|
ياشروق الشمس وينه ..
هذا نورك ولا طله من جبينه .. كني المح في شروقه .. شي من قسوة سنينه .. ياعسى ربي يعينه . بس لو اطلق لقلبه سجنه وفكك يدينه . كان شاف الي فداه بكل هالباقي بسنينه . ياشروق الشمس تحلف؟ هذا انت الي شرقت ولا ذي طلت جبينه . يابعد نور المدينه . وكل منهم ساكنينه . ماقتل فيك الحنين الغربة وقسوة حنينه . طلي بقلبي وشوفي انك انتي تسكنينه . خلني ساكت قبل تفضح لك عيوني هميله . ياشروق الشمس قلي ليه وش فيها حزينه . |
لآغـآب صوتك مـآتـفـيد الـمـرآسـيل..؟؟!
...................... وفر على لـجـوآل كثر .. الرسآيل والله .. لـوتـآخـذ لدمي تحـآلـيـل ................. تلقـآك بالـجـينــآت صآيل وجـآيل..!! حـبك تعدى حب الأكرآد ..لأربيـل ................... إلآ تعدى(حب شـمـر .. لحـآيل)..!! |
للقصايد شجون ولمن قراهـا ظنـون ................. ومايفـك الطلاسـم غيـر كتابـهـا والقلم لامسكته صار بيـدي حنـون .................. والحـروف ابجديـه ذقـت عنابهـا من سهى مع حروفي هل دمع العيون ..................لـو يخفـي دموعـه بـان باهدابهـا ماني البحتري وماني قيـس الجنـون ................. الله الي عطاني وهبته واسخـى بهـا قبلكـم قـال ربـي عننـا هائمـون ................. وكـل كلمـه كتبناهـا كذبنـا بـهـا لا عليه اعتراض ولا لدينـه بخـون .................. بس نفسي لكم تشـرح لمـا صابهـا كل شطر(ن) كتبته جرح لـو تعلمـون ................. وكل جسمي جروح(ن) وسمته حرابها لو لمحتو جروحي كـان ماترقـدون .................. والسعادة قفلتـو كـل درب ابوابهـا ما سألتو الحمامه ليه تسجـع لحـون ................. ليه فـوق الجرايـد تبكـي احبابهـا سامعه عن عذابي وكيف ذقت الطعون ................ هالها ما سطى بي وهاجرت بسرابها يالله انـي طلبتـك يالكريـم المنـون ................ ياموافـي نفـوس الخلـق بحسابهـا كل شيً بأمرك بين كاف وبين نـون ................ ترحم الي من الفرقـا لـدغ بنيابهـا تركي الرشيد |
من مثلك أختصر الكون في عينيه.. ليتني بتلك القوة لأختار قدري...! |
وحدها الحروف .. هي من تمنحني منك ما اريد .. ولكن القدرهو من يقطع صلة الرحم بين قلبينا...! |
عندما يتشابه كل شيئاً حولنا !!
نجد ان الله منحنا حواس اخرى ليست حواسنا الخمس . هي وحدها من يمنحنا متعت اكتشاف الوان الحياة التي قد لا نراها الا بتلك الحواس الخفية !! فالأشياء قد تكون اجمل ولكن لانرها .. لنفتش عن جمالها داخلنا .. افتحو من خلال غرف الظلام نوافذ تشرق منها الشمس لننعم بدفئها ونورها . . . شيئاً من فلسفتي |
قال الذي في دنيته شـاف مـا عـاف ..................... يالله عسى تالـيـه بــرد وسـلامـي دنيـاي حدتنـي علـى قولـة القـاف .................... راحت حياتـي فـي عسـام وظلامـي غديت مثل الـي علـى راس ميهـاف .................... وزودن علـى مابـي تزايـد هيامـي وطال العنا والقلـب مشفـق وميـلاف ................... وقفـت سنينـي مـا تحقـق مرامـي وهاضت ظنون اللي رقى راس مشراف .................. وغشـاه بالمرقـاب عـج وعسـامـي ولعبت همومً بالحشى تسرف اسـراف .................. همـومً جديـده الحـقـت بالقـدامـي سطت بوسط القلـب تلحفنـي الحـاف ................... تـرث بوسـط الكبـد قيـحً وحامـي مدري تعاسـة حـظ بسنيـنً اعجـاف ................... واصبحت مثل العود يابـس وضامـي اقرب قريب ً لي مـن النـاس ينعـاف ................. ما دام يسمـع بـي دسـوس الكلامـي ببعـد وانـا لـي بالمخالـيـق رواف ................. ياخالـق الفـرقـا علـيـك المـامـي اقولها من عقب ما شفـت مـا اعـاف ................. يـا جعـل تاليهـا بـراد .. وسلامـي تركي الرشيد |
http://store1.up-00.com/May10/7FI50091.jpg . الحياة اشبه ماتكون بتلك الوحة موحشة مؤلمة مظلمة عقارب الساعة بها تسابق الزمن !! كل مافيها صاخب ويعج بأصوات الأنين خلف كل نافذة نور خافت يريد الخروج ليملاء الأفق لكن كل ماحوله يجبره على البقاء حيث هو فلتنفس السعادة ونكسر حاجز الزمن المظلم لنكن اعاصير من نور لندمر كل جدران الحصار التي حاصرنا انفسنا بها فالحياة ماضية فلا نقف بها وقفة اليائس البائس . تركي الرشيد 23/6/1425 |
نكبر ولكن لانزل اطفال بأعينهن رغم كبر الحلم بنا ... فكأن ارواحهن تسكننا وتشعر مانشعر دون ان نظهر لهن ذلك .. فعند اي اتصال لنا نجد السنتهن تلهج لنا بالدعاء مصحوبة بدموع كطهر البرد !! لا حرمنا الله اياهن لا حرمنا الله اياهن .. . انا يمه تعودت من الألم طعنت السكين ............ وجرحه لو نزف يمه ترا ماظن ينهيني نسيتي يوم قلتي ان الرجال رجال بليا يدين ........... يموت الرجل فيهم ماكسره الوقت ياعيني دخيل الله دخيل الدمعة الي تذرفه لك عين ........... انا ماعشت لجل اني قبل لاموت تبكيني ابصبرلوقست دنياي لعل ان اخرتها تزين .......... واذا مازانت الدنياء تراها في موازيني . تركي الرشيد 23/6/ 1431 |
http://www.kashtah.com/4images/data/media/18/1235.jpg
. . تشرقين وتغربين ونورك الوهاج يشرق في سماي بددي لي ظلمتي يابعدهم لاج حبك في حشاي لو رحلتي تسكنين دخل ضلوعي فديتك ياعساي انتي شمس لجنتي لو سكت وما تبين لك غلاي . ت / الرشيد |
| الساعة الآن 08:46PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية