هز الغصون وشوف كيف العصافير= تطير ..قدامك في كل الجهاتي
هذا أنا ويّاك في كل تفسير=في ثورة اشواقي تـْزوّد شتاتي
ينبت بروحي فل ... ورد و نواوير=من يوم صرت بمهجتي ياغلاتي
شذاه مفعم بك محبه وتقدير=ياوابلٍ اسعف ذبول أمنياتي
ولّْـسلسبيل العشق في داخلي بير= جمّه تكون من هطولك بذاتي
قرّب وخل البعد.... مليت تبرير= تعال ابسقي خافقك من فراتي
وأهمس في أذنك صادق الود تعبير=كلام ماتسبق شفاةٍ شفاتي
وأعلمك تسبح فضائي.. فضاء غير=عشان تجني ياحياتي حياتي
تعال.... خل البعد من قسمة الغير= تعال قبل الشوق يعلن وفاتي