|
|
|
لململت اوراقي جميع ودي ارتب من جديد هذي قصيده للفراق وهذي للحظ العنيد كتبتها لم البحر وطعمها مر المذاق وليلته طعم الجمر ، وذي قصيده عن سهادي عن دموعي فوق خدي وغربتي داخل بلادي وذي قصيدةفـ التحدي عن قصايد في المواني حتى لو ما كان ودي ، بقبله والزم مكاني ولا ابيح بيوم سدي ااه من كثر الورق مليت منه وملني كم شكاني للأرق حتى السهـر ما همني نوم عيني انسرق ، |
عيدت بيتي .. والمساحات الحزينه .. والاماني يا انيني .. غن بي اطرب .. وسامر كل ما مرت ثواني اعزف الالام غنوه .. ما غناها .. ولا عناها شخص ثاني اطفي الشمعه وخليني اعاني .. |
قمت اطالع من بعيد .. قالو باكر يوم عيد قوم يا قلبي فرح .. قال لي تكفا استرح حاولت ارتب بسمتي .. وجهي عصاني اتظاهر بالسعاده لاكن احساسي يعاني قبضة الليل وسواده خنقتني الف عبره ولا قويت امسح دموعي ما قوى ذا القلب صبره فتق الباقي بضلوعي يومي .. وأمسي .. مثل باكر بس اعدّ بذا الثواني قلت مثل الناس صابر وتايهه بزحمة مواني كن قلبي بين قوسين وربابه بين ما بينه يلوج واتكسر من عذابه دمعتي بعيني تروج وكل ايامي تشابه ايه عيـد حفل وانشاد وقصيد .. لبس زاهي وطفل متبسم سعيد بس انا والهم صحبه بيننا قيد وحديد http://www.courtyardbridalwear.com/i...girl/23111.jpg |
|
وش اتذكر وانا اكتب على ا لدفتر ملامح وجهي الباهت .. حزينه ,, وخاطري مكسور ,, والين الان اتكدر وش اتذكر ,, طفله بائسه بالحيل ..وتتمرمر تلوك البرد بضلوعه. .وهي تبكي وتتحسر تبي امن بها تسهر ولو مره . .تبي ها البيت .. لو انه عاري ومكسر وش اتذكر ,, حزن يسكن بأهدابك ويتنثر سكن عينك ونظراتك .. وملامح وجهك الأصفر وتسألني وش اتذكر ؟ من الماضي ,, كثير اشياء في بالي .. وتتبعثر احس دموعي بعيوني ,, سحابه غيثها يمطر تتوه افكاري بين الناس وجوه الكل تتشابه ..ولا اكثر وليمن مرت الايام وتشوفك .. غريب البعض يتنكر ترى الدنيا اهي الدنيا بس الناس تتغير .. يحسبون الزمان يدوم فلا دامت لمن اطهر وش اتذكر ذكرت اشياء مدفونه زمان بصدري.. لا تظهر وتكسرخاطري كلمه.. احس الكون يتفجر طعون تشقق ب صدري وانا اتعذر ابا اتذكر ليالي ذا الشتا القاسي ,, وغربه تكسر الخاطر وطريق اطول من ايامي .. ولا يقصر وضياع امال وش باقي.. من اللي ماتو باحداقي ليه اسكت على اوجاعي.. ولي اتحمل واصبر ؟ وش اتذكر كتبته بدمعه من عيني .. على دفتـر |
جرح الصداقه لا نزف ماله ضماد وان زدت ضعف يزيد فالوقت قوه بس الجروح اللي قديمات وجداد يا هونها لا اوجست جرح الأخوه ، ، لا اشرقت شمس الصباح شفتك السحر المباح لانك لروحي عديله انتي اختي اي انــثى لو بغت تاخذ مكانك قلت ؛؛ صعبه لو سمحتي ! في زمانك كنتي لي مصدر حناني كنت لك مصدر حنانك كانت الدنيا جميله لو دوام الحال حاجه مستحيله لا ذكرت ايام راحت كل ما تتعب عيونك في دفا روحي استراحت كل دمعه لجل يرضى خاطرك لرضاك طاحت كان فينا احساس حي كل ما شفت بعيوني شـي وناديتك تعالي وانتبهتي جيتي وقلتي يا قلبي لا تبالي وينها ذيك الليالي كنتي اجمل من طفوله كنت اشوفك شيئ لا يمكن اقوله رغم ذالك انتي لا زلتي لحالك قلبي ولحمي ودمي فرحي وحزني وهمي واطلب الله ما اشوف دموع عينك لو دموعي بللت اطراف كمي لو غديت من التعب مانيب ريما ذيك من كانت لقلبك نبض واحساس ( ن ) يتيما ذيك من كانت لك التوأم ولاوقاتك نديما كانت الدنيا جميله وانتي لا زلتي لحالك انتي لروحي عديله |
مساء الشعر ... / يا جده لك بصـدري كثيـر اشيـاء مـن مدهـ احاديث وقصص واشعـار ، ، ، |
حين يصل بك الغيض الى حد البكاء بصوت مرتفع تصرخ بأعلى صوتك الى ان يختفي .
الى ان تتورم ملامحك ويغيب ذهنك وتحاصرك الجدران الأربعه وتضيق بك تشعر ان هذا الكون فارغ . لم يبقى سواك انسان تتلفت عيناك هنا وهناك تتسائل .. من انا .. انت .. هم على من ستصوب اصبعك ؟ تضيق حنجرتك بعبراتك .. تحتنق تكاد تشعر ان جسدك بدأ بالخدران بين عروقك انت تموت يختنق صوتك .. تمد يداك عسى ان تلتقطك يد مااا قبل ان تسقط . تحاول .. وتحاول ان تستجمع ذاتك ان تهدأ روحك ان تلتقط انفاسك . ان تعرف كيف تتكلم من جديد ، وان تعود للتعليم من جديد ، ان تبدأ من جديد . :r: |
| الساعة الآن 07:39PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية