|
هـزيـت غـصـن الـغــرام .. وهــزّنـي طــاري ! مـن كـلّـفـك .. تـبـعــث الــذكرى .. وتـيـقـضــهــا ؟ أن كان .. تـبـغـى جــديدي.. وآخــر أخـــبـــــاري هي كـلـهـا .. جـمـرةٍ بـالـكــف قـابـضـهــــــا ؟! يـدري بـهـا المســتـريـح .. اللي ماهو داري ! من كـثــر ماشــاشــة الـتـفـكــيــر تـعـرضـهـا هـذا أنــا .. والـقـصــيـد .. وذاااااك مشـــواري أبـدأ أبــنــي آمـــال .. ثـم أعــــود وأنــقـضــهـــا هـي هـكـذا .. رحـلـتـي يـاليل ياســـــــــــاري وشـولـه أخـبـرك عـنـهـا ..وأنــت حـافـظـهـا لا أتـحـرّض الشـِعـر يكـشـف بـاقـي اســراري روحـي على آخــر .. رمـقـهــا .. لاتـقــايـضـهـا مافــيه جــــرحٍ عـن الأنـظـار .. مــتــواري دخـيـلك طـعـون صــدري لاتـحـــرّضــهـــــــا |
يـمـرّني طـيـفـهـا .. وأكـذّب الـواقــع ..وأهـيـم في عـالـمـه والحزن بأعـماقــي ** الثقافة .. في قناعاتي !! هي كـ كعذوبة السهل الممتنع من الشِعر .. فالمثقف هو من يستطيع أن يغريك لقراءة مايكتب بأسلوبٍ شيّق وأسترسالٍ ممتع .. يستطيع أن يبسّط المعقّد من القول .. ويقرّب العمق تدريجياً الى ان يضعه امامك بـ صورةٍ لاتخل بالمعنى .. الثقافة ليس هي تلك الفلسفة المعقدة التي يتبعها كتّابنا الكرام .. تداخلٍ في الصور وابتذالٍ في اللغة وجنوحٍ فكرياً فقط يشغل حيزا من الفراغ !! هذا جل مانقراء .. ! " قناعاتي" . . . تناقضات قلبي يحب الجميع وهاجسي غاوي وأنا بشر والبشر متناقضـن ظنـه . . . احيان أشوف اكثر الألوان متساوي وأحيان احس بغلط بالصدر وأكنـه . . . يلج بضلوع صدري ذيبها العـاوي وأقنب معه كل ماجر العوأ .. لأنـه .. . . . في معمعمة هالزمان المغري الكاوي من حيث يأمن عيون الناس يرمنّه . . . آفات الأخبار بين الوقت والـراوي ماعاد ناثق سوى بالفرض والسنه |
مـاعـاد.. تـغـريـنـي مســافـات الأقــلام دام الـكـلام إيـهــام .. والشـِعر تـصـفـيــف . . . لابـارك الله فـيـك يـ أضـغـاث الأحـــلام صــرتي لــنـا داعيـ .. وصـرنا مـــزاهـيـف . . . نـزرعك أمل بصــدور صــكات الأيـــام وأنتي مـجـرّد طـيـف .. وأحلامنا طــيـف لأن لحظة التجلي تلك تستفز حرفي من اول وهله فهو لازال غضٍ طريا يعشق الحياة ويدلف ابوابها المشرقة قبل ان يتحسس ماوراء اسوارها ..!! فكم هو يمثلني ايما تمثيل .. وكم هو يكتب لحظتي وكم أنا قدّس من ييقض كوامنه المحتبسه وراء متشابهات الآيات بفعل فاعل ..! ذلك الحرف الذي خُلق تحت سقف السماء السابعة ولم تُخلق المتناقضات الا جزئية بسيطة من كينونته وبهذا امتلك ناصية فكري وكانت خصوصيته ..!! فـ كما ان آدم خُلق من تلك الطينه الممزوجه بألوان الطيف تباينا ً .. فـ حرفي خُلق كذلك من قوالبٍ ذات صفائحٍ ملتهبه .. .. خطوطها متوازيه .. ألوانها متباينه .. ورافدها نهرٍ واحد .. لم تلوّنه شوائب الطقوس !! فـ .. أطل كـ قبسٍ من نور على غدير الحياة لتتشكل منهُ شـعـُـبٍ مرجانبه تسكن أعماق الغدير ..ونوره يطفو على سطح الماء .. لتحسبه الأعين يسكن الأرض ومايسكن الأرض الضؤ المنبثق من جوانحه !! فـ حرفي لازال طائرٍ يغرّد خارج السرب فمن يستطع استراق السمع لـ يدنو منُه ويقراء ابجديته ويقترب منهُ الى ان يكون قاب قوسين او ادنى . عندئذٍ سـ يسدل اجنحته له ويبسط لهُ يديه!! . . . |
فــ ضــ فــضــ هـــــــ
محتاج أفـضـفـض بس ماهو على الناس= الناس ماترحم ولاتحفض اســرار ماقدّروا ضيقه .. ولاشرهة احسـاس= الله خلقهم بس نقالت أخــبـار. من شان هذا .. كل مادق هـوجاس= فـضـّلت صمتى لو خفوقي على نار وخلّيت قلبٍ سـاجدٍ بين الأقواس= لاعـادك الله يـ أختلافات الأنظار |
وايش اسـوي يالمـقـام الســـامـي والخطأ .. بالخطـه الخـمـســـــــــيـه . . . طـارت الأوراق مــن قـــــدّامـــــي مــا بـقـى غـيـر الـقــلــم بـــيـديّــه . . . أنت وينك ؟ والله أنـي ظـامـــــي مثل مايـظـمـأ الغـريـب .. لـحـيّــه . . . ياسماء حـرفي وغيث إلهامي غيرك أنت بهالوطـن من لـيّـه ؟ . . . |
عيدك مبارك ياوطـن عـاد عــيـــدك
دامت لك الأفراح عـامٍ بأثـر عـــــام . . . عــيــدك مبـارك ياشمـوخٍ يشــــيـدك شعبٍ بصدق الأنتماء زال الأوهـام . . عــيـدك مبـارك ياضميـرٍ رصـــــيـدك صــدق المحبه وأعتـزازك بالأسـلام . . . عش للفــرح لو حكّم الحـزن قــيـدك وأســرق بقايا النور من سـود الأيـام . . . العــيـد.. يــــومٍ كـل مابـه ... يعــيـدك يهــديك ذكـرى أفــراح..ويجـــدد آلأم . . . لحــظـه تــفـتـش بالطعـون وتـــزيـدك ولحــظه تذكّــرك التواصـل والأرحـام . . . ولحظة تأمّـــل تـخـتـصــرك لبعــيـدك حتى تحــــــس أن الفـرح كلـه أوهــام . . . أن كان ماصارت مشاعـرك بـيـدك للحزن راهي قبضته... وأنت ماأتلام . . . أكـتـب على صـفحات حـزنك جديـدك ولاتنشد الضحكـه.. عن وجيه الأيتام . . . عـيـدك سعـيد وبالفـرح عـاد عـــيـدك دامت لك الأفـــــــراح عـامٍ بعـد عـام كل عام وأنتم بخير |
نزعل ونرضى ..اي والله نزعل ونرضى .. نزعل ونرضى والزمن مابعد ضاق=يعني زعلنا بالزمن من رضانا ونضحك ودمع اجراحنا بين الاحداق=يعني تشابه ضحكنا مع بكانا ماهو تعب .. الا تعب ..هم وارهاق=من وين مانمشي ورانا ورانا ضاقت صدور وقبلها شانت اخلاق=من هالمسافه صبرنا وش عطانا لو لا مداد الحرف وصدور الأوراق=على كبر صدر الفضاء ماحـوانا ان ضاعت الشرهات وان نشفت ارياق=غيثٍ ماهو بكفوفنا ماسقانا |
,,
يالزاكي .. الباكي .. فدوك المـحـبـيــن اللي تـغـنـوا.. بي بعــز انكـســــــــارك ,, لو يـزرعـون الأرض ورد وريـــاحــــيــــن في خاطـري مايكســـرون اعــتــبـــــارك ,, ولو هـمـسـهم يشـبـه خشــوع المصلين ياااابعدهم في عـالمـــي ..عن مســـارك ,, كـنّـك قبس من نــــور .. وأرواحـهـــم طين مهما " حـكـوا " مايــقـدرون أخـتـصـــــــارك ,, |
ياساري الليل الطـويل اعـتـبــرني
خوي جنب ولازهــابــك .. وهــابــــي ! |
ياقمـر ( 20 ) وش بعـد المسافـه ؟=أختصرهـا عنـك ..والا تختصرهـا ياقمـر .. مافيـه داعـي للكـلافـه=أرضنا .. بدر الدجى.. نوره عمرها .. طاف بي رحب الخيـال وشـد قافـه=غيمـةٍ نسماتهـا .. تسبـق مطـرهـا هي بشر؟ والا .. افلاشات الصحافـه=رتبتهـا .. بالبيـاض اللـي غمرهـا جل صنعه.. جل نونه .. جـل كافـه=أصطفاها .. بأجمل الوصف وسترهـا جت تزف النور .. والبـرق ومطافـه=مادرت في هالزمـن وش ينتظرهـا ؟ أقبلـت والوقـت . وأحكايـة جفافـه=في نظرها .. جملـةٍ غايـب خبرهـا داعبتهـا نسمـة الطهـر ..أبـلطافـه=كنها عـن فجرهـا ..تفهـق شعرهـا شاقها عطر المدى الرحب .. وعفافـه=وأسفهلـت . والقمـر قبّـل نحرهـا شدها " موطأ قدَم " ماهـي طرافـه !=استفز احساسها .. وأرخـت نظرهـا مافتنها النقـش . مـن بـاب اللقافـه=ارتبـاط الـروح بالغربـه .. جبرهـا كنّهـا قالـت : تـرى الدنيـا سخافـه=قبل تبـدأ ..رحلـة الميـل وسفرهـا آه ياهي كـم .. تُـردد يـا "حسافـه "=كل مامـر اول الشـوق .. وعبرهـا شفت كيف ان الزمن مافيـه رأفـه ؟!=ماحفظ من هالأسامي .. غيـر أثرهـا |
| الساعة الآن 07:05AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية