لوتدرين..............

[كريم العفيدلي]

لوتدرين

جسمي من الدمع ذاب ورجع للطين

لاتبكين

لوتردين..

أقدملك هدية الخد والعينين

لوتدرين

إن احنا انخلقنا بروح مورحين

رحتي ..وخذتي نص روحي

وخليتيني بين البين

لانص روحي راحت حتى تتلقاك

ولا روحك إجتني وتطبق النصين

واظل عايش مومثل هالناس

أخلص من صبر واتلاقى وي صبرين

لوتدرين

مالك جسد بس روح من تمشين

وإذا تمرين

يسلم عالزرع ماي النهر

ويبوس راس الطين

وأتحول نهر لجدامك من تمر

ولوبيدي أنقسم وأتحول لنهرين

بلكي بروحة ردة يضايقونك ناس

يزل جدمك غلط وبواحد تطيحين

وأسألك يها البيك الناس

حيرانين

هو المي يغسل بيك

والا انتي التنزلين المي وتغسلين ؟!!

وإذا غفيتي على صدري بيوم

أفكر بيك

أفكر بالمحاضن

بالمشابك ..

زين ؟..لا ..لا..موزين

شفافة وتصمم جسمك من الجام

وأخاف ألمسك بيدي تنكسرين

ولو تدرين!!!!!!!!!!!!!!!!!!!!!!!!!!.

[براء الأحمد]

وأسألك يها البيك الناس

حيرانين

هو المي يغسل بيك

والا انتي التنزلين المي وتغسلين ؟!!


دمت بود

[تَحيّة مَلآئِكيَة]

مَقْطُوعَةٌ فَآتِنَةٌ ..
يُغَرَّدُ الجَمَآلُ بَيْنَ حُرُوفِهَآ ..








لآفُضَّ إِبْدآعُكَ .. :r: }

[(((روووح القصيد)))]

حلوووووووووووووووه
لاعدمناك

[كريم العفيدلي]

براء الاحمد............


شكرا لمرورك عزيزي

تقبل ودي

[سفير المعاني]

الغالي عبد الكريم

معزوفه بحروف ومعاني ماسيه

سلمت وصح فكرك وكلك لاعدمتك

تحياتي

[كريم العفيدلي]

تحية ملائكية


شكراااااااااااااا للمرور


عزيزتي


تقبلي صادق الود

[ترياق]

سلمت وسلمت اناملك

تقبل مروري

وتحياتي لك