ابيك في عالم العشاق الاسطوره=ابيك شعري .حياتي .موطني..ناسي ابيك عين المحب وصادق شعوره=ابيك حرفي وتفكيري وكراسي ما ابيك نزوة شعور وترجمة ثوره=ما ابيك عزفٍ يرافق ناي هوجاسي أبيك بدرٍ يـمـد الكون في نوره=ابيك فنجال كيف للحظة عماسي (( للناس فيما يعشقون مذاهب ))
الحلا .. والذوق ..بالسمراء الرشيقه=لا اختلط زيـن الملامـح بالرشاقـه لو عطتني من زمنهـا.. لـو دقيقـه=ماعلي مـن الجماعـه .. والرفاقـه جادلٍ ..طبع التصنّـع .. ماتطيقـه=مافتنها.. عالـم الأزيـا ..وسباقـه سحرها.. لاهو.. خيال.. ولاحقيقـه=روح وَجَد.. وزمجرة حمـاي سَاقـه لاقبلـت لـو تهـدر الـدم وتريقـه=تلوي اعناق المشاعـر بأصطفاقـه تدفي الكـون بمشاعرهـا الرقيقـه=كل ماأسرف شهدها..أحلوّ..بمذاقـه تجتمع فيهـا الحضـارات العريقـه=وتجمع فنـون التمـدّن.. والأناقـه تذبح الرجال ..بأكثـر مـن طريقـه=ولابغت ؟: تحييه.. وتعيـد العلاقـه واثقه.. متأنيـه.. طرقـا.. أنيقـه=ثلث عقل وزين... والباقـي طفاقـه |
ليه أفكر في مساء البارح وانا اللي=أدري انه لارحل وصـّى صباحه رحلة الأثنين تكتب في سجلي=موت حلم وهدر دم ..و قل راحــــــه لحظته بين الـتـمادي والــتـغــلـي=كـنـهـا خُـلـقــت لتهميش الصراحه عـنـونـة وقـت أرتـحـالي قبل حلـي=وأفسحت للجــرح بالساحه مسـاحــه حوّلــت عمر الثـوانــي للـتـســــلـي=وأحرقت كرت المعاني والســـماحــه
ســــهـمــين من نجـــلٍ مظــاليــل ســــاقــن=وردن لـــــ " باشــا" الناحـلات المقـاويــس سهـمين " وردن" ظامــيـــــات وتــلاقـــــن= على مشاريف الطعون المداريـس تـطـرّقــن... وأغـضــن... تمااااادي وراقــن=وعلى الــزمـــرّد صـــوّرن عـرش ابــلـقــيـس |
تحت ..فوق ؟
يادلة البغداد للنار ذوقي=ياما يفوح الهيل وإيـصـيـر له ذوق أبسقي آآآآآخر مايبس من عــروقي=وأقول: قالوا: كل مطــرود مـلحـوق الأرض تـحــتـي والسماء الرحَـب فووقي=ماقلت: ليـه الله خـلـقـهـن .. تـحـت..فوق سيبويه ؟
كنت معـجـب بالمـعـلّـم " ســيـبـويـه"=وكنت اقول انــه خــدم كل الـعــــرب مادريت ان المشَـبّـه والشــــبـيــه=يحسـبون السالفه لـعــب وطــرب لعن ابو حيّه ؟
انتظاره صعب والأكثر صــعـوبـه=لحظةٍ تحرق فؤادي في غــيـابــــه أذكر أنه ماعطاني غير نوبه=رشفةٍ من كأس شـهدٍ ماصـخـابــــه وأمتلكني بالجمال وبالعــــذوبـه=لعن ابو حـيّـه زمانـــي كيف جابــه |
الله الله مااجملها من ذكريات.
مررت من هنا صدفه وربما حنيناً قادني دون ان اشعر. وعلى كل حال وجدت نفسي بهذا المكان.. الذي رغم سنوات الغياب الاّ انه احد المحطات التي الخالده في ذاكرتي. جميله الذكرى بكل تفاصيلها. فحمدٍ لله على هذه الفرصه التي أتت بي الى هنا دون مقدمات.وبالتالي اتاحة لي ان اقول : لكم .. ياهل المكان.. كل عام وانتم بألف خير.. وتقبل الله منا ومنكم صالح الاعمال، وتستحقون الشكر على هذه الاستمراريه لمثل هذا الموقع المرجع لكل ادب وسمو. اكرر كانت من اجمل الفرص التي أتت بدون إعداد مسبق. دمتم بخير وكل علم وانتم بخير. صالح الضويحي |
| الساعة الآن 11:38PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية