في يوم واحد ياحبيبي تغيرت؟!!

[(((روووح القصيد)))]

البارحه مابيـن وشلـون يمديـك **** في يوم واحـد ياحبيبـي تغيّـرت

الليـل خلانـي وخـلا طواريـك **** تلعب بقلبي كـل ماداخلـي ثـرت

سويت شين حدني غصب ماجيـك **** والا قبـل لاسيـر الليـل سيـرت

هدمت كل اللـي بنيـت بتجافيـك **** هدمـت لا والله بالعـون دمـرت

خليتني ماقلت لي شلـون اخليـك **** ليتك بحالي قبل مارحت ناظـرت

الله كريم يصبـر اشـواق مغليـك **** لاقـام ينثرنـي غـلاك وتناثـرت

والله يسامح قلبـي اللـي مواليـك **** اخذت كل اللي تبي منه وانكـرت

منهار جيت العام تسبق خطاويـك **** واليوم ماكنك قبل جيت وانهـرت

في ذمتك لامن تذكـرت ماضيـك **** من يطري في بالك اليامن تذكرت ؟

من كثر مافكرت وشلون اراضيـك **** وياك في نفسي ولا يـوم فكـرت

على كثر ماكنـت متمسكـن فيـك **** وعلى كثر ماحتجتنـي ماتعـذرت

جيتك وعندي حاجتن بيـن اياديـك **** والمشكله تقدر عليهـا وقصـرت

رح بشر اللي ملتفت لـك يناديـك **** قله تركتـه لخاطـرك ماتأخـرت

صدقني انها غلطتي يـوم اداريـك **** ولا انت لولا غلطتي كان ماصرت

كبرتـك بعيـن البعيـد وحواليـك **** ابيـك تكبـر والمصيبـه تكبـرت

حاولت اغيّر فيك من كثر مغليـك **** قـدرت لكنـك عليّـه تغـيّـرت

دمتم بحفظ المولى ....

[طلال الشلهوب]

http://www3.0zz0.com/2008/08/25/23/248122273.gif (http://www.0zz0.com)

روح القصيد

حاولت اغيّر فيك من كثر مغليـك **** قـدرت لكنـك عليّـه تغـيّـرت

صـــح لــســــانـكـ و دام ابــداعـكـ

http://www3.0zz0.com/2008/08/25/23/381497900.gif (http://www.0zz0.com)





تحياتي

طلال الشلهوب

[عيون الفجر]

قصيدة ترجمت أحاسيس مليئة


بالعزة والشموخ


روح القصيد


تمنياتي لك بالسعادة

[فقراوي]

صح لساااانك

مليوووون

احساس صادق في كل بيت

تقبلي مروري