( شـاعـركـم )

[بدر بن صقر العجالين]

بسم الله الرحمن الرحيم


السلام عليكم ورحمة الله وبركاته


حبيت أهديكم ذا القصيده اللي سميتها (شاعركم) وهي قصيده من ارشيفي وهي قصيده تحتوي على معاني كثيره وفيها فخر بالقبيله وشعراء القبيله والكثير من المعاني واترككم مع القصيده وهي تتحدث عن نفسها أقول فيها:



أبـدا كلامـي وأذكـره سبحانـه=رب(ن) كريم(ن) خالق(ن) أكوانه
أبـدا كلامـي بـالإلـه الـواحـد=ملهـم رسولـه سنتـه قـرآنـه
بدع المثايل في ضميـري جانـي=واشتب في قلبـي وفـي شريانـه
شاعـر ولكـن مايقـدر شعـري=كود الذي يعـرف تـرا عنوانـه
مانـيب شاعـر بالمجلـه هـايـم=دور على الشهره وحظـه خانـه
وماني من اللي كل حفل(ن) حاضر=يلقـي قصيـده يومـي بذرعانـه
وماني من اللي يزلقون الشـارب=لا طـار طيـره لا تعلـى شانـه
أكتب قصيدي لا تهيض صـدري=وإن هاض سيل(ن) يخترق جدرانه
أكتب على اللي ورثـوه أجـدادي=وآغوص في بحر الشعر وأركانـه
امن (السديري1) أستغل الحكمـه=حكمـه عساهـا تدخـل بميزانـه
ومن المعالم شاعـر(ن) ودعانـي=(شلعان2) لا يمكن تـرا نسيانـه
وإن كان ودي شاعر(ن) بالمعنـى=عندي (دخيل الله3) وشعره عانـه
وإن كان ببدع في فنـون القلطـه=(أحمد4) ترا شاعر بكـل ألحانـه
وإن كان ودي شاعر(ن) متواضع=ذاك (الغييثـي5) لابتـي خلانـه
و(دنداننا6) شاعر يمثـل معجـم=بحر(ن) كبير وحاكمـه بأوزانـه
شعارنـا واجـد ومنهـم نفـهـم=يكفي فخـر زايـد تـرا صبيانـه
منهم توفـى ميـر ربـي راحـم=يرحـم عبيـده نرتجـي غفرانـه
ومنهم عسى ربي يطـول عمـره=حي(ن) عسى الله يرحم ويرعانـه
حبيت أوضح بالقصيـده قصـدي=حبيت أوضـح للشعـر سيسانـه
ذا الوقت شعر المصخره متفشـي=شعر(ن) يغـث المستمـع بآذانـه
أحدن يمجد دوفـي دوف ودنهـل=مايـدري انـه فالختـم صلبانـه
وأحدن يهوجس في بنات(ن) مروا=ليلـه طويـل وقمرتـه سهرانـه
وأحدن يدور فالقصيـده مكسـب=يمدح ملـوك وعيشتـه بلسانـه
شعـار لكـن المعـانـي ولــت=هرج(ن) كثير وشلة(ن) خربانـه
يا (بوصقر) دام الدواسـر عـزي=أركب على اللي يرتجف شكمانـه
بلغ سلامـي كـل واحـد منهـم=قله تراني واحـد امـن أخوانـه
سلم علـى تغلـب وجـدي زايـد=ياسعـد منهـو أصبحـوا جدانـه
هـذا كلامـي وأفهمـه يافـاهـم=عساك تلقـى عملـة(ن) ربحانـه
قلت القصيده قاصد(ن) لي مقصـد=قلتـه و وضحتـه مـع برهانـه
والختم صلـى الله عليـه وسلـم=امحمـد الـلـي للهدى يهـدانـه

(1):الشاعر الأمير / محمد بن أحمد السديري البدارين..(رحمه الله)..
(2):الشاعر / شلعان بن ظافر الوداعين..(رحمه الله)..
(3):الشاعر / دخيل الله بن محمد الشكره آل حسن..(رحمه الله)..
(4):الشاعر / أحمد الناصر الشايع المساعره..(أطال الله بعمره)..
(5):الشاعر / دغش بن بطي الغييثات..(رحمه الله)..
(6):الشاعر الدندان / عبدالله بن محمد الرجبان..(رحمه الله)..


ولا تحرموننا من ردودكم وآرائكم..
وتراني مجهز لكم قصيدة غزل من ابداعاتي ترقبوني في المره القادمه:thumb::thumb:

[سفير المعاني]

مانيـب شاعـر بالمجلـه هايـم=دور على الشهره وحظـه خانـه
وماني من اللي كل حفل(ن) حاضر=يلقـي قصيـده يومـي بذرعانـه


اخي بدر يسعدني ان اكون اول مصافح لهذه

القصيده اللتي تحمل الكثير من المعاني

وما اقول لك الا صح لسانك وعلا شانك

تحياتي لك

[عقاب صقر]

عزالله قلت وطلت

بيض الله وجهك

ولك الحق تفخر بربعك فهم اهل للفخر

قصيدة رائعة بكل امانة

صح لسانك

[قرناس وايل]

بكل امانه قصيده رائعه بمعانيها
صح لسانك ونعم فيك وبربعك

[خلف الشلهوب]

وعليكم السلام ورحمة الله وبركاته

هلا وغلا اخوي بدر

والنعم فيك اخوي وفي قبيلتك ولاقصور بالقبايل الاخرى

صح لسانك وعلا شانك على هذه القصيدة التي تقطر عذوبه

تحياتي واحترامي لك ولاهنت

[بدر بن صقر العجالين]

مانيـب شاعـر بالمجلـه هايـم=دور على الشهره وحظـه خانـه
وماني من اللي كل حفل(ن) حاضر=يلقـي قصيـده يومـي بذرعانـه


اخي بدر يسعدني ان اكون اول مصافح لهذه

القصيده اللتي تحمل الكثير من المعاني

وما اقول لك الا صح لسانك وعلا شانك

تحياتي لك

أخوي الغالي

( سفير المعاني )

ارررحب يالغالي..

وانا والله اللي يسعدني انك تكون اول من رد..

صح الله بدنك ..

ومشكوور ولاهنت على مرورك الكريم الممتع..

وتقبل تحياتي،،

[بدر بن صقر العجالين]

عزالله قلت وطلت

بيض الله وجهك

ولك الحق تفخر بربعك فهم اهل للفخر

قصيدة رائعة بكل امانة

صح لسانك

أخوي الغالي

( عقاب صقر )

أرررحب يالغالي..

ووجهك أبيض الله يسلمك ان شاء الله..

وماعليك زووود..

صح الله بدنك ومشكور ولاهنت على المرور الجميل..

تقبل تحياتي،،

[دنيـا]

قصيده رائعه بمعانيها
صــــــح لسـانك ملاييــــــــن

كتبت فأبدعــــــــت

لك كل الود والتقديـــــــر

[بدر بن صقر العجالين]

بكل امانه قصيده رائعه بمعانيها
صح لسانك ونعم فيك وبربعك

أخوي الغالي

( قرناس وايل )

صح الله بدنك يالغالي..

ماعليك زوود يالوايلي..

مشكور ولاهنت على مرورك الكريم..

وتقبل تحياتي،،

[بدر بن صقر العجالين]

وعليكم السلام ورحمة الله وبركاته

هلا وغلا اخوي بدر

والنعم فيك اخوي وفي قبيلتك ولاقصور بالقبايل الاخرى

صح لسانك وعلا شانك على هذه القصيدة التي تقطر عذوبه

تحياتي واحترامي لك ولاهنت

أخوي الغالي

( خلف الشلهوب )

هلا بك..

ماعليك زوود يالقرم..

صح الله بدنك والله لايهينك..

مشكور ولاهنت على مرورك الكريم..

وتقبل تحياتي،،

[بدر بن صقر العجالين]

قصيده رائعه بمعانيها
صــــــح لسـانك ملاييــــــــن

كتبت فأبدعــــــــت

لك كل الود والتقديـــــــر


الأخت الغاليه

( وعدك متى )

صح الله بدنك يالغاليه..

والإبداع كله في حضورك..

مشكوره ولاهنتي على المرور الكريم,.

وتقبلي تحياتي،،