|
الفلوس
تدرون ايش معنى الفلوس ؟ ! ورق عادي يقولون عنها عمله تمشيك بهالحياه تشتري شربك وزادك تصير آدمي الكل يحترمك لك مكانتك في المجتمع لو يجيك رشح كتبوا عنك ان فلان بن فلان اصيب بوعكة صحيه وقد تشافى منها ولله الحمد والمنه وصحيفة . . .. . . . . تقول له الحمدلله على سلامتك جميله هي الفلوس صح؟ كم واحد يقول والله انك صدقت واحلالالاه يالفلوس الفلوس تخليك تجد ناس يبيعون ذممهم عشان خاطر عيونك حلوه الفلوس صح ؟ ! الفلوس تخليك تنسى اهلك ومجتمعك حتى ابوك او امك تنساهم بس يذكرك واحد ويقول ابو فلان اليوم اتصلت وحده تقول انها امك وتبيك ضروري وانت تقول قلها مشغووول بعدين اتصل حلوووه الفلوس صح؟ ! الفلوس تغير النفوس هم يقولون بس ماعليك منهم هذي تمشيك في الحياه وتخليك تنسى امك وابوك الله ياحلوها الفلوس الفلوس تخليك تصادف اخوك وتصافحه من بعيد وتقول وش اخبارك؟ من زمان ماشفناك يالله الوعد في مجلس ابوي في عيد الاضحى لاني عيد رمضان مااقدر مرتبط مع رجال اعمال حلوه الفلوس تخليك رجل اعمال لك وزنك في البلد ياكرهي للفلوس اللي تسوي كذا |
الحب اذا كان مقابل شيء
يزول بمجرد الحصول على هذا المقابل |
دائماً ندّعي المِثاليه في حياتِنا امام الجميع
ولكن بيننا وبين انفسنا قمّة الفوضى لماذا لايكون الشخص صادق مع نفسه قبل ان يصدق مع الغير نحاول ان نلفت النظر بإننا أناس في قمّة الطهر والبراءه ونحن عكس ذلك تماماً بس صدقوني هذا الشيء جداً متعب لشخصيتكم لايوجد احلى وأروع من أن يكون الشخص على طبيعته فلايقول أحد بإن طبيعتي مزعجه ولاتعجب الغير فصدقوني كل شخصيه ولها معجبين |
((( نـــــظــــام )))
في يوم من الإيام قررت ان اربط حزام الإمان عشان اكون مواطن مثالي وقفت عند الإشاره الكل يطالع فيني وكأني ارى في عيونهم سؤال وش يحس فيه ذا عسى بس مايكون فيه شيء والا انه صحيّح(بتشديد الياء) قلت طنش وخليك في طريقك ووقفت عند الإشاره الثانيه ونفس الحكايه صرت ملفت للنظر الكل يطالع فيني عاد ماشاءالله ربعنا لازم الواحد يدقق في وجهك كأنه مضيع مفتاح بيتهم حتى مرات يوصل فيهم انه يدقق في وجهه العابر من الطريق الثاني ماعنده مشكله المهم إني تأزمت نفسياً قلت هم يدققون في الشخص وهو فوضوي كيف عاد لوهو نظامي.. بعدها قررت اقووول ياعمي بلا حزام أمان بلا هم مافيه احلى من الفوضى خليك من النظام اصلاً ماعندك مجتمع يساعدك على النظام انت ووجهك |
انتهت سنوات الضياع وقد تركت خلفها شتات أسر وضياع جيلاً جديد اما هي فقد كسبت من هذا الغزو الفكري ! أرغمت على الأغنياء الأغبياء على الهجرة إليها |
جميل جدآ ان تتجاوز من اليمين ضاربآ
بذلك انظمة المرور في عرض الحائط وتجد امامك سيارة في موقف الطواريء صاحبها وضع مثلث السلامه خلف سيارته وتأتي متهورآ وتصطدم بها الله ، الله كم سيكون الموقف رائع اقصد مروع |
تدرون وش وجهه الشبه بين الحب والنت ؟
كلهم يسهرونك في الليل |
لازالت شركات الإتصالات تمارس إستغلالها ضد الشعب الشغوف بالتميز وليس لدي ماأقوله سوى : ( سعودي . . . انت زين الرجال ) |
بعضاً من إبداع النت :)
الإبداع ليس بنقل المواضيع المميزه من المنتديات بل هو إستحداث فكره لم توجد في المنتديات |
قالوا متى تكتب قصيده يالإعصار = قلت اسألوها هي متى تبتليني واليارقص شيطانها واحتمى الطار = غيّبت معها إلين مااعرف ويني بيتين للإعصار/ هجاج الوسوس ودليل قاطع على أن الشعراء مسكنون بشياطين تتراقص طرباً وهم معها يفقدون الوعي حمانا الله وياكم من شياطين الشعر ومن غضب مني فليتقدم بشكوى لكي يتخذ بحقي أشد العقوبات في بنود الشعر |
| الساعة الآن 10:24AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية