استراحة الأعضاء شعر فكاهي

[خلف الشلهوب]

احبتي

اعضاء منتديات رهب الأدبية

اسعد الله جميع اوقاتكم

يسرني هنا ان اجعل هذا المتصفح في خدمة شعراء المنتدى واعضاءه وزواره

وذلك من خلال طرح بيت شعر او اكثر او قصيده كامله بحيث تكون فكاهيه بحته ..

يمكن الفكره ماهي جديده ولكن..

الجديد هو التواصل معكم من خلال هذه الزاويه..

سجل ماشئت من الشعر الفكاهي واكتب اسمك اذا كان لك

او اسم صاحبه اذا كان لغيرك ..

كلنا بحاجه للطرفه والضحك ضمن حدود الادب ..


(( شــعـــر فــقـــط ))


آمل ان تنال رضاكم وتواصلكم

وتحياتي للجميع


وسوف ابدأ


حضرية(ن) متعوده تلبس الجنز

والتمشيه وقت الغروب الهوايه

قصة شعرها كل الاحيان تهتز

دايم تعدلها بعكس المرايه

جاها بدوي (ن) لانظر كنه خزز

راعي غنم لابس على الثوب صايه

بدويك يومن شافها بغفلة فــز

واستعجل الممشى وهام العصايه

قالت ايش بدك وش حصل لي تلتز

اشوفك من اليوم تمشي ورايه

قال انا آسف مشيتي تعتبر لغز

وانتي خدعتيني من اول بدايه

كنت افتكر منتي بشر واحسبك عنز

اريد اسومك وآخذك للجدايه

فائق التحيات

[سلطان الرجـــا]

الشاعر
خلف الشلهوب

هكذا السمو و الرقي

فأحسنت وأبدعت بهذا الطرح وأن كان منقول فالجميل ينقل ولا بأس في ذلك .

لك فائق أحترامي وتقديري

ولي عوده

بعد التثبيت
ان شاء الله

لان مثل هذا الموضوع يستحق التثبيت
ومشرفينا يقدرون الجمال ويشجعونه

.

.

[بركان بن رجا]

طيب

..

..

..





خمسه ثلاث اثنين والعب مفتوح = والرقم تسعه والجواتي اديداس

والملعب المزروع والركض مسموح = والزاويه تسعين والعين بالراس

العب علي خطه ولا تنطح انطوح = تصبح مثل زيدان مطرود منحاس

[شايب زمانه]

لي صاحبٍ منه تبي تطلع الروح
خبلٍ ومنهي مولعه فيه خبله

[تَحيّة مَلآئِكيَة]

خَلفْ الشلهُوبْ . . }

كَـ عآدَتِكَ ..
رَآئِعٌ بِـ الإِبدَآعْ . .

فَـ سَلِمْتَ ..
وَ سَلِمَتْ لَنَآ ذَآئِقَتُكَ ..





* *
*

تَحِيّه ملآئِكيَه

[خليل العجاج]

الحقيقه فكره حلوه
والواحد لامن ضاق صدره من بعض القصايد
يحضر هنا في هذه الأستراحه للأستجمام
وهناك من القصايد الطريفه والجميله والمعبره
بنفس الوقت الشيء الكثير هنا سوف نرى وجه
أخر للشاعر وهو الوجه المرح
الأكثر جمال عندما يبدء يرسم ابتسامه على ملامح حزينه
وقالو قديماً شر البليه مايضحك

رائع
ياابو سامي
كعادتك

[خلف الشلهوب]

ياونتي ونة الجربوع

سكسين ديزل توطنه

يوم التفت للذنب مقطوع

من القهر جرها ونة

[بركان بن رجا]

مسكين يابس علي الخط مدعوس

[شموخ نجد]

فكره رائعه اخوي خلف الشلهوب
يعافيك ربي
انا بحط هالابيات وان شاءالله تنال اعجابكم

الي يفكر ببطنه وباله ماهوب مشغول

همه ضرب الخمس ومثلوثة جريش

ناسي الدنيا وراءه عرضها بالطول

وماخذالحياة فرفشه بعمرالطيش

العذرمنكم يالشعار لو ناقصه وزن ولابحر
مجرد محاوله ومنكم اتعلم

اكرر شكري وتقديري
دمتم بحفظ المولى

[خلف الشلهوب]

تطورت العنز مع من تطور

ولاهو مقصور التطور على الناس

ترضع صخلها من حليبٍ مبستر

تخشى رشاقتها مع الوقت تنداس

ماباقي الا يشرب التيس منكر

ويروج الهروين راعي وعساس

(...)

[خلف الشلهوب]

ان كان همك بالزمن بس لقمتك

الفول بريالين والخبز بريال

[خلف الشلهوب]

البارحة ونيت واليوم حون = وحوزع الونات في كل حته

(.......)

[خلف المنصور]

القلب عيط يابن شلهوب = من حظي اللي غدى نيله


خلف المنصور

[نآصر بن حسين]

/
\


خلف الشلهوب


فكره جميله
وهي متنفس لنا كشعراء



لي عوده ياراقي






نَ

[خلف الشلهوب]

لي صاحبٍ في مشيته مشية الفيل
.............واليا جلس "خوفو" اشوفه امامي
ابـو عيـونٍ كنهـن الدرابيـل
..............لا من بحقني ترتجف بي عظامي
له شفةٍ تركد عليهـا المعاميـل
.............وخشمٍ قراش الطايره بالتمامـي
وصدرٍ به غروبٍ تهزع المحاحيل
.............الخوف يطري لي ونا في منامي

للشاعره / مويضي

[(((روووح القصيد)))]

فكره مره اعجبتني بصراحه
فيها نوع من الفكاهه والفرفشه وهي تنفهه عن الواحد وتعطي مساحات اكثر توسع من ناحية الشعر وان شالله اقدر افيدكم فيها بس بجد روعه واستمروا مشكور ع الفكره الخطييييييييييييييييره

[مستبده عسل]

انا راح اقول لكم بيتن

لكن لاحد يعلق تراها مجرد محاااااااوله

واللي ينقد راح اهجيه <<<<اخسي يالشاعره خخخخخخخ




يازين سنون معشوقي**** كما ظلوع البعاريني


ولونه كما البن محروقي*** وعيونه اللوح تشقيني

[خلف الشلهوب]

عوده للفرفشه من جديد

[محمد الرياحي]

موضوع حلو

اشكرك يالغالي


بيت فقط

خلي رفسني رفسة مالها حد=وانا رفسته رفسة عالميه

[النداء الأسير]

خلف الشلهوب رائع كعادتك
ولي عوده ان شاء الله

[جايز الشمري]

ثنكس مستر خلف على هالافكار النيره



ماهقيت ان البراقع يخدعنّـي
لين شفت سنون سلمى طافحـااتي
جيت آبآسـلّم عليها وصدمنّـي
أحمد الله يوم سلمت لي لهااتي



شاعر قديم

[جايز الشمري]

بعض العرب ودك تحطـه بمخبــاك //تطلِِـع خشيمه كل شوين وتنشّــه



مخباك = جيبك

[محمد الرياحي]

ابليز قفمي من شفاياك قرطوع=بيكوز يشفي علة في ظميري

[عبدالرحمن الدوسري]

بيوض عقب الرجل تسوى سفاري


ياجعل من شنى بيوض (ن)توطاه

[[ إمـــرأه حـــره ]]

صعدت فوق السطح اشكي للهوى همّي..



كل البنات >أعرسن< وأنا للحين عند أمي..

[عبدالرحمن الدوسري]

لاتشتكين الهم ياانتي ياانتي

ابااخذك وانسيك همك وهمي

[عبدالكريم الضبيب]

همك وهمي ههههههههههههههههههههه وروح يامجروح ههههههههه

دخلاتك مهي دخلات عرب يامشبب
ههههههههههههه يالله أنا الشاهد الأول / دور على الثاني :)


:

أشكر الأخ الشاعر / خلف الشلهوب
لفتح هذا المتصفح الفكاهي الرائع ..

بصراحه من أول مافتحت المتصفح وأنا أضحك
وفيه ناس عندهم مواهب كوميديه وكنت أتوقعهم
على طول مكشرين .. :)


لي عوده

[جايز الشمري]

أحزن على فرقاك حزن الوراااااعين

لياامرّوا الدكاان واسرع ابـوهــم ..

[كامل الاوصاف]

فكره ممتازه


تحياتي

[خليف الوهيداني]

قصيده لها مناسبه في العمل وبين الاقسام مع زملانا

وكان زملا في قسم ثاني ناقص عندهم زيت لا احدا المعدات واتصلوا في وقالوا

اليوم معزوم على الغدا ووالله ياغير يصير وقلت تم وقالو حياك

بس على وجهك جب معك جالون زيت وقلت طيب وجبت الزيت وتغدينا
بعده قالت كثر الله خيركم قالو ابد هذا عن لقمة هالعيش ماخسرنا
شي وبعدين طلبوا مني قصيده بهذا الموقف



لامـر ربـح وفـات مايفيـد ياليـت=مفروض قبل يفوت تحسـب حسابـه

وان كان ماانت أبخيص بالسوق وليت=وصرت الفريسـه واكلتـك ألذيابـه

وان مانصدمت ومت منها أستخفيـت=عقلـك ذهـب والمـال روح نهابـه

تجيك ضربـه كنهـا ضربـت فليـت=مثـل الفليـت ليـا عثـا بالذبابـه

وكانك من الصدمه سلمـت وتعديـت=أخـذت درسـآ ماتنـاسـا عقـابـه

وأنا بمثـل هـاذي باللفيـن مريـت=باموضوع أبه من ماذكرتـه تشابـه

في مطلبآ عقبـه عزمـت وتغديـت=وهـو سبـب غـداي واللـي بدابـه

من الفرح جريـت صوتـي وغنيـت=وأقـول وقتي مايجيـبـه غـدابـه

انا حسبني فـزت بالربـح وأقفيـت=أثرنـي اللـي راح ينقـل صـوابـه

شريت لي لقمة غـدا والثمـن زيـت=والزيت مـن شانـه تقـوم الحرابـه

وياليتنـي عقـب الخسـاره تهنيـت=مـع الخسـاره لحقونـي طـلابـه

وليا نسيت اللي حصلي وسجيـت=قالوا ترا الموضـوع ماصـك بابـه

قصه ومعها خمسة أعـوام عانيـت=وسريت لي فـي ليـل ماينسرابـه

حاولت منها أطلع النفـس وأزريـت=وغديت مثـل اللـي غدالـه بغابـه

شف كيف أنا في بيعت الزيت سويت=أربـح لـلـي بــاع والا شـرابـه

خطا وخذته درس يوم انـي أخطيـت=وبعده مابيـع الا أستشيـر أصحابـه

ياللـي قريـت بماكتبـت وتوحيـت=عطنا الصراحه منـك فـي ماجرابـه

[خلف الشلهوب]

شريت لي لقمة غدا والثمـن زيـت
والزيت من شانـه تقـوم الحرابـه
وياليتنـي عقـب الخسـاره تهنيـت
مـع الخسـاره لحقـونـي طـلابـه


شريت لي لقمة غدا والثمـن زيـت
والزيت من شانـه تقـوم الحرابـه
وياليتنـي عقـب الخسـاره تهنيـت
مـع الخسـاره لحقـونـي طـلابـه


عزالله ماصارت عزيمه ياسمي

لاهنت تحياتي لك وشكرأ لتواجدك هنا

[[ إمـــرأه حـــره ]]

الرجل مرسدس في عزمه متين لو وصل تسعين شدة مصنعـه :mf_tongue:
والمره لا من تعـدت اربعيـن كنها الهونداي تبـدا القربعـه :(1

[رسيس]

وهاذي قصيده قالتها وحدة تبي تسوي رجيم وماقدرت :sm5:


أبي أسوي رجيم والخطة بعقلي رنانه ******عطوني فكرة فيها أطفي نيران شعلانه


الشحم زايد والكرش للأكل يفرز ألحانه****** تعب حالي وما من بطن يخفي أطماعه


أبي ألبس الجينزات والثقة في نفسي مرتاحه***** أبي أدخل الأسواق وألقى ل جسمي مقاسه


إشلون أقاوم الرز؟ واللحم تغري نسماته؟****** الطعم من بعد أمتار تكوي في قلبي أطيابه


لا تلوموني يا ناس ،،، دام الجوع يرسملي بأقلامه***** أسيح من رسمه وأنسى كانت للبال أحلامه


بقول الآآآآآآآآآآآآآخ لين تتحقق للروح أهدافه***** أصير سمبتيكة والشكل يهدي للناس عبراته


مليت أشكي يا عالم وأحسد غـيري بصـفاته***** أشوفه قدامي يتمخطر وما ألقى في نفسي قناعه


رحت النوادي والعيادات طالبه على وزني شفاعه***** لكن للأسف الورد مهما كبر وجف تبقى ألوانه


الرجيم ماهي كلمة تنقال وتسمعونها بكل بساطه***** صدقوني فعلها أصعب من مسيحي يعلن إسلامه

[رسيس]

ياخبلي الغايب متى ترد للعين
متى اشوفك أو تجيني رساله
صحيح بالدنيا خبول كثيريـن
لكن خبالك ياحياتـي لحالـه



الله يقطع الخبال

[[ إمـــرأه حـــره ]]

ههههههههههههههههههههه

حلوه رسيس الله يسعدك

[رسيس]

الحلوة عيونك تحلى ايامك

والشكر موصول لصاحب الفكرة

[رسيس]

وقالت إمرأة من الجيل السابق تعارض تعدد الزوجات :::d
ياليت ربي عمل معرووف
.. خلَّ الــمــرِه تاخذ إثـنيـنــي
أحِـبْ ذاك وذاك يــشــــوف
.. حتى يــجرِّب ســهِــر عــيــنــي
صح لسان الشاعرة:thumb:

[عزام]

عزتي للي تولع بالهوى وحب مهبوله

كل ما عرض عليها بالحصا قامت تشوته

[الوجيه]

يعطيك العافيه....يا خلف الشلهوب........ع الطرح الرائع

هذي مشاركه.....اعجبتني ونقلتها لكم





قلبي صحن دش وعيونك عربسات=والبث حي مباشر من شفاتك
سلكي ولاسلكي وعبر المسافات=يسري أثيرك في فضاي وصفاتك
القلب مخرج والمشاعر مذيعات=والشوق مبعوث مراسل لذاتك
ارسال متواصل على خمس فترات=ينقل وقايع ما يصير بحياتك
صورتك في فكري على سبع شاشات=وافضل برامج سهرتي ذكرياتك
وارسال حسادك قطعتة عن السات=بدلت كيبلهم بكيبل غلاتك
والغيت يا ثريا الغلا الأشتراكات=ما عاد أشاهد غير ما بث ساتك
لو شوشت ع البث كل المحطات=يلقط رسيفر خاطري ذبذباتك
جرب على ريموت الإحساس ضغطات=تلقاه ما يختار إلا قناتك

[[ إمـــرأه حـــره ]]

ياونة ونتها معرفش ليه
أوزع الونات في كل حته>> يقالهاا تعرف مصري

[رسيس]

تتكلم عن حال مريض زار طبيب الاسنان http://www.tdwl.net/vb/images/smilies/biggrin.gif للعلاج وكان الطبيب لايتكلم إلا بالإنجليزيه

عند قوش وفـرقته بنجـونـي
واسلخو مني الحنك سلخ الضحيه

ومسكوا فك الحنك به يجرحوني
والمقـص بـيدين جـراح جـريـه

صابر تحت امرهم ما يرحموني
مغمض العينين مـالي مـقدريـه

قلت يادكتور بالهون انظروني
وابعد السـستر لا تمسـك ايديـه

وين عايض لو حضر يوم اطرحوني
كـود من يديـنهم ينجد خويــه

عادتك الجود يا زين الضعوني
فـزعـة الـي خـابرينك كـميـه

الدكاتر يازميلي غـربلونـي
مابقى إلا بالـقلم أكتب وصـيه

قصدهم لي عن وجعهن يسعفوني
والمرض ماعـرف مجهول الهويه

شـالو الاسنان مني عذبوني
كيف ذا يحصل وانا مالي خطيه

هرجهم بيكوز ويس ويرطنوني
والحقوها بقود وذا يصعب عليه

إذا نطقت بلهجتي ما يفهموني
والجواب أوكيه ولهجات خفيه

[خلف الشلهوب]

هذه ابيات من قصيدة لي
هجائية بسيارةٍ كانت
عندي في يوم من الايام

علبة الباور تحن وزايد حنينه
وصوت القزوزات دايم موجع(ن) راسي

نوب الفرامل خراب ونوب ماكينه
ونوب(ن) قطع الكفر تضرب على الشاسي

بالله وشلك عليَ حق ياشينه
تكفين غوري ابـ سحب عقبك انفاسي

كل الحب

[خلف الشلهوب]

ياخبلي الغايب متى ترد للعين
متى اشوفك أو تجيني رساله
صحيح بالدنيا خبول كثيريـن
لكن خبالك ياحياتـي لحالـه



الله يقطع الخبال

الله يعطيك العافيه يارسيس على اختيارك الرائع

من كثر مااعجبتني الابيات قررت اجاريها..
بهذا البيت :

ياكثر من هو جامع الزين والشين
ماهو حبيبك ياحبيبه لحاله

كثير بالدنيا خبول وغشيمين
لكن خباله غير ياحي فاله

انشهد انه ماانخلق مثله اثنين
مافيه مثله بالوجود استحاله


اتمنى تعجبكم المجاراة الكيبوردية


كل الحب