سعيد الغامدي
09-24-2008, 03:09PM
إهداء للوطن ممثلاً في ابو الوطن الملك المفدى خادم الحرمين الشريفين
الملك عبد الله بن عبد العزيز ( سلمه الله ) وسلم الأسرة المالكة الكريمة
والشعب السعودي الكريم
http://bdaia2.jeeran.com/الملك.jpg
يـا الله لا تحكـم علـي بغربـه=عن موطن ٍ أهواه وأتباهـى بـه
يا من جعلت لنا الشهـادة منهـج=نشهـد بهـا ونحـرك السبـابـه
يا موطني مـا غربـه إلا لاجلـك=والمغتـرب يشعـر بقـد احبابـه
القلـب وأنـا اغـادرك متـألـم=ويا حلو نبضه يـوم حـل إيابـه
يا موطني والبعـد عنَّـك ساعـه=يقدح زناد الفكـر قـدح شهابـه
يا موطني جيتـك وأنـا متهنـي=حتى الشظف بالعيش منك ارضا به
أنا أشهد إنك يـا وطنـا الغالـي=عشق الفـؤاد ورغبتـه وطلابـه
وأنـا بعيـد أتذكـرك وأجيـلـك=وادروك فـي خافقـي واجنـابـه
ليتك تجي وتشوف حالة عشقـي=تنبيـك عنـه دموعـي الصبابـه
العشق الأول فـي روابـي مكـه=وعشق المدينه والنبي واصحابـه
والعشق الأخر يا وطن في نجـدك=حكامـه ترابـه وسمـر هضابـه
وأعشق شمالـك والعقـال مميـل=وأعشق جنوبك والرجـال تهابـه
والشرق احبه يوم شمسه تشـرق=وأحب حتى الغـرب فـي مغرابـه
عشق الجنوبي عشق مـا يتغيـر=عشق الكريم الضيف لا هـلا بـه
عشق يطول الوقـت مـا يتحـول=يعيـش بـه عـودٍ ويربـى بـه
أنا أعشقه لو صار روضٍ مزهـر=وأهواه لو ماتت جميـع أعشابـه
يا موطني وأنت الوحيـد بقلبـي=وقلبي على حبـك مسكـر بابـه
لو غبت عنـك أتذكـرك واجيلـك=عاشق وعشقـه مالـيٍ جلبابـه
إبنك محبـك لا لفـى لـك عانـي=يفخر بدينـه ثـم بيـض ثيابـه
بقلوبنـا شلنـاك فـي غربتـنـا=والطرف يكسي ضمتـك باهدابـه
لاحدٍ يلـوم الغامـدي فـي قولـه=ذا موطني وأنا اعرفه وأدرى بـه
والله لـو إنـه جرهـديٍ مقـفـر=إنـي لاجيـه مقـبـلٍ لتـرابـه
يكفيني إن من وطن بـو متعـب=الحاكـم اللـي خطوتـه وثـابـه
نحـو المعالـي دايـمٍ يحملـنـا=علـى رحابـة صـدره وترحابـه
حاكم غمر كـل القلـوب بطيبـه=كفـه لقلـب المشتكـي طبـابـه
صقر العروبي يا كريـم المنسـب=يا حاكم وأصـل الكـرم منسابـه
صقـرٍ بجـوه عـالـيٍ متـفـرد=لا هـد يلطـم صيـده بمخلابـه
الله حبـاك الهيبـه المسئـولـه=والملك ملكك جـاك مـن طلابـه
لك الولاء لـك الوفـاء والبيعـه=ولاء بصدق قلوبنـا ذعنـى بـه
شعبـك بحبـك كالطيـور مغـرد=وكيف المحبه طـاب يـا شرابـه
صبه لبـو متعـب ببـن مهيـل=وعطه الغلا منـي وأنـا صبابـه
يا حاكـمٍ نهـج الخلافـه نهجـه=يحكم بشـرع الله وهـدي كتابـه
خلا الوطن واحـة أمـن متهنـي=في عالمٍ يحكمـه شـرع الغابـه
أكره يكون إبن الوطـن إرهابـي=إرهاب في هذا الوطـن وشجابـه
شلـت يديـن الجانـي المتجنـي=اللـي يدينـه للوطـن خـرابـه
اللي تـرك دينـه ولـوث فكـره=ولا طاوع العقل الفطيـن النابـه
قلوبـهـم باحقـادهـا مملـيـة=وعقولهـم بجنونـهـا تتشـابـه
عـن الجماعـه فكرهـم متنحـي=وأكبـر دليـل نفوسهـم مرتابـه
شبوا لظى الفتنـه بفكـرٍ نـازي=لكن لظـى الفتنـه أكـل شبابـه
وبحلم ابو متعب وحكمـة رأسـه=صحى ضليل العقـل ممـا صابـه
دعاهـم بدعـوة حكيـم عــادل=وقال انقصر بالشـر يـا طلابـه
وإلا لفيتـك بالحسـام المرهـف=اللـي تحـلا سلـتـه بنصـابـه
سيف العداله فـي يمينـه مشهـر=يقطـع رقـاب الأنفـس اللعابـه
له هيبة الحاكـم وهيبـة فـارس=وسمت التواضع زينه مـا عابـه
يسمع من العود الضريـر المقعـد=ويجلسه واللي يبـي يهنـى بـه
ويقرب الطفل الصغيـر الموجـع=حتى يصير اقرب له مـن اقرابـه
ولـه عضيـدٍ باللـوازم كـمـل=ما فيه شـيٍ يطلبـه مـا جابـه
سلطان لحـدود الوطـن متوثـب=والمعتدي جيشه يقـص اشنابـه
سلطـان فينـا للمواجـع بلسـم=ديمـة يمينـه بالعطـا منسابـه
وآل السعود أهل الوفاء والشيمـه=تاريخهـم نستعذبـه نقـرا بــه
يحيى الوطن لا صار بيـد رجالـه=ويمـوت لا حلـوا بـه الغصابـه
يحيى الوطن لا صار نصفه جيشه=والنصف الخر عاكـف بمحرابـه
من سار في درب الوفا مـا ينـدم=ومن فتل حبل الردى يشقـى بـه
هذا الوطن ما هو بكعكـه تؤكـل=لا شافها الجايـع يسيـل لعابـه
هـذا الوطـن منـا وحنـا منـه=نعيش به نمـوت بـه نحيـا بـه
مليكنـا لامـن نخـانـا نـفـزع=حنا السيـوف وباللقـاء حرابـه
أرواحنـا دون الوطـن نبذلـهـا=ويأخذ من الـدم النزيـه خضابـه
نفديـه بـالأرواح مـا نذخرهـا=والموت دونه ما حسبنـا حسابـه
موتـة شهيـد وكلنـا نطلبـهـا=ويازين مـوت العـز يـا كسابـه
والخاتمة صلوا على أكرم مرسـل=اللي عرج به للسماء واسرى بـه
عـداد مـا كبـر وهلـل مسلـم=وعد الحمام وعـد كـل أسرابـه
تقبلوا تحياتي
سعيد الغامدي
الملك عبد الله بن عبد العزيز ( سلمه الله ) وسلم الأسرة المالكة الكريمة
والشعب السعودي الكريم
http://bdaia2.jeeran.com/الملك.jpg
يـا الله لا تحكـم علـي بغربـه=عن موطن ٍ أهواه وأتباهـى بـه
يا من جعلت لنا الشهـادة منهـج=نشهـد بهـا ونحـرك السبـابـه
يا موطني مـا غربـه إلا لاجلـك=والمغتـرب يشعـر بقـد احبابـه
القلـب وأنـا اغـادرك متـألـم=ويا حلو نبضه يـوم حـل إيابـه
يا موطني والبعـد عنَّـك ساعـه=يقدح زناد الفكـر قـدح شهابـه
يا موطني جيتـك وأنـا متهنـي=حتى الشظف بالعيش منك ارضا به
أنا أشهد إنك يـا وطنـا الغالـي=عشق الفـؤاد ورغبتـه وطلابـه
وأنـا بعيـد أتذكـرك وأجيـلـك=وادروك فـي خافقـي واجنـابـه
ليتك تجي وتشوف حالة عشقـي=تنبيـك عنـه دموعـي الصبابـه
العشق الأول فـي روابـي مكـه=وعشق المدينه والنبي واصحابـه
والعشق الأخر يا وطن في نجـدك=حكامـه ترابـه وسمـر هضابـه
وأعشق شمالـك والعقـال مميـل=وأعشق جنوبك والرجـال تهابـه
والشرق احبه يوم شمسه تشـرق=وأحب حتى الغـرب فـي مغرابـه
عشق الجنوبي عشق مـا يتغيـر=عشق الكريم الضيف لا هـلا بـه
عشق يطول الوقـت مـا يتحـول=يعيـش بـه عـودٍ ويربـى بـه
أنا أعشقه لو صار روضٍ مزهـر=وأهواه لو ماتت جميـع أعشابـه
يا موطني وأنت الوحيـد بقلبـي=وقلبي على حبـك مسكـر بابـه
لو غبت عنـك أتذكـرك واجيلـك=عاشق وعشقـه مالـيٍ جلبابـه
إبنك محبـك لا لفـى لـك عانـي=يفخر بدينـه ثـم بيـض ثيابـه
بقلوبنـا شلنـاك فـي غربتـنـا=والطرف يكسي ضمتـك باهدابـه
لاحدٍ يلـوم الغامـدي فـي قولـه=ذا موطني وأنا اعرفه وأدرى بـه
والله لـو إنـه جرهـديٍ مقـفـر=إنـي لاجيـه مقـبـلٍ لتـرابـه
يكفيني إن من وطن بـو متعـب=الحاكـم اللـي خطوتـه وثـابـه
نحـو المعالـي دايـمٍ يحملـنـا=علـى رحابـة صـدره وترحابـه
حاكم غمر كـل القلـوب بطيبـه=كفـه لقلـب المشتكـي طبـابـه
صقر العروبي يا كريـم المنسـب=يا حاكم وأصـل الكـرم منسابـه
صقـرٍ بجـوه عـالـيٍ متـفـرد=لا هـد يلطـم صيـده بمخلابـه
الله حبـاك الهيبـه المسئـولـه=والملك ملكك جـاك مـن طلابـه
لك الولاء لـك الوفـاء والبيعـه=ولاء بصدق قلوبنـا ذعنـى بـه
شعبـك بحبـك كالطيـور مغـرد=وكيف المحبه طـاب يـا شرابـه
صبه لبـو متعـب ببـن مهيـل=وعطه الغلا منـي وأنـا صبابـه
يا حاكـمٍ نهـج الخلافـه نهجـه=يحكم بشـرع الله وهـدي كتابـه
خلا الوطن واحـة أمـن متهنـي=في عالمٍ يحكمـه شـرع الغابـه
أكره يكون إبن الوطـن إرهابـي=إرهاب في هذا الوطـن وشجابـه
شلـت يديـن الجانـي المتجنـي=اللـي يدينـه للوطـن خـرابـه
اللي تـرك دينـه ولـوث فكـره=ولا طاوع العقل الفطيـن النابـه
قلوبـهـم باحقـادهـا مملـيـة=وعقولهـم بجنونـهـا تتشـابـه
عـن الجماعـه فكرهـم متنحـي=وأكبـر دليـل نفوسهـم مرتابـه
شبوا لظى الفتنـه بفكـرٍ نـازي=لكن لظـى الفتنـه أكـل شبابـه
وبحلم ابو متعب وحكمـة رأسـه=صحى ضليل العقـل ممـا صابـه
دعاهـم بدعـوة حكيـم عــادل=وقال انقصر بالشـر يـا طلابـه
وإلا لفيتـك بالحسـام المرهـف=اللـي تحـلا سلـتـه بنصـابـه
سيف العداله فـي يمينـه مشهـر=يقطـع رقـاب الأنفـس اللعابـه
له هيبة الحاكـم وهيبـة فـارس=وسمت التواضع زينه مـا عابـه
يسمع من العود الضريـر المقعـد=ويجلسه واللي يبـي يهنـى بـه
ويقرب الطفل الصغيـر الموجـع=حتى يصير اقرب له مـن اقرابـه
ولـه عضيـدٍ باللـوازم كـمـل=ما فيه شـيٍ يطلبـه مـا جابـه
سلطان لحـدود الوطـن متوثـب=والمعتدي جيشه يقـص اشنابـه
سلطـان فينـا للمواجـع بلسـم=ديمـة يمينـه بالعطـا منسابـه
وآل السعود أهل الوفاء والشيمـه=تاريخهـم نستعذبـه نقـرا بــه
يحيى الوطن لا صار بيـد رجالـه=ويمـوت لا حلـوا بـه الغصابـه
يحيى الوطن لا صار نصفه جيشه=والنصف الخر عاكـف بمحرابـه
من سار في درب الوفا مـا ينـدم=ومن فتل حبل الردى يشقـى بـه
هذا الوطن ما هو بكعكـه تؤكـل=لا شافها الجايـع يسيـل لعابـه
هـذا الوطـن منـا وحنـا منـه=نعيش به نمـوت بـه نحيـا بـه
مليكنـا لامـن نخـانـا نـفـزع=حنا السيـوف وباللقـاء حرابـه
أرواحنـا دون الوطـن نبذلـهـا=ويأخذ من الـدم النزيـه خضابـه
نفديـه بـالأرواح مـا نذخرهـا=والموت دونه ما حسبنـا حسابـه
موتـة شهيـد وكلنـا نطلبـهـا=ويازين مـوت العـز يـا كسابـه
والخاتمة صلوا على أكرم مرسـل=اللي عرج به للسماء واسرى بـه
عـداد مـا كبـر وهلـل مسلـم=وعد الحمام وعـد كـل أسرابـه
تقبلوا تحياتي
سعيد الغامدي