http://sphotos.ak.fbcdn.net/hphotos-..._7020348_n.jpg
على ذاك الجدار اللي على حد البيوت الطين
وقفت وهاجس الذكرى نفض في قلبي غبارهـ

وقفت أطلق مدى شوفي وأناظر مفرق الدربين
وأشوف الدار وعيوني تضم الدرب وجدارهـ

أجل هذا الجدار اللي سهر يوم العرب غافين
أجل هذا الصديق اللي ذكرته وأذكر أسرارهـ

أنا أذكر يوم يجمعنا يغطينا برمش العين
نسج ليله وسوى به على عشاقه ستارهـ

[ حجر ] لكن أحس انه يحس بفرحة القلبين
أحس انه نفس لكن غدى جامد من أقدارهـ

[ حجر ] يوم العرب تنسى اذا مرت عليها سنين
[ حجر ] يوم العرب تنسى حبيب مبعده دارهـ

ولكن الجدار اللي تركته من هذاك الحين
عرفني يوم قابلته وبلل دمعي أحجارهـ

جلست وهاجت الذكرى وقلت بخاطري مسكين
ثمان سنين في وحشه ولا أحد بيننا زارهـ

وفا ذاك المكان أثبت بأن الآدمي من طين
تخيل يوم لامسته تنهد من شِقا نارهـ

سألني قال أنا أذكركم تجوني بالظلام اثنين
بكيت وقلت : صدِّقني رحل وانقطعت اخباره .!

آه يا قربك ويا بعد المسافة
اقرب من القرب لكنك بعيد

أنت عمر صـب في عمري جفافه
نصف نار ونصفه الثاني جليد

أنت نهر عندي استودع ضفافه
وا عذابي لا افتكرت إني وحيد !

ياعظيمه كل شين له حدود وله نهاية
لكن أنتي ما وقفتي عند حدك ياعظيمه

استلذيتي بطعناتي وآخذتيها هواية
كن مالك حربتن توجع وطعنات اليمه

آه ليتك ماتماديتي بطعنات البداية
لين صار لكل طعنه بالحشا معنى وقيمه

الله يبيحك ولكن كيف في اغرب رواية
تكتبين الحب كذبه والهوى دقه قديمه