خذها نصيحه وإفهم القصد يا (فـلان)=العمـر واحــد والمنـيّـه منـيّـه
نصيحتي لـك مـا تقّـدر بالأثمـان=أوصيك وإحفظ مـا يجـي بالوصيّـه
إحذر حليم النفس لا جـاك زعـلان=يكفيـك شـرّه لا حضـر هالمسيّـه
وإن جاك له حقٍ ولا جـاك غلطـان=بالله وشهـو موقـفـك بالقضـيّـه
شيّدبـره لا جـاك جيّـة كحيـلان=ومحضّـر براسـه جنـون الفضـيّـه
أنت تخبر لا جا مـن أقصـاه ذيبـان=وسـود الليالـي فـي عيونـه سويّـه
متلبّسـه خمسـه وتسعيـن شيطـان=وجاها بعـزّة نفـس مـع عنجهيّـه
ما أقولها غـاوي ولا طيـش شبّـان=فـارس وأقـدّر مركبـي للمطـيّـه
شجاع إذاباقي مـع النـاس شجعـان=ما اخاف من عشره ولا اخـاف ميّـه
وأصون نفسي عن بـلا كـل خـوّان=الحـر نفـسـه بالمـواقـف أبـيّـه
أجيك سيلٍ يمصع القلب ( طوفـان )=وأفـز لـك فـزّة فخـر وايلـيّـه
كل ما تبـي ترفـع يزيـدون نقصـان=مخطي وكلك مـن أساسـك خطيّـه
لا كابرٍ قدرك ولا صار لـك شـان=جنيّتـك يـا كبرهـا مـن جنـيّـه
هذا إذا لأهـل الخطـا فيـه ميـزان=بـه كفـةٍ عليـا وكـفّـه دنـيّـه
يالعن أبو من خان يوم الزمـن خـان=ويالعن أبو من خـان عشـرة خويّـه
شف كيف صارت شي من شي لا كان=وش عاد لـو فـي شـي أو معمعيّـه
إفهم معاني المفـرده كانـك إنسـان=جتـك المعانـي والمعـانـي قـويّـه
أنـا علـى نيّـه مـن أول إلـى الآن=وأنـت اتقلـب كـل يـومٍ بنـيّـه