|
اقتباس:
العفو يا سعود وتستاهل الشكر أختنا الغاليه ( شموخ نجد ) وتفضل الاجابات على أسئتك : س1/من الشخصيه اللي تأثرت بها؟ -شخصيات كثيره وكما ذكرت سلفا الأمير / محمد الأحمد السديري (رحمه الله) و الشاعر العلم / شلعان بن ظافر الودعاني (رحمه الله).. س2/متى يكتب الشاعر بدر؟ -عند حدوث أي موقف معين يجذبني للكتابه سواءا غزل ولا اجتماع وغيرها من أغراض الشعر النبطي وان كنت تقصد الوقت فأنا وقتي أغلب قصايدي أو كلها أكتبها بالليل:) س3/كثرة القنوات الفضائيه التراثيه...من وجة نظرك صحيه او لا؟ولماذا؟ -والله يا سعود كثرتها مثل ما يقولون (على غير سنع) لأن كل قناة تمجد ربعها وتبرزهم يعني لا هي صحيه ولا هم يحزنون.. س4/هل هناك شعراء مظلومين اعلامين؟ما الاسباب في رأيك؟ -نعم يوجد الكثير والكثير منهم والأسباب عده شوف يعني في شعراء لا يسعون ولا يطردون ورا المجلات والقنوات على عكس اغلب الشعراء هذه الأيام فأغلب الشعراء هذه الأيام يبحثون عن الشهره ، ومن الأسباب الرئيسيه للظلم (الواسطه) يعني تلاقي واحد ماله فالقصيد ولا فالشعر وتلاقي بعض المجلات والقنوات تمجده تقول ( عمرو ابن كلثوم ) ليه؟ طبعا لأن صاحب المجله او القناه من قبيلته او جماعته او تلاقيه مدعوم من الشيخ الفلاني او الامير الفلاني او فلان الفلاني...إلخ.. ولا تقول بس ياسعود:) في مجال لك ولغيرك طال عمرك وحياك الله ياسعود واتمنى ان اكون عند حسن ظنك.. تقبل تحياتي،، |
اقتباس:
حياك الله يالحارثي ومسموح صدري وسيع خذ راحتك طال عمرك.. وتفضل الإجابات على الأسئله : 1 ـ من أول شخص تسمعه قصائدك ..؟؟ -أغلب الأحيان أسمعها أصدقائي:).. 2 ـ ما ذا يعني لك الإنترنت ... وهل تراه مكان خصب للإبداع ..؟؟ -الانترنت مكان ياخذ فيه الواحد راحته وبلا قيود او واسطات ونعم هو مكان خصب للإبداع وفيه الكثير من المواهب والإبداعات.. 3 ـ رأي شاعرنا وضيفنا في شعر المرأه بشكل عام والخليجيه بشكل خاص ..؟؟ -شعر المرأه من قديم الزمان عند العرب ومن شاعرات العرب قديما ( بخوت المريه و مويضي البرازيه و وسيم العامريه ) والكثير الكثير وهن شاعرات يتسمن بالجزاله ورأيي فيه أنه عادي ولكن بحدود الأدب والأخلاق والشي لا زاد عن حده انقلب ضده هذا شئ معروف.. 4 ـ هناك شعراء ينشرون ويكتبون بأسماء مستعاره .. بل وأن البعض يكتب الشعر الحقيقي .. بين لنا وجهة نظر الشاعر بدر حيال ذلك ...؟؟ - (حرام) هذا تضييع لجهود ومواهب فكريه وانا أعرف شعراء يكتبون بأسماء مستعاره وهم شعراء بمعنى الكلمه ولكن يكتبون بأسماء مستعاره وأنا دائما أطالب الشاعر الجزل الذي يكتب بالإسم المستعار بالإفصاح عن اسمه لأن ذكر الأسم يحفظ الحق لصاحب القصيده ويحميها من السرقات اما ذكر الاسماء المستعاره يسهل السرقه للسارقين وتشكك في كاتب القصيده من ناحية هل هي قصيدته اما لا..ولكن الإنسان حر وكلن على رايه وكيفه لكن أنا لو كنت مكانهم لكتبت بأسمي الصريح.. واتمنى اني اجبت على أسئلتك يالغالي واتمنى ان اكون عند حسن ظنك.. وتقبل تحياتي،، |
اقتباس:
العفو يا سفير المعاني وحياك الله ماعليك زوود وكلنا نحبك طال عمرك:).. وتفضل الاجابات على أسئلتك : السؤال الاول= هل الشاعر بدر العجالين يرى ان البلد اللي يرزق فيها وليست التي ولد فيها؟ -والله المثل هذا يالغالي انا شخصيا متوهق فيه وان حليته ابشر ابرد على سؤالك.. السؤال الثاني= هل ترى الفتره الاخيره بعد وجود القناواة الفضائيه والبرامج الشعريه مثل برنامج شاعر المليون اوجدت شعراء مغمورين ومنسيين وهل صار الشعر شبه المهنه بدل ما كان احساس ومشاعر وتصوير عشق وفرح ومعاناة؟ نعم اوجدت شعراء كثيرين ولكن فعلا الشعر صار مهنة من لا مهنة له وأنا لا أحبذ البرامج التي تقيس شاعرية الشاعر بتصويت الجمهور المادي.. السؤال الثالث= بما انك شاعر نظم وشاعر محاوره ما هو الفرق بينهما بنظرك وايهما اقرب لك ؟ -لا يوجد فرق ولكن أنا أميل للنظم وعندي للمحاوره أوقات محدده لأن شعر المحاوره يستهلك مفردات وقوافي الشاعر ويسبب التكرار والنظم اميل له وابدع به وطبعا الصعب المحاوره وليس أية محاوره مثل محاورات هذه الأيام اقصد محاورات النقض والفتل والمعنى ولكن أنا أبدع بالإثنين وماعلي اخلاف ان شاء الله:) واتمنى اني اجبت على أسئلتك وغايتي حسن ظنك.. تقبل تحياتي،، |
اقتباس:
الله يسلمك وحياك الله اخوي مدار .. وفي انتظار عودتك :) ...... |
|
اقتباس:
الله يعافيك ياسعود وانا كلي لك تستاهل الطيب يالقرم 1-موقف محرج مر بك وكيف تم التصرف ؟ ( - بصراحه أذكر عندي موقف محرج عندما كتبت قصيده في الغييثات في أحد منتديات القبيله واتى شاعر كبير وانا احترمه ونقدها نقد غير طبيعي وعيب القصيده وانا مع العلم اني عارف قصيدتي وواثق منها من ناحية المعنى والوزن والقافية بصراحه تضايقت لكن ماتقدر تجادله لأن أمام الكل هذا الشاعر يعني بعيونهم كبير جدا ، وحطيتها بقلبي وتعرضت للأحراج لأني كتبت القصيده ودي اطربهم واتجمل فيهم والأخ عيبها يعني قويه مثل مايقولون ، المهم مرت سنه سبحان الله ويسجل معنا فالمنتدى شاعر اكبر من الشاعر اللي نقد قصيدتي وللعلم انا احترمهم اثنينهم بدون ذكر اسماء المهم دخل هذا الشاعر واطلع على قصيدي ورد وعلق تعليق وافي واظهر الحق وقال ان القصيده ماعليها كلام ووبخ الشاعر الذي ظلمني ، يعني سبحان الله مصير الحق يظهر ويتبين ، بس كان الاحراج مع اللي انا كاتب فيهم القصيده ) 2-ما هي اسباب عدم الشاركة في شاعر المعنى او المليون او مسابقة الامير محمد السديري؟ ( والله ياخوي انا لا أحبذ المسابقات التي تقيس شاعرية الشاعر بالتصويت المادي ، لكن هناك إلحاح علي من الكثير على المشاركه ، ويمكن أشارك في شاعر المليون النسخه الرابعه بسبب إلحاح الجماهير والأصدقاء والأقارب وأبناء القبيله فقط لا غير ) 3-اين الشاعر /بدر من القنوات الشعريه.....مثل الاماكن...والقنوات الاخرى؟ ( القنوات ياخوي والمجلات والصحف تبي من يراكض وراها وانا بصراحه مانيب فاضي ولا أبحث عن الشهره واللي يبيني يعرف محلي وين ، أما مسألة أني أطرد وراهم ذي مستحيل لأن أنا رجال عزيز نفس ، ولا أبحث عن الشهره ) 4-الشاعر /بدر........مقل في الظهور الاعلامي المرئي والمسموع.....ما الاسباب؟ ( من ناحية الإعلام المرئي والمسموع هناك طلبات كثيره بهذا الشأن وأنا نزلت قصيده صوتيه بعنوان ( لاتعكس البندق ) كما نزلت مقطع مرئي وهو عباره عن قصيدتي ( حطم الأشواق ) وموجود حتى على اليوتيوب لكن الصوت كان ردئ شوي ولكن لعيونك ياسعوود أبشر أبشر بالقادم اوعدك بالخير :) ) 5-اقرب قصيده لك الى نفسك؟ قصيدتي اللي أقول فيها : لاصرت تملك مـال تملـك حبايـب=ولاصرت مفلس حلم الأحباب قد طار
الناس صـارت للغنـي كالقرايـب=ولا الفقيـر بدمعتـه دوم يحـتـار
دنيا المصالح طيبها اليـوم غايـب=لاخير في دنيـا بهـا ذل الأحـرار بالمال تملك كل صغير(ن) وشايـب=كل(ن) يدور قربك صغـار وكبـار الحظ يذبـح لاغـدا اليـوم خايـب=خصٍ ليا حبيت وقلبك علـى نـار أحب شخص(ن) منه القلـب ذايـب=ودي بقربـه لكـن الوقـت غـدار لو أني أملك مال صـارت عجايـب=كان أشتري قربه بمليـون دينـار مير الحظوظ الخايبـه كالمصايـب=تفرق الأحباب فـي كـل الأقطـار حبه بقلبـي ثابـت ولـه نصايـب=مير أن حظي ضد(ن) اليوم لي صـار المال نعمه في الأمـور العصايـب=خصٍ ليا دار الزمن وجهـه وجـار ماني أحبـه لكـن الوقـت عايـب=فذا الزمن الوجيـه للمـال تنـدار الرجل يرقـى بالرجولـه سحايـب=ولا الرخوم بمالهـا أسفـل الـدار مير الزمن مع راعي المال صايـب=والرجل راعي المرجله صار محتار تلقى الرخوم بقصر والكـل هايـب=والرجل راعي المرجله وسط الإيجار لاشك أبضحك يوم شفـت الغرايـب=في دنيتن عمري بها اليوم مشـوار الحمد للي مـن لـه الكـل تايـب=سبحان من فجر براكيـن وأنهـار واليوم قلبي من عنا الوقت طايـب=ماعاد ينفع ياهلـي كتـم الأسـرار أذكـر نصيحـه للرجـال النجايـب=اللي يعرفون المواقـف والأخطـار ترا كلام الناس ذا الوقـت سايـب=والرجل من يقـدر يوافـي الأقـدار هذي نصيحه وتالي العمـر غايـب=فالقبر ياربعي تـرا مابـه أعـذار 6-ماهي هوايات الشاعر/بدر؟ ( الـشـعـر - الـسـفـر - الـسـيـارات - الإطلاع ) |
شاعرنا القدير بدر العجالين أسعد الله يومك بكل الخير ونحن فخورين بوجود شاعر مبدع مثلك بيننا صاحب كلمة صادقة وحضور جميل وجمال روحك دائماً تزيد الإبداع إبداعاً أكثر سأضع أمامك بعض الأسئلة الخفيفة لعلها تجد منك قبولاً ومحبة * ماهي المحاورة الأجمل في تاريخ بدر العجالين ويتذكرها دائماً ؟ *أذكر لنا بيت لشاعر من الشعراء يعجبك وتردده ؟ * هل عدم إكتمال المعنى في الشطر الأول من البيت وإكماله في الثاني يعيب القصيدة ؟ وفي الختام تقبل فائق الإحترام ولك مني كل الشكر والشكر موصول للغالية شموخ نجد دمتم بالخير \ / \ العطـــــاويه |
اخي الغالي بدر بن صقر العجالين سعداء جدا لتواجدك في كرسي الاعتراف واتمنى ان تقبل مني هذه الاسئله الخفيفه
1)اخوي بدر ما رأيك بالشاعر الذي يرى في شاعريته مايفصل بينه وبين الناس وكأن الله ميزه بشيء عظيم عنهم!!خصوصا اننا نرى هذه الظاهره بين الشعراء الحديثي النضوج..وماذا تقول لهم,,,؟ 2)اخوي بدر رغم انك مازلت في بداية المشوار الا اننا نرى لك بعض القصائد الجميله,,, هل تعتقد انك وصلت الا مرحلة النضوج الشعري ,!؟ 3)هل هنالك اشخاص لهم فضل في شاعرية بدر بعد الله!! 4)ماسبب تسميتك بلقب الفوهرر وهل انت راضٍ ٍ به!! 5)عزيزي (ابو ناصر) هل ترى انك قد اسأت الا احد في شعرك او بالغت في الرد عليه سواءا فالمحاوره او غير ذالك؟ 6)اشاهد في تعابير خطك فالمنتدى صفاء قلبك ونيتك الطيبه,, هل سبق ان تخليت لفتره عن هذه الصفه الحميده!!؟ اتمنى اخوي بدر ان تعجبك الاسئله وان تكونا خفيفةً على قلبك ,,,ولا تنسى تشغل صراحتك المعهوده تقبل خبي وتقديري اخوك الودعانــــي |
اقتباس:
