مرحوم ياللي للصعيبات مدهال = مـواقـفـه بالـطـيـب .. علمٍ يقيني
له في كنين القلب موطن ومنزال = لا غاب عن عيني بفكـري يجيني
صورة خياله في عيوني ولا زال = تبقى وصاته بالخفوق الحزيني
(أبويه) اللي تفتخر فيه الابطال = قصة حياته بالفخر تكتسيني
سيرة فخر تبقى على مر الاجيال = لو غاب راسه شامخاً صدقيني
نوماس فعله يعتلي رأس ماطال = ومكانته مابين قلبي وعيني
نرفع له البيضاء على رؤس الاقذال=الغايب اللي حاضرٍ في سنيني
من لوعة الحرمان .. حيره وغربال = وجرح المفارق والالم محتويني
في ناظري كل البشر عقبه أطلال = من حسرة الفرقا ولوعة حنيني
في غيبّته عبرة وصرخة وموال = أحساس غربه بين نفسي وبيني
[COLOR="Red"]مايوصفه جـزل المـعـاني والامثال = أبكـيـه في شعـري وخافي كنيني[/color]