تذكرتــك بعد موتــــك بكيتـك وإنكسـر رجـال = ونثــرت بمجلسك حسره وقصــيدة وجد لوصالك
أشيل من الحـــــزن حمـلٍ تثاقـل تنقــلـه أجيـال = وأنا مايــنفــطر قلــبي كـــثر حزنـي علـى أمثالـك
أخايل طيفـــــك بعيني وأنزلهــــا قـدر وإجـلال = لأنـك عايـــــــش بــقلبـي ورب الكــعـبـه لـحالــك
ثلاث ســـــنين من لحظةرحلت وحال مامن حــــال = أشوفك بــس بأحلامــي وتبــكينـي علـى فالــــــك
غيابـــــــك موتي يغيابك كأنه صيـف دون ظــــــلال = أدور لـــــك مـن الذكرى بقايـا رســــوم لأطلالـك
رثيت الطيب من بعدك عسير وصــــــار ماينطــــال = أحســـــــــه مات مع موتك بعد ماغابـت أفعالـك
أحس الأرض من تحـــتي تنافض يايبــــــــه زلزال = وأقول الحزن مارافــق بهالدنــيا سوى عيــــــالـك
بكت سجادتك فقــــــــدة جبينـك كـل ماينهـــــال = بسجــودٍ طابع الهامــه علامــه لطيّـب أعــمالـــك
ليـــــامن صـــــوت نجـــرٍ دق أحـس بدقتـه مـــوال = أجيك أركض أحسب إنك تبي من يغـــسل دلالــــك
رحلت وكل ماباقي حكايـــــــا تنضرب بأمثـــــال = وقــصايــــد كــل من حــــبك حـــزينه حيل ترثالك
تذكــــرتك كثر نورٍ يشــــــــع بوجهك ويختـــــال = تذكرتــك كثـــــر ناسٍ نســـــوك وكانوا رجالــــــك
تذكرتـــــك كثر ناسٍ رفعــــته للنجوم وطـــــــــال = وأشوفه من بعد موتــك تنكّر فزعــــــــة عقالـــــك
لك اللــــه مابكاك إلا يتـــــيم وكنت راس المــــــال = بكى لين إنعمت عينه حـــــزن لغياب مرسالـــــــك
لك الله مافقدك إلا رفيـــــقٍ ظامـــــــه الترحـــــال = تحدتــــــه الطغاة اللّي بموتـــك خانــــــوا ظلالــــك
لك الله يايبه مابه بعد موتــــــك بقايـــــا رجـــــال = أظن المرجـــــله ماتــت يتاج الــــراس برحالــــــك
خذاك المـــــوت لكـــــــن الوفـــا ياسيـــــدي لازال = بقلــــبي وجعله الجلــــطه إذا هالقلب موفالــــــــك
كذا سوت بي الدنــــــيا وكـذا سويتنـي تمثـــــــال = لــوأدري بدلّــتــــك فرقـا فـلا جـرّبـت فنجالــــــك