شبكة رهب الأدبية-ريما محمد السديري

الى من يهمها ....

القصايد يا بعد كل القصايد
كلبوها دمعتين وضحكتين،
وكل عام وانت لأحزانك تعايد،
وانتي لو تدرين وش تعني الدموع،
كان ما اطفيتي الشموع،
كان ما رحتي وانا واقف على خط الرجوع،
انتظرت .. وانتظرت،
يعني لجروحي اختصرت،
وفي الحقيقة كل بوح .. كنت ابوحه
كان غارق في وضوحه ، انتصرت وقلت بالخط العريض :
شف دواء الشاعر جروحه ،
دونها يصبح مريض ،
لاحظيني قبل لأحكي .. قبل فصل الدمع لاينوي حلوله
قبل لأبكي لجل لا قلتلي تكلّم ،
مابقى شي ٍ اقوله ،
القصايد يابعد كل القصايد ..
كلبوها دمعتين وضحكتين ..
وكل عام وحزني المسكين زايد ،
كل عام و جرحي (السكين) نايد فالحشا ،
في مرايا الدمع إلى منه مشى ،
فالوجيه الشاحبه ، كنه يجمّل ملامح صاحبه ،
اذكر انك قلتي ياشاعر وش اعني لك انا ،
قلت انا : بالفعل ماتعنين شي ،
وكنت اقصد شي واحد ،
لإنك انتي كل شي
وان قلت (شي) اكون جاحد ،
انتي ماتدرين وش تعنين للشخص الحزين ،
لإنك اصلاً لو دريتي ما غديتي فالزحام ..
في وجيه الناس مدري وش تبين ،
تبحثين عن محبة واحد ٍ اسمه (حنين)،
انزوى في كومة احزانه تناسته السنين،
كل ما مر فخياله حلم مد اله اليدين،
لين تالي كل مامر فخياله حلم اصبح مايبالي،
مل حلمه مل من دور البطولة لإن فلمه .. ما حد من الناس حوله،
حاول وحاول يعيده ..
لين مرة قال لأحزانه وهو يغسل لسانه .. من قصيدة
اكره الاشيا الجديدة ،
قالت احزانه: اهانة! ليه انا ماني عنيدة ؟
وانتي لو تدرين وش تعني الدموع ؟
كان ما اطفيتي الشموع ،
كان مارحتي وانا واقف على خط الرجوع ،
انتي ماتدرين ويش احمل انا ، انتي ماتدرين وش احمل انا..

للرسالة بقيّة..

هكذا احببت ان اقرئها عبد الرحمن ..
اعجبتني .. تسلسل جميل وحرفنه واضحه مبدع انت صح لسانك
تحياتي لك
رهب