شبكة رهب الأدبية-ريما محمد السديري

اقتباس:

المشاركة الأصلية كتبت بواسطة وجله (المشاركة 2629)

ارتباك و خوف واحباط و قلـق
هم معْ حيره معَ دمعـات يـاس

آتفاءل كلّما صبحـي شـرق
بس اشوف الخوف يقتل كل باس

قلت أعوذ بخالقـي رب الفلـق
من وساويس ٍ بصدري ما تقاس

من متى و آنا أصارع هالأرق !!
من متى والقلب أرضه في يباس !!

كل شي عندي تساوى ابلا فرق
ما افرّق بيـن فضـه او نحـاس

المسافـه بينـي وْ بيـن الغـرق
واضحه ما تحتمل جهد و مقاس

ضاع عمر ٍ في شبابـه يحتـرق
ما قضيته غير في هـم ومـآس

الأمل ما يوم فـي عينـي بـرق
استمد الباس من ناس ٍ و نـاس

مثل طفل ٍ تايـه ابعتمـة نفـق
ما وحى له يجني انتاج و غـراس

كل يوم أسهر إلى حـد الغسـق
والهموم بوسط معلوقي حبـاس

شوف كيف الهم لابوابي طـرق
ما بقى لي قلب بـه ذرة حمـاس

ارتباك و خوف واحباط و قلـق
هم مع حيره معَ دمعـات يـاس

ياسلاااااااااااااام

قصيده من أجمل ماقرأت

مليئه بالاحساس والشاعريه

وكذلك رد رائع

حـاربى ها الياس لين اخر رمـق= وارسمى باب الامل حب وحماس.

لا تهابي مـن الليالــى والأرق = ما ورى ليل الهموم الا الدماس

كم تقهويت التعب حد الارق = والسهر ادمي عيوني للنعاس

صرت اجر الحزن في دفتر ورق = والضلوع الحدب لهمومي مداس

حرام عليكم ..

ليس هذا مكانه ياليت لو تنقل للبيت القصيد ..

هذتين القصيدتين من اروع القصيد

تحياتي لكما