طال الكلام وسر الأحلام ماطال=والكل واحدوالهوى ماهواها
عمر الوطى ماسارها كل حلاّل=والدار ماكل واحدٍ هو ولاها
مهما دروا دام أدركوا كل ألاحوال=ماصار والحاصل رداهم رداها
ماكمّلوا علم الولا والعدو مال=ماطالوا إلا همهم لاسواها
للسلم عهد وسلم ألاسلام ماعال=والعلم كود السلم لاماعداها
ردو مع الموال مردود موال=دام الصدى مهما وصل ماعلاها
عدّوا ورى الدلاّل لاصاح دلاّل=والسوم واصل للسما مع وطاها
عصر الدهى راح وسوى عصر ألاموال=وأصل الملا ماهمها ماحواها
لاحلم واعد والوهم ساد ومحال=لاسلم سالم والعهد مامعاها
سمّو على المحصول والحاصل أهوال=والدر مهما سادها ماحلاها