عويد كسار العنزي

تسلم على هذه الابيات الجزله

"

ماحسبت حساب يالرؤس الذليله = والاخوه دم وجهي ماطعنها
مايخون الزاد من نفسه نبيله = والجذور الفاسده يظهر عفنها

من لا سعى للمرجله ماكسب دور = ومن لا يروم النايفه مارقاها
ومن لا يعز النفس بالناس محقور = ومن باع نفسه عزته ماشراها
ماني يابو فارس على الناس مجبور = أعز نفسي وأبتعد عن غثاها

الله خلق جنه وفي وسطها حور = وأنتي لكل الحور ياحور جنه
يالنايفه واللي خلق شامخ الطور =أن الغلا مشروع والعشق سنه
أبختصر لك والوفا .. نبض وشعور = مثل المطر للارض والوقت كّنه
في خاطري كلمة وفي داخلي جور = وفي نظرتي عزه وعطف ومحّنه
لكن شكيت الجور والصدر معذور = في داخله . عبره . وصرخه . ووّنه
لا عاش رأسٍ خاطره عاش مكسور = ولا هان رأسٍ ما ألحّق المد مّـنه
في هالزمان اللي من الصدق مهجور = كم من أسنافي بالبشر خاب ظنه
أنسان رغم أمانته ؟ عاش مقهور = ماكن حوله قلب حيٍ يّحنه
يشعر بضيق صدور . وصدور . وصدور= ولا يبدي الشكوى على الناس لنّه
عزيز قوم وصار منهي ومأمور= يعني ظروفه في حياته حّدنه
لن الوفِي دمه بها الوقت مهدور = ونفسه عن دروب الرديه تعّـنه
راع الوفا بالنايفه يشعل النور = ويثبت فعايل خازمين الاعنه
عند الشدايد فعل الاحرار مخبور = مافيه لا شكٍ ولا فيه مّنه
والا الردي في كل الاحوال مثبور = لا يخدّعك عند الرخا ضحك سْنه

ماحسبت حساب يالرؤس الذليله = والاخوه دم وجهي ماطعنها
مايخون الزاد من نفسه نبيله = والجذور الفاسده يظهر عفنها
ليه نشره والردى اصلاً فصيله = عرقها ضخ الردى دم ورهنها
الردي يبقى ردي مافيه حيله = وكل نفسً مالها غير امعدنها

صنداح الزلامي

الف الف شكـر لمـقـامـك

دمت أخاً وصديق أعـتـز به

ودي وتقديري

لاهنت ياللي تشتكي منك لاهنت = تشكي بصمت ولا تبين ونينك
يالشامخ اللي بوجه الايام مالنت = ولا حنت سود الليالي جبينك
ياأعـز وأوفى من له الشعر هيجنت = هذي أطعوني ماتوازي حنينك
وياظلنا اللي يطعن أظـلالنا هـنـت = الشمس بانت جأوب الصبح وينك ؟