أختي الغاليه العطاويه أنا شخصيا سعيد بحضورك وطلتك المشرقه وسعيد بأسألتك وحياك الله بأي وقت يالغاليه:).. وتفضلي الإجابات على الأسئله : * ماهي المحاورة الأجمل في تاريخ بدر العجالين ويتذكرها دائماً ؟ - ( بصراحه المحاورات كلها جميله ولكن لي محاوره مع الشاعر ناصر بن محمد العجمي وذي بصراحه دايم أتذكرها ).. *أذكر لنا بيت لشاعر من الشعراء يعجبك وتردده ؟ - ( مدح الفتى نفسه يجيب المناقيد= يسكت وتالي كـل شـيٍ(ن) يبينـي ، للشاعر شلعان بن ظافر الودعاني رحمه الله ) * هل عدم إكتمال المعنى في الشطر الأول من البيت وإكماله في الثاني يعيب القصيدة ؟ ( أحيانا يعيبها وأحيانا لا يعيبها يعني حسب نوعية البيت وموضوع القصيده :) ) أتمنى أني أجبت على الأسئله بطريقه تعجبك وتسرك واتمنى ان تكون اجاباتي وافيه.. وتقبلي تحياتي،، |
اقتباس:
وأنا أسعد بحضورك وأسئلتك يالودعاني :) واستلم الإجابات : 1)اخوي بدر ما رأيك بالشاعر الذي يرى في شاعريته مايفصل بينه وبين الناس وكأن الله ميزه بشيء عظيم عنهم!!خصوصا اننا نرى هذه الظاهره بين الشعراء الحديثي النضوج..وماذا تقول لهم,,,؟ -( الكبر لله يالودعاني واللي يسوي كذا اعتبره انسان في نقص ومتخلف عقليا والشاعر انسان عادي حاله حال خلق الله والتفاضل بالتقوى بلاشك ، وأقول لهم فالكم البيرق والكبر لله يا شباب!! :d ).. 2)اخوي بدر رغم انك مازلت في بداية المشوار الا اننا نرى لك بعض القصائد الجميله,,, هل تعتقد انك وصلت الا مرحلة النضوج الشعري ,!؟ - ( الحكم هو الجمهور ولست أنا يالودعاني وأسئل الجمهور والنقاد وهم اللي يعطونك العلم اما الشاعر عليه انه يتعب على قصايده وينظمها والحكم بالنهايه هو الجمهور بلا شك ) 3)هل هنالك اشخاص لهم فضل في شاعرية بدر بعد الله!! - ( والله يالودعاني مغير الله سبحانه وتعالى وانا علمت نفسي بنفسي ولا يوجد لأي أحد فضل علي وانت من قبيلتي وتقدر تسأل وتبحث وراي :) ) 4)ماسبب تسميتك بلقب الفوهرر وهل انت راضٍ ٍ به!! - ( الفوهرر يالقرم هو لقب هتلر بمعني - الزعيم الأوحد - والواحد الله سبحانه وتعالى ، والله حاليا راضي فيه لأنه يعبر عن شموخ وقوه ألا عاد اذا انت شايف لي لقب أزين منه ذا شي ثاني :d ) 5)عزيزي (ابو ناصر) هل ترى انك قد اسأت الا احد في شعرك او بالغت في الرد عليه سواءا فالمحاوره او غير ذالك؟ - ( في المحاوره نعم ولكن ياخوي في ناس تحدك على أقصاك وانا بصراحه اتندم لأن كل شي اكتبه راح اشوفه في يوم القيامه وبصراحه ذا الأيام أحاول أتصدد عن المحاوره لهذا السبب لأن المحاوره في الوقت الحالي ما وراها الا الذنوب ووجع الراس ، وبالنسبه للقصايد فيه قصيده يقال أني أسأت لناس فيها ولكنني لم أقصد الإساءه والله أعلم بما في القلوب ) 6)اشاهد في تعابير خطك فالمنتدى صفاء قلبك ونيتك الطيبه,, هل سبق ان تخليت لفتره عن هذه الصفه الحميده!!؟ - ( الحمدلله صافي النيه وصاحب قلب طيب :) وقلت لك انت من قبيلتي وتقدر تنشد وراي :) والعمر فاني طال عمرك وانا رجال ودي اذا مت تذكرني الناس بالخير ، وبصراحه أحيانا في أمور تجعلك تتخلى عن هذه الصفه الحميده خصوصا اذا كان اللي قدامك شخص نذل ولا حسود او صاحب قلب أسود وانا في ذا الأمور على طول أغير الصفه الحميده وأظهر لهذه الفئه من الناس الوجه الآخر لـ بدر بن صقر العجالين وانا ماودي أظهره لكن للضروره أحكام :) ) وأبشرك اعجبتني الأسئله وخفيفه ولله الحمد ، والصراحه شغاله 24 ساعه يالودعاني:thumb: لاتخاف لأن ماعندي شي أخفيه :) وأتمنى أني رديت على أسئلتك بطريقة وأسلوب يعجبك ;) وأتمنى ان تكون اجاباتي واضحه ووافيه وصريحه :) ، وتراني حاضر لو ودك تسأل مره ثانيه يالودعاني :) وتقبل تحياتي،، |
| الساعة الآن 02:55PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية