محمد بن فهد
07-06-2008, 01:57PM
قصيدة للشاعر سلطان بن بتلاء في والدته شفاها الله
ليت (الهشاشه) فـي عظامـي ولافيـك=أو ليتهـم يرضـون.. وانقـل عظامـي
ياليتـهـم يـرضـون..والله لااعطـيـك=لااعطيـك منهـا ماانحنـى واستقامـي
اليـن ترجـع مثلـهـا اول خطـاويـك=وتعـود هيئـة جلسـتـك والمقـامـي
مادامنـي يالغالـيـه مـنـك والـيـك=ممنون لك فـي حملـي وفـي فطامـي
ابقـى فـدا راسـك وفـدوة مواطـيـك=ماهـو تـفـدّاي الـغـزل والغـرامـي
يااطهر من الانهار واصدق مـن الشيـك=شيـك الثقـه ماهـو بشيـك الحرامـي
ابــوي مابـيـن الصبـايـا منقـيـك=ولاهي برميه جـات مـن غيـر رامـي
اخـذك مـن شيـخ ٍ بطيبـه مربـيـك=وجبتـي منـه ستـة حـرار ٍ كرامـي
رجـل ٍ نجـح واللـي يدلّـك وينبـيـك=دايم ..(مره خلف اي رجل ٍ عصامـي)
يااعطف بشر.. وانقى بشر .. في مباديك"=لـو امدحـك ماهـو مكفّـي كـلامـي
كم ضقت مـن دنيـا البهاذيـل واجيـك=واروح .. والدنـيـا اقــلّ اهتمـامـي
بطفولتي ..في لعبي ازعجـك واشقيـك=واليـوم اهمّـك لــو أروح لـدوامـي
جنه براحـة كفـك.. وتحـت رجليـك=جنـة خلـود تفيـض.. بـرد وسلامـي
الله هـو الـلـي يالعـزيـزه معلـيّـك=جعـل رضـاك اهـم مـن هالانـامـي
عسى الولي يااغلـى المخاليـق يشفيـك=وياليتهـم يرضـون .. وانقـل عظامـي
ليت (الهشاشه) فـي عظامـي ولافيـك=أو ليتهـم يرضـون.. وانقـل عظامـي
ياليتـهـم يـرضـون..والله لااعطـيـك=لااعطيـك منهـا ماانحنـى واستقامـي
اليـن ترجـع مثلـهـا اول خطـاويـك=وتعـود هيئـة جلسـتـك والمقـامـي
مادامنـي يالغالـيـه مـنـك والـيـك=ممنون لك فـي حملـي وفـي فطامـي
ابقـى فـدا راسـك وفـدوة مواطـيـك=ماهـو تـفـدّاي الـغـزل والغـرامـي
يااطهر من الانهار واصدق مـن الشيـك=شيـك الثقـه ماهـو بشيـك الحرامـي
ابــوي مابـيـن الصبـايـا منقـيـك=ولاهي برميه جـات مـن غيـر رامـي
اخـذك مـن شيـخ ٍ بطيبـه مربـيـك=وجبتـي منـه ستـة حـرار ٍ كرامـي
رجـل ٍ نجـح واللـي يدلّـك وينبـيـك=دايم ..(مره خلف اي رجل ٍ عصامـي)
يااعطف بشر.. وانقى بشر .. في مباديك"=لـو امدحـك ماهـو مكفّـي كـلامـي
كم ضقت مـن دنيـا البهاذيـل واجيـك=واروح .. والدنـيـا اقــلّ اهتمـامـي
بطفولتي ..في لعبي ازعجـك واشقيـك=واليـوم اهمّـك لــو أروح لـدوامـي
جنه براحـة كفـك.. وتحـت رجليـك=جنـة خلـود تفيـض.. بـرد وسلامـي
الله هـو الـلـي يالعـزيـزه معلـيّـك=جعـل رضـاك اهـم مـن هالانـامـي
عسى الولي يااغلـى المخاليـق يشفيـك=وياليتهـم يرضـون .. وانقـل عظامـي