شبكة رهب الأدبية-ريما محمد السديري

أحيان يجبرنـي الخطـأ ولاتعلمـت
أخطي بردت فعل تضعف حضـوري
بـس الأكيـد أنـي أبـد ماتغيـرت
ياغاليـه ولا زال صوتـي جهـوري
ولاني بكامل لاحشـى لـو تمكنـت
الكامل اللي بشوف وجهه سـروري
الخالق المنـان ربـي لـه أسلمـت
يعلم خفايا الـروح واللـي يـدوري
خلفي ومن حولي وأنا مسلم أمنـت
بأن الظلام يطـول لكـن ضـروري
تشرق لنا شمس الحقيقة وجاهـدت
نار البدع بطبـاع غصـت بـزوري
ولاصنت نفسي لاجل عينك ولاخنـت
لأنـي لحـدود الله أكبـح غـروري
ومن خاف ربـه لاتخافيـه يابنـت
لأنه يخاف حسـاب أجـل وفـوري
يا أغلى حزن لوتجمع الناس ماصحت
لأبعد قريب ..! ويا بقايـا قصـوري
عانيت صمتي ما اذكر أني تظلمـت
عايش غريـب ولاتعديـت سـوري
وحيد في زحمة هواجيسـي أبعـدت
من خوفي أسمـع مايحلـل نفـوري

صح لسانك

الاخ سلطان ماهو غريب عليك

انت دائمآ مبدع

لك اجمل تحياتي وتقديري