أهداء لأعضاء رهب الكرام عباره عن قصيده

[الأمير]

بسم الله الرحمن الرحيم

القصيدة اللي يسمونها أم الوصايا ويقالها بعد أنها الشيخة والشيخ عند عنزة 3 قصايد قصيدة الشيخ مشعان بن هذال وقصيدة الشاعر محمد المقحم النجدي الصقري العنزي وهذه القصيده الثالثه للشاعر محمد الدسم الدوامي السبيعي العنزي يقولها يوصي اخوه أبو زعزوع :
يا خوي لك عندي وصاة مصيبه

خذلك وصاة تلمس العقل وتصيب

ترى وصاة أخوك مابه معيبه

،،،،،،،،،،،،،،،،،،،،،،،،،،لا صار أخوك مكمل العقل ومنيب

أخاف اموت ولا ضلال تجيبه

،،،،،،،،،،،،،،،،،،،،،،،،،،توزي لضيقات الدروب الضنابيب
حيث الليالي ما تعلم بغيبه
،،،،،،،،،،،،،،،،،،،،،،،،،،ولا يعلم الا صاحب العلم والغيب
ودي تحرص عن بلاد كل ويبه
،،،،،،،،،،،،،،،،،،،،،،،،،،ويصير بك عرف وكمال وتأديب
والا المقدر صار ما ينحكيبه
،،،،،،،،،،،،،،،،،،،،،،،،،،ولا ينمحي هذا من الله مكاتيب
افهم وصاتي كان قلبك يصيبه
،،،،،،،،،،،،،،،،،،،،،،،،،،تطلعك من كل الامور الحراديب
أول وصاتي بالفروض الاديبه
،،،،،،،،،،،،،،،،،،،،،،،،،،صوم وصلاة وعدهم بالمواجيب
وثاني وصاتي للامور الصعيبه
،،،،،،،،،،،،،،،،،،،،،،،،،،أحرص عليها قبل هون وتصعيب
جرح عبيله ما يكلف طبيبه
،،،،،،،،،،،،،،،،،،،،،،،،،،ولا شي الا ماضيا له تجاريب
وثالث وصاتي تلعة ينعدى به
،،،،،،،،،،،،،،،،،،،،،،،،،،تلقى عليها بينات المساريب
واللي عدابه ذيب من بطن ذيبه
،،،،،،،،،،،،،،،،،،،،،،،،،،ولا واحد عدى بها غير هو ذيب
ترى هذاك العرف من غير ريبه
،،،،،،،،،،،،،،،،،،،،،،،،،،راعيه لايطلب ولا له مطاليب
ورابع وصاتي كثرة الهرج خيبه
،،،،،،،،،،،،،،،،،،،،،،،،،،هرج بلا معناه مسموج ويخيب
لاصار ما عندك علوم غريبه
،،،،،،،،،،،،،،،،،،،،،،،،،،بين الرجال ترتب الهرج ترتيب
وخامس وصاتي خفة الرجل عيبه
،،،،،،،،،،،،،،،،،،،،،،،،،،من راكض الفرقان يركض له العيب
لا صار ما تنحر لزوم تجيبه
،،،،،،،،،،،،،،،،،،،،،،،،،،تنحر غرضك ان كان ماجاك وتجيب
وساسد وصاتي لك معزة وهيبه
،،،،،،،،،،،،،،،،،،،،،،،،،،عليك بسفن البر حرش العراقيب
ولا يعجبك الزبد هو والرويبه
،،،،،،،،،،،،،،،،،،،،،،،،،،ترغب لحوش الضان وتخلي النيب
راعي الغنم يشيب من قبل شيبه
،،،،،،،،،،،،،،،،،،،،،،،،،،والبل معزه تجلي الهم والشيب
الى أشهلب الوقت لو هو حليبه
،،،،،،،،،،،،،،،،،،،،،،،،،،يوصلك لديار الهناء والتعاجيب
وسابع وصاتي كان صابتك سيبه
،،،،،،،،،،،،،،،،،،،،،،،،،،تقدر على كثر الثمن والمطاليب
بنت الحمولة والاصيل العريبه
،،،،،،،،،،،،،،،،،،،،،،،،،،اللي قناهن ذاق لذة وترغيب
واللي قنا بنت الردى والهليبه
،،،،،،،،،،،،،،،،،،،،،،،،،،أصبح بهم وجنب الربح تجنيب
والعجز يرث لك مذله وخيبه
،،،،،،،،،،،،،،،،،،،،،،،،،،اردى الرجال اللي يذمونه السيب
عليك بالسقمة ولو هي تعيبه
،،،،،،،،،،،،،،،،،،،،،،،،،،ما دام بك حيل تنط المراقيب
ترى كثير المال كلن حبيبه
،،،،،،،،،،،،،،،،،،،،،،،،،،ويقال له فت جاي لو مافعل طيب
والا قليل المال شنا أرويبه
،،،،،،،،،،،،،،،،،،،،،،،،،،لو كان طيب يكثرن به عذاريب
وثامن وصاتي شرها ينحري به
،،،،،،،،،،،،،،،،،،،،،،،،،،ترى الدروب الفاسدة ما بها طيب
درب الزنا والعايزة والقريبه
،،،،،،،،،،،،،،،،،،،،،،،،،،أحذر هذيلن من كبار العذاريب
ثنتين من داخى عليهم احكي به
،،،،،،،،،،،،،،،،،،،،،،،،،،مداخي على وجهه تعيبه معاييب
مداخي على عرضه مثل شق جيبـــــــــــه
،،،،،،،،،،،،،،،،،،،،،،،،،،علم يبين من أذان الاعاريب
وتاسع وصاتي عن مناقر شريبه
،،،،،،،،،،،،،،،،،،،،،،،،،،الى صار ماهو من وساع المشاريب
خله ويلقى بالموارد لعيبه
،،،،،،،،،،،،،،،،،،،،،،،،،،عند الظوامي يكثرون الواعيب
ومن دور العيلات غربل نصيبه
،،،،،،،،،،،،،،،،،،،،،،،،،،أحسب حسابه من حساب المذاهيب
ومن جنّب الشيطان حقه غديبه
،،،،،،،،،،،،،،،،،،،،،،،،،،ومن هاب طبات الملاعب ما هيب
عن واحد يبلاك أو تبتلي به
،،،،،،،،،،،،،،،،،،،،،،،،،،ينهج حديكم يم دار الاجانيب
وعاشر وصاتي الى صارت مصيبه
،،،،،،،،،،،،،،،،،،،،،،،،،،وبلاك ربك وابتلوك المغاضيب
أحذر تمضي ما تسمى غليبه
،،،،،،،،،،،،،،،،،،،،،،،،،،امض وتبين عن الحاق المشاعيب
وازبن على حصن الرجال الصليبه
،،،،،،،،،،،،،،،،،،،،،،،،،،عدك بعيطا عن سموم اللواهيب
ومن غيرها عندي وصايا عجيبه
،،،،،،،،،،،،،،،،،،،،،،،،،،لافكر الفاهم يصيب المتاريب
والكل منهن يوم تفطن صعيبه
،،،،،،،،،،،،،،،،،،،،،،،،،،والكل منهن يلحقنك مشاعيب
الضيف ضيف الله وصابه حبيبه
،،،،،،،،،،،،،،،،،،،،،،،،،،استقبل ضيفك في تهل ٍ وترحيب
قلط له الميسور وماهان جيبه
،،،،،،،،،،،،،،،،،،،،،،،،،،واحلف على الماجود دين المعازيب
وخويك اللي بالخلا تبتلي به
،،،،،،،،،،،،،،،،،،،،،،،،،،خيال والا فوق عوج المصاليب
أو راجلا حفيان ماله نجيبه
،،،،،،،،،،،،،،،،،،،،،،،،،،أو عورة يبلي بها عالم الغيب
اصبر وراعي الصبر محمود طيبه
،،،،،،،،،،،،،،،،،،،،،،،،،،عند الذي يبي الفخر والمراتيب
وقصيرك اللي مايصيبك يصيبه
،،،،،،،،،،،،،،،،،،،،،،،،،،وصابه الله لا تحسف به الطيب
حقه عليك تزود القدر هيبه
،،،،،،،،،،،،،،،،،،،،،،،،،،الى مايروح بزود حشمة وتوجيب
وراعي الجدى حق الردى مايصيبه
،،،،،،،،،،،،،،،،،،،،،،،،،،ومن لاعرض جنبه على الطعن ما صيب
الشيوخ والحكام زمل منيبه
،،،،،،،،،،،،،،،،،،،،،،،،،،فيهم عمار وقضي لازم وتخريب
ما ينومن من شأن منهم حليبه
،،،،،،،،،،،،،،،،،،،،،،،،،،عقب الصداقة ينقلب كنه الذيب
أهل خفايا وغيبهم ما دري به
،،،،،،،،،،،،،،،،،،،،،،،،،،يتحدرجون بدون عذر وتذنيب
عشرانهم هل العلوم العجيبه
،،،،،،،،،،،،،،،،،،،،،،،،،،وصدقانهم مروين حد المغاليب
الى صار ما حدا الثلاثة تجيبه
،،،،،،،،،،،،،،،،،،،،،،،،،،مالك بهم والدرب شرق وتغريب
خوريهم ما يشتهي نفض جيبه
،،،،،،،،،،،،،،،،،،،،،،،،،،حكاي وجهين يقص العراقيب
هذي يودها وهاذي يجيبه
،،،،،،،،،،،،،،،،،،،،،،،،،،وهاذي يسويها بصدقٍ وتكذيب
واللي حكي بين الصحيب وصحيبه
،،،،،،،،،،،،،،،،،،،،،،،،،،مخرب ويخرب بين ناس ٍ اصاحيب
وسوالفه دايم نميمة وغيبه
،،،،،،،،،،،،،،،،،،،،،،،،،،ولا يستحي من كلمة الكذب والعيب
راعي النقيلي لا توارد قليبه
،،،،،،،،،،،،،،،،،،،،،،،،،،اموارده ما يبهج القلب ويثيب
هذاك لاتنزل جوانب شعيبه
،،،،،،،،،،،،،،،،،،،،،،،،،،بالك تحطه يابو زعزوع بالجيب

[الأمير]

شرفني مروركم الكريم حتى وان كنت غائب يوم من الايام ولم يتم الرد في حينه

[احساس وألم]

تسلم يالامير وسلمت يدك على النقل وصح لسان قائلها درر تسطر في خلد التاريخ

[خلف الشلهوب]

الامير

تسلم يمينك على نقل هذه المعلقه التاريخيه

ولاهنت على هذا الاختيار

تحياتي لك

[تَحيّة مَلآئِكيَة]

الله يعطِيك العآفِيه أخوي ..
إهداءْ جِميلْ كَـ أنتْ .. :r:

[الأمير]

احساس وألم - خلف الشلهوب -تحيه ملائكيه
تشرفت بمروركم الكريم واسعدني تواجدكم وكلماتكم القيمه وسام يشرفني كثيرا
ارجو اني استفدت من كلمات قائل القصيده وكذالك انتم
وايريد ان ازيدكم من معلوماتي وافكاري من خلال قرائتي للشعر
اجد ان الرسول صلى الله عليه وسلم اوصانا بالصلاه في اخر ايامه
من عمره
فوجدت ان الشاعر اللذي له قيمه وشعبيه كبيره اجد ارتباط بينه وبين وصايا الاسلام
اذا هناك علم وهناك شي لم يكتمل عند الشعراء ارجو اني اجد الحل اللذي استطيع
ان احلل هذه الامور اللتي لايراها اللا من اعطاه الله موهبه بالحكمه وزاده علم وبصيره
هناك اشياء كثيره واولها الصلاه والصيام لانها مرتبطه بقوه معاني الشاعر متى ماحافظ على
هذه الوصيه بالشكل المطلوب وابتعد عن كل المعاصي زاده الله علم وفتحه على بصيرته
عموما ارجو اني مع مرور الوقت ان اجد العلاقه الوثيقه بين النجاح الشاعر بكلماته وطريقه وصوله
الى قلوب البشر ومحبتهم لهم والشرح في مثل هذه الامور يطول لا اجد في مخيلتي حل وافي لانه يحتاج الى بعد نظر وفهم عميق
الآن والوقت الحالي لا اجد
سوى الصبر لاجد الحلول في الايام المقبله ان شاء الله تعالى

[الأمير]

الشاعر محمد الدسم وأمنيته برمضان يعبر عنها في تلك الأبيات التالية:

البارحـة بالليـل مـن عـقب عشـوه = يـوم الـمـلأ والـغـاهـبـات اسـكـوت

تمنيت مـن عـرض المناوي منـوه = يـوم اتـمـنـى مـا طـلـبـت اسـحـوت

تـمنيـت لـو جتـني المـنـيـة غـفـلـه = بـنهـار جـمـعـة بـرمضـان نـمـوت

نموت بوسط البيت بزيـارة الحـرم = ويزعـج لنـا الصبح المؤذن صوت

يـدعـي لنـا الـرب الكـريـم برحـمـه = ومن بـاب رضـوان الوكيـل نفـوت

نـفـوت بـجـنـات تـدارج انـهـارهــا = فـيـهـا لـزيـنـيـن الأعــمـال بـيـوت

فـيـهـا بـسـاتـيـن ضـلـيـل نـبـاتـهـا = تـنـبـت بـهــا كـل الأثـمـار انـبــوت

وفـيـهـا مـن الأرزاق مـالا نـعـدهـا = ويـوجـد بهـا لأهـل الفضيلـة قـوت

وفيهـا حواري عايزات وصوفهـن = وفـيهـا قـصـور عـالـيـه واتـخـوت

ملبوسهن ديباج والسندس الخضر = وعليهـن من لـب الحريـر بشـوت

عليهن صوغة من الفضة والذهب = وعليهـن من المرجان سبع ابتوت

تـف عـلى الـدنيـا وفـاني حطـامهـا = لا خـيـر فـيـهـا ورزقـهـا ممـقـوت

نـركـض بـهـا ولا لـحـقـنـا مقـرهـا = ومـن مـات موتـت قـانـت وقـنـوت

الـدنـيـا مـا دامـت ولا دام عـزهـــا = والآخــرة دار الــقـــرار اثـــبـــوت

والـلـه لـولا الغربي شحيح عندهم = لا اقـول يـا حـيـف العـمـار تـفـوت

[الـنـادرهـ]

صح لسان الشاعر

الامير

تسلم على النقل


لاخلا ولاعدم


النادره

[الأمير]

صح لسان الشاعر محمد الدسم العنزي
وصح مرورك النادره تسلمين على الكلمات الجميله
حياك الله النادره تشرفنا بعضويتك الكريمه وسعيدين بتواجدك في منتديات الأميره ريما محمد السديري حفظها الله واعضائها الكرام حفظهم الله

[يفوق الوصف]

صح لسان الشاعر

الامير

تسلم على النقل


لاخلا ولاعدم

[الأمير]

تشرفنا اهلا وسهلا