أمانه قول وش فاده كلامه عقب ما مات=وسكن في قبر ما يرحم عذابه فيه زلاته
هناك بداخل القبر الوحيش انتابه الحيات=غرام الحب والدنيا و همه كل رغباته
تغير حسنه الأول و صار الجسم به كدمات=وسكن جسمه سواد الذل و غابت عنه بسمات
خساره ضاعت اسنينه وصارت كلها ويلات=تنكر له غرامه سم و قطار العمر قد فاته
يجر الويل مواله و يطربه الحزن شيلات=وعليه الهم قد خيم و جاه الخوف بسكاته
تصور له حياة العمر افراح (ن) كنها لحظات=ألا ياشين ماسوى وهو يحكي تفاهاته
ظلام القبر و أعماله و ديدان(ن) لها جولات=حسافه دنيته راحت و باقي من حسافاته
يظمه قبره بلهفة حبيب(ن) طال به غيبات=وهو كان يتمناها قبل لا تصير ويلاته
تلاعبه شياطينه على ميل الهوى لعبات=مثل مايلعب الطفل الصغير بكل لعباته
وتالي رحلته نار تجر الصوت بالزفرات=ويبقى في جحيم النار يحسب كثر زفراته
أمانه قولها للي طريقه أنزرع سيات=عساه يخاف ربه يوم تكاثربه سويعاته

صح لسانك فواز

أبدعت بالقصيدة والتصوير الرئع
الله يحسن الخاتمة
ويجعلنا وإياكم من أهل الجنان

تقبل مودتي وتقديري