|
اما أنا يا زايد(ن)مالي بالنثر غير عامين بس حبيت وأنا أتجوّل هنا أبلغكم "سلامي " ولأني ضعيفة وزن وما ألعب على الحبلين قلت خلني أطلـــع قبل تكسروا لي سهامي تراني عايشة على المــــــــــايْ والتيــــن والقلم / والحرف/ وتشكيلة عظامي - هي تجربة فاعذروني - |
القدير " زايد " نشكر لكم التصويب والتنبيه وما هي إلا تجربة في الخوض فيما لا ناقة لي فيه ولا جمل لكن ســ أجرّب مرة أخرى فامنحوني :) اقتباس:
|
ينساب دمعي لاتذكرت غالين ........... لوكنت اصلي خاشعً بالقيامي ينبت بقلبي من غلاهم بساتين ......... ومايشبهه ياكو د بدر التمامي |
المعذرة شكلي لقطت الحرفين الأخيرين من الشطر الأول .. :) حسناً جاري التقيد والتغيير اسف ..
|
الاخت بنت الامير
اضائت الصفحه بقدومك ومشاركتك ونطمع با المزيد الاخ الشاعر تركي الرشيد حضورك مهم ومشاركاتك وقود لنا اهلا وسهلا |
مياسة الحسن ياتركي برت حالي=وفي وصلها يارفيقي قلة الحيله انا اشهد انه هبلني وزود اهبالي=والصبر اشوفه ثقيل وما اقدر اشيله |
اقتباس:
جاب البيوت الوافيه ماذخرها=منظومةٍ نظم الخرز والقلايد استرجل ابياتٍ تمايل زهرها=والمفردات منقياتٍ فرايد عبد الكريم ابيات شعره حضرها=يهد فيها يوم حل الهدايد |
له في عيوني دمعتين حيارا
من زود حبه تناوش بالأهداب ماني بمثله كريم العطايا نجرح ولاننشد عن الدمع لاراب |
أخوي ....وأستاذي ...زايد الدغماني ...
أنا أرتجلت على آخر حرفين في البيت إللي أوردته الأخير مياسة الحسن ياتركي برت حالي=وفي وصلها يارفيقي قلة الحيله انا اشهد انه هبلني وزود اهبالي=والصبر اشوفه ثقيل وما اقدر اشيله |
هلا اخت نبض القلب ابها تسلمين على روعة الابيات
وفعلا مشاركتي الاخيره رد على مشاركه سابقه ليس لها علاقه با التسلسل شكرا لك على هذا الحضور |
له في عيوني دمعتين حيارا
/////// ومن زود حبه طاحت ابعيني اهداب ماني ابمثلك ياضعيف العطايا //////// تجرح ولاتنشد عن الدمع لاانساب
ابليله عتيمه والخلايق سهارا=والشعر يعطينا بما لذ وا طاب نكتب من ابيوت القصايد خيارا=ويمكن نسوّي ياملاء منها اكتاب واللي مايعطي للقصيد اعتبارا=عليه منا يلحقه لوم واعتاب في صفحة الشعار نبي انتبارا=واللي يجينا يحسب لنفسه احساب وفي ملعب الاابيات نبي انتجارا=حتى نخلي وابل الشعر سكاب |
جاب البيوت الوافيه ماذخرهـا منظومةٍ نظم الخـرز والقلايـد استرجل ابياتٍ تمايـل زهرهـا والمفـردات منقيـاتٍ فـرايـد عبد الكريم ابيات شعره حضرها يهد فيهـا يـوم حـل الهدايـد كفو .. كفو صح لسانك شاعر جزل ولاتحتاج شهادتي ياكبير . الله يعطيك العافيه .. أسعدتني كثير بهالأبيات . أنا متابع ولي عوده قريبه على هالمتصفح الملفت تقديري لك اخوي زايد . |
هل لي بطاروق؟؟ تسلمون والله
عبدالكريم احلا القصايد نثرها=تسلم ياابو خالد ياراعي العوايد الشاهد الله ماشعر قاف كرها=شعره جزيل ودايم الفعل كايد |
حياك عبدالرحمن طبعاً بعد أذن شاعرنا الكبير
|
الله يحييكم جميعا
تشرفنا بحظور الاداره الاخ المشرف عبد الرحمن الدوسري حظورك مهم جدا وبيتين اكثر من رائعه ويستاهل اكثر مراقبنا الغاالي ابو خالد الاخت نبض القلب ابها الف الف مبروك الاشراف والتوقيع ايضا ,,,وتستاهلين اكثر ملاحظه :: ليس شرط ان يرد اللشاعر على نفس الوزن والقافيه في هذا الموضوع على الابيات التي تسبقه اهم شي هو مطلع ابياته يكون من اخر حرفين تسبقه من اللابيات التي قبله والف شكر على اتحافنا بفيض خواطركم |
السلام عليكم يشرفني ان اشارك اساتذتي هذه السلسله الذهبيه و أقول يداعب النسمات رمشك و الاهداب ........................ ويزيد في لعبه بعود الدعابه ياليتني نسمه و أقف على الباب ........................ ويمرني مرات و أداعب اهدابه |
بها بهااااء الكون مابها بهاها=وماغيرها من البيض شد انتباهي ريميت (ن) مالومها لو تباها=حتى خفوقي مارضى الابها هي |
هيهات ياعين (ن)بكاها جداها@@@@ارد دمعي لاكن الدمع راهي
مسيطر(ن)حزني على نثرماها@@@@في لحضت (ن)فيهااكثرالناس ساهي |
هي الجميله والشهد من شفاها= والروض الاخضر مرتعه يوم اجيله |
لهيت قلبي يوم ذعذع هواها@@@@قلت اصرفه في حال ولابحيله
لا شك فز وفزته ما تضاها@@@@ودلى يناوخ شوق خلي وخيله |
لاهب ذعذاع القصيد وسرى الليل=وقامت خواطرنا تجيب الحنتها نشعل من احروف القوافي قناديل=واليله السمراء تموت اعتمتها |
هاج القصيدوفاح مثل المعاميل@@@@@قصيدت (ن)حسبي على قافيتها
يبدابها زايد بعيد المراحيل @@@@@حيدا من المعني بروحه نحتها ماهوغلط لاقلت في خافقي خيل@@@@@دكت ضلوعي والجروح انجحتها ينزف لهم جرحي كماوادق السيل@@@@@وعيون فكرى بالقصيد المحتها يازايد المعنى بروق ومخاييل@@@@@وانت الذي بديتها......بولتها |
هانت على اللي لابدى بالتماثيل= تاتعتدل له طوع عقب عوجتها
لابد مايلقا عليها مداخيل=وتنساق له بالطوع عقب عنجتها والخافق اللي راس ماله مواويل= ماهيب تضمد للجروح ان شكتها والله من جرح(ن) شكوه الرياجيل= وكم علت(ن) ياسر قبلك شكتها وجزل المعاني مثل صدق المخاييل = لودونها شمس(ن) عليك حجبتها |
هازا لطوال وخانه العرف باالحيل@@@@@ليت الملقف تنتبه للسنتها
ياطير لا تدحم ترى حربتي ويل@@@@@جنب قبل لا تبتلش بغبرتها والله يلول اللي لهم بالوفاكيل@@@@@ومقدر وجيه (ن) لها غانمتها مزابن(ن) للجود نسل الحلاحيل@@@@@اللي يشرفني بها معرفتها لا ترك في وجه الهبايب سميليل@@@@@وجدد سمال(ن)عليك لحنتها |
عقاب استودعك الله على امل اللقاءبك في مكان اخر
|
اقول فكرك لقح الشرد الحيل = ويازين طرقا فكرتك منجبتها هانت لك العوجا عقب صابها ميل = الصعبه اللي يوم شفت دعوتها عزالله اني يوم اخايلك ياسهيل= طلتك عيني بالسماء معجبتها الخيل والحربه على صايح الويل = لي سابق(ن) قضبتها محضرتها والبندق اللي فوقها حط دربيل= رمايها ماصاب نصع(ن) رمتها |
[quote=سر دار;152907]هاج القصيدوفاح مثل المعاميل@@@@@قصيدت (ن)حسبي على قافيتها
يبدابها زايد بعيد المراحيل @@@@@حيدا من المعني بروحه نحتها ماهوغلط لاقلت في خافقي خيل@@@@@دكت ضلوعي والجروح انجحتها ينزف لهم جرحي كماوادق السيل@@@@@وعيون فكرى بالقصيد المحتها يازايد المعنى بروق ومخاييل@@@@@وانت الذي بديتها......بولتها[/quote
هاك البيوت اللي غدت مابها حيل=والله مدري كيف روحي بنتها كتبتها ومزون بقعا هماليل=ومرت اعاصير الزمن واحظنتها وسلام ياللي شالها تالي الليل=وبنى عليها مرهفات اخجلتها جتني فرايد مبعدات ن عن الميل=والذائقه ياصاحبي ترجمتها انا اشهدن انك من رجال حلاحيل=وترى الوجيه مبينه من سمتها |
|
[quote=زايد الدغماني;153010]
اقتباس:
هاك البيوت اللي غدت مابهـا حيـل والله مـــدري كـيــف روحـــي بنـتـهـا كـتـبـتـهـا ومـــــزون بـقــعــا هـمـالــيــل ومـــرت اعـاصـيـر الـزمــن واحظنـتـهـا وســلام يالـلـي شـالـهـا تـالــي الـلـيـل وبـنــى عـلـيـهـا مـرهـفــات اخجـلـتـهـا جتني فرايد مبعـدات ن عـن الميـل والــذائــقــه يـاصـاحــبــي تـرجـمـتـهــا انا اشهدن انك من رجال حلاحيل وتــرى الوجـيـه مبـيـنـه مـــن سمـتـهـا |
هات البيوت اللي مثل خنة الهيل@من جوف شقحا فكرتك طابختها
وذوق الرجال الطيبه له فناجيل@عساه يجلي عن العيون أأنعستها ياخال لي مع سر خوة مشاكيل@مي خوة شقرا الأفغان أجمعتها حنا بلشنا بأبره راعي الفيل@والناس ليت طيورها قاضبتها والمسأله تحتاج يالقرم تحليل@هاك البيوت وهات لي ترجمتها |
http://www.viafy.com/uploads/35218912a5.gif
با الاخ الشاعر حماد الخريصي سعدت بوجودك وحظورك
هالخط واضح مايبي أي تاويل=لاشك عيني هاالقزازه عمتها صارت اعيوني يالبناخي درابيل=والله يستربس من تاليتها ابي افتل حرفك اليوم تفتيل=واشوف وش مظمونها وسالفتها وبعض السوالف ماوراها محاصيل=تسمع ولاكن ماتذوق اطعمتها ولا ودي ادخل في ادق التفاصيل=تبي الصراحه جيتك من اخرتها |
مشكور اخوي زايد على هذه الفكره الرائعه
والف شكر على اهتمامك ومتابعتك وحرصك لي عوده ان شاءالله كل الشكر والتقدير لك |
اقتباس:
هام وترقى والمواكر محابيل@@@@من ونتن بقصى كنينه نهتها عابر بحور وجهته نجد ومحيل@@@@عينه سما ماشافت اللي تحتها معناه بين ما تلفت ولو سيل@@@@متو جه (ن) للي جهاته جهتها يشرب هوى داعج عيونه من الميل@@@@اللي برت روحه وهي باريتها هذا ولك مني تحيه وتبجيل@@@@والناس تر ماهي سوى ذايقتها |
شفت المزون ؟
اللي تمر؟ مابها سيل؟ "......."تمطر على دار ودار أتركتهـــا قل للحناجر لو بهــــا صيحة الريل"...."الحشرجه نسية دوى حشرجتهــا كانه جهل هابيل وش كان قابيل"....."يوم الوجيه أبشع وصوف غشتها ريف ورخا روضٍ(ن) وكفه محاصيل"....." ينثر من الوبلي لقتل محلتـهــا ناس تبي تقطع حبال المواصيل"..."مالي وماله مانبي مواصلتهـــا |
حيا الله الحضور المميزِ
زايد كله بركه اللي جمعنا برا س ذالرجم نوخوووو مساك الله بالخير اخوي سردار ولايهون حجاب وأعقاب واهلا بعودتك |
مسيت بمثله اخوي حماد
والمساء اجمل بحضوراخوي زايدوالاخ عقاب ولاخ حجاب اتنمى لكم سهره ممتعه في ضيافة النمر زايد |
الاخ حماد الله يسعد مساك
ليش مخالف للقانون طال عمرك هههههههههههه ولا منت شايف حكومه ونظام بعينك جزاء لك عليك كتابة ابيات جديده تبدا بها بااخر حرفين من نهاية الابيات التي تسبقك وعليك تنفيذ امرنا هذا قبل بزوغ الشمس |
هاذي المزون
|
هاض الخفوق وطرق الابيات بيّد=وانهدحيلي من كثر ما اشده لقيت ناس ن تلعب العب جيّد=وكلما كتبت اكتاب قامت ترده حمادفكري يمك اليوم عيّد=اروه قراحك من قبل لاتمده انا اشهد انك لطواريق سّيد=وياكثر مالك في خفوقي موده اكفخ بجنحان السعد لاتقّيد=وطيرك اذا انك شفت له صيد هده |
دهم (ن) ترزم والرجا ضاق باله@@@@مستاحش (ن) يخاف غيره سبرها
لو كا ن حضي به شويت عداله@@@@ما كان ضحكاتي تموت وقبرها ابكي لجل غيري وجرحي شماله@@@@يكسر ضلوعي ولحدن جبرها يااللي توصله خبر في رساله@@@@ياويل حالي كان طول خبرها اشتاقله في كل لحضه وحاله@@@@ولغير زوله ناظري ماعبرها |
| الساعة الآن 11:13PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية
