بيني وبينه فيه عهد وموده=عهدٍ قديم صار بيني وبينه
وعيني وعينه للتقت بعد مده=احلا السوالف بين عيني وعينه

نهر يجري في عروقي جيت اكتب به كتاب = في رهب نكتب معانيها كما السيل الهميل
من بعد نادي الرياض اليوم عديت الصعاب = بس ما دليت درب الفاتنة , وين الدليل ؟؟
يا خفوقي إجمع المعنى وأرسلها سحاب = سيل لكن لا استفاق الدمع إحذر لا تسيل
وانت يا زايد أبيك اليوم تهطل ها الشعاب = إلتحف بالشعر واكتب درب ها النادي طويل
علـم اللـي ذاب حبـه وسط شرياني وذاب = في عروق الفجر قله ليه محبوبي بخيل
وش علي من الذهاب و وش عليها من الإياب = من هنا !! .. والا هناك الدرب خلاه الخليل
يا حسافة دنيتي دام الأمل فيها عذاب = في هواجيسي وفي شعري ترى أكبر دليـل
الطفل تمتم بصدري وين راح و ويش جاب = ما رسم من فرحته رسمة على ظل النخيل

نيران أشواقي تمسي محياك = من حرها يا زين عاجز أحييك
لك يا الغلا قلبن مولع بذكراك = و لسان حالي يشتكي من تغليك
أخذت قلبي قلت يازين يفداك = بس خل فيني عرق واحد يمسيك

المشاركة الأصلية كتبت بواسطة زايد الدغماني (المشاركة 155621) دكتور سالم الله يحييك بهذه الصفحه ومافيه شك لحظورك طعم اخر وابداعك في كل زمان ومكان تحياتي