ظميت..ومالقيتك!!!!

[بنت الغالي]

أناجي طيفك الساري ف أعماق الوله مسرور..
واماري بك تفاصيل الزمان المر واحيابك...
أضم عيونك الخجلى وابدِّد حزنها بحبور..
واجاهر بالأماني...وانثر احلامي..على بابك!!!
أنازع ذكريات امسي..وادوِّر في الغياب حضور!!
واناظر في سما عمري..واحلِّق..بين اسرابك...
ألا..ياآخر حدود المشاعر...واول المستور...
ياسري اللي خفيته وبان..باسبابي..واسبابك!!!
كتبك الشوق في صفحة أنيني..آمر ومأمور...
وتوَّجني على احساسك..أميرة واقرب اقرابك...
ظلام أيامي ودَّعني..وسلَّمني لسنينك..نور!!
وغبت..وماعطيت الصبر..موعد ينهي غيابك..
طلبتك...تقتل اوهامي...وتجبر خاطري المكسور!!
نطرتك...لين جفَّت بالعروق دماي...تنخابك!!
صرخت من الألم..وينك؟؟..ومرت بي الدموع مرور..
وخاب الصوت,,وسكاتي..ولاوصَّل..ولاجابك!!!
وانا اللي أجبَرَت كل الجمود يفارقك...ويثور!!
أنا اللي علَِّمت زهر المحبة..يفوح بأطيابك!!!
وانا اللي قمت اباهي فيك..كل عاشق..وكل مغرور..
واقول الحب بس عندي وعندك..واقهر اصحابك!!!
ظميت...ومالقيتك!!واحترقت من الظما,,مجبور!!
ولا طالك نِدا روحي..ولاخلاني..أهنابك!!!!!!
أبيك...بكل مافي داخلي لك من غلا وشعور..
تعال وخذ وعد مني..أبلغي كل أحبابك...
واصير لوحدي بدنياك...وانت بخافقي..مأسور!!
لآخر لحظة تحييني...ومهما صابني..صابك!!!
أحبك..ياهواي اللي امتلكني ناسي..ومذكور,,,
بعيشِك في حياتي حلم...واسكن بين أهدابك..
لأنك..غييييييير هالعالم..وانا اشهد لك..بليا زور..
وربي عالِم بنية حبيبة...تعشق ترابك...!!!!!!
أبيك ترد لي يانور عمري..وماأبيك تجور.....
وشوف البعد..وش سوَّا بحبيبك..ويش سوَّابك..
بتعرف..ان غيبة يوم تسوا كم سنة..وشهور...
وتحلف..ماتخليني..وتحسب قبلها حسابك,,,,,,,
بنت الغالي:e::e::e:

[سفير المعاني]

الاخت
الشاعره
بنت الغالي

الله يحيك ويسعدك بايامك ولياليك

واسعدني وشرفني الحضور بمتصفحك

وتصفحي لنزفك الشعري اللذي والحق

يقال مكتنز بالمضمون والمعنى وقد اجدتي

بسبك الحروف حتى صارت درر مضيئه لله درك

وصح لسانك وعلا شانك وبيض الله وجهك

وتقبلي تحياتي

[ياعمري]

بنت الغالي



اهزوجة شاجية رقيقة تحمل من المعاني الكثير

نابضة بكل معنى للمشاعر الصادقة


قصيدة سلسة رشيقة يفوح منها عبق التميز


صح قلمك و سلم بنانك غاليتي


لكِ مني كل التقدير و الود


http://www.al5bob.com/vb/images/smilies/i%5B1%5D.gif






ياعمري

[خليل العجاج]

أناجي طيفك الساري ف أعماق الوله مسرور..
واماري بك تفاصيل الزمان المر واحيابك...

أضم عيونك الخجلى وابدِّد حزنها بحبور..
واجاهر بالأماني...وانثر احلامي..على بابك!!!

أنازع ذكريات امسي..وادوِّر في الغياب حضور!!
واناظر في سما عمري..واحلِّق..بين اسرابك...









عذبة عذبة القصيده
وكيف لا تكون عذبة وهي

لــــ بنت الغالي

قصيدة من أجمل واعذب ماقرأت حقيقه
دام حضوركِ بهذا الجمال دائماً

بنتظر جديدكِ دائماً

[عبدالكريم الضبيب]

اللهــ اللهــــ
اي والله صح لسانك ويسلم قلبك وأحساسك
اللي يفيض أبداع بهالقصيده
هذي قصيده موسيقى البحر الطويل اللي يعزف
على الوتر الحساس ..

القصيده شامخه يابنت الغالي بكل أبياتها
واذا حبيت أختار من أجمل أبياتها اللي حسيت فيها أكثر
ولاحظت فيها تألق التصوير :


:

أنازع ذكريات امسي..وادوِّر في الغياب حضور!!
واناظر في سما عمري..واحلِّق..بين اسرابك...

:

ظميت...ومالقيتك!!واحترقت من الظما,,مجبور!!
ولا طالك نِدا روحي..ولاخلاني..أهنابك!!!!!!

:

لأنك..غييييييير هالعالم..وانا اشهد لك..بليا زور..
وربي عالِم بنية حبيبة...تعشق ترابك...!!!!!!


:

الله يعلم أني أول ماقريتها قلت ( يالطيف )

شاعره .. بمعنى الكلمه .
وأنا واثق أنك شاعره من العيار الثقيل
تحياتي وتقديري لك يابنت الغالي ..

[خلف الشلهوب]

هلا بك بنت الغالي

صح احساسك ولسانك على هذه القصيده الرائعه
في كل ماتعني هذه الكلمه من معنى..
تحياتي لك وتسلمين

[بنت الغالي]

سلمتم ودمتم..لي ولمن تحبون..
وشكر من صميم القلب على التشجيع,,,
رعاكم المولى بعينه التي لاتغفل عن عبد من عباده,,
واعدكم ان ابقى عند حسن ظنكم بي وبكتاباتي,,,
لكم ودي,, بنت الغالي..

[حمد المخلفي]

صح لسانك وعلا شانك

اخوك

[بنت الغالي]

أستاذ حمد..
صح الله بدنك..
ودام عزك,,,
لك ودي..وشكرا لمرورك
بنت الغالي

[بنت الغالي]

ظلام ايامي ودعني...وسلمني لسنينك..نور!!
وغبت..وماعطيت الصبر موعد ينهي غيابك,,,
لكم ودي,,
بنت الغالي

[يفوق الوصف]

بنت الغالي

ثورة بوجه الجحود

ثورة على واقع مرير

سرني التواجد بين هذه الجمل

التي تضمنت مقاطع راقية

لك مني التحية والتقدير والاحترام

[بنت الغالي]

لك امتناني
كلل المولى حياتك بالسعادة
بنت الغالي