علي خلف الدهمشي
05-30-2008, 12:10AM
يكرم الرسول صلى الله عليه وسلم عن ما قالو عنه وعن اعتذارنا و عن جبننا
يسعود حبي للطبيعه طبيعه = مانيب متكلف ولانيب ضايع
احب فزات الرجال السريعه = خطلان الايدي مدركين الطلايع
في موقفن يعجز عقولن صديعه = لامن غدا به حق والصوت شايع
اليا غدا للنار فتله وليعه = وصارت علوم وبيحن الودايع
واحب ميقاف الفتى بالطليعه = والا جزاه ملحدات الصرايع
اذا فعل عباد ربي تذيعه = فعلن على الطولات ماهو خنايع
واهل التقا اللي بنهج الشريعه = سارو على الدرب السوي بالشرايع
لهم بشرع الله نفوسن مطيعه = وانا لهم في بين الحق طايع
والحب ساكن بالضلوع المنيعه = للي لهم بالمجد بيض الصنايع
اهل الكرم روس الرجال الرفيعه = واهل الفعول الكايدات الروايع
الواصلين القاطعين القطيعه = المدركين المعتقين المنايع
الصحبه اللي مالهم بالوضيعه = صحبة رسول الله والصيت ذايع
وياكبر حبي شي مقدر اذيعه = فتق ضلوعن مقفلاتن منايع
لك يارسول الله فوق الطبيعه = وارفع من مزون الغمام الرفايع
حبن يبكيني سوات الرضيعه = والا كما طفلن شكا الفقر جايع
واتوب لله وانحني له واطيعه = من فعل عباد البقر والوضايع
اهل الخنا والخبث واهل الدنيعه = اللي على نساهم تجر الدنايع
اللي رموك بشي فيهم طبيعه = وكرمك ربي في جزيل الطبايع
يالصارم البتار يوم الوقيعه = والقول يشهد له فعول ووقايع
يالمصطفى المختار سمح الطليعه = اللي رماك بتايه القول صايع
يالله عساه بمعضلاتن شنيعه = ويذوق في عمره كبار الشنايع
ويسعود ذولا عابدين الطبيعه =اللي نساهم من قشار البضايع
يسعود حبي للطبيعه طبيعه = مانيب متكلف ولانيب ضايع
احب فزات الرجال السريعه = خطلان الايدي مدركين الطلايع
في موقفن يعجز عقولن صديعه = لامن غدا به حق والصوت شايع
اليا غدا للنار فتله وليعه = وصارت علوم وبيحن الودايع
واحب ميقاف الفتى بالطليعه = والا جزاه ملحدات الصرايع
اذا فعل عباد ربي تذيعه = فعلن على الطولات ماهو خنايع
واهل التقا اللي بنهج الشريعه = سارو على الدرب السوي بالشرايع
لهم بشرع الله نفوسن مطيعه = وانا لهم في بين الحق طايع
والحب ساكن بالضلوع المنيعه = للي لهم بالمجد بيض الصنايع
اهل الكرم روس الرجال الرفيعه = واهل الفعول الكايدات الروايع
الواصلين القاطعين القطيعه = المدركين المعتقين المنايع
الصحبه اللي مالهم بالوضيعه = صحبة رسول الله والصيت ذايع
وياكبر حبي شي مقدر اذيعه = فتق ضلوعن مقفلاتن منايع
لك يارسول الله فوق الطبيعه = وارفع من مزون الغمام الرفايع
حبن يبكيني سوات الرضيعه = والا كما طفلن شكا الفقر جايع
واتوب لله وانحني له واطيعه = من فعل عباد البقر والوضايع
اهل الخنا والخبث واهل الدنيعه = اللي على نساهم تجر الدنايع
اللي رموك بشي فيهم طبيعه = وكرمك ربي في جزيل الطبايع
يالصارم البتار يوم الوقيعه = والقول يشهد له فعول ووقايع
يالمصطفى المختار سمح الطليعه = اللي رماك بتايه القول صايع
يالله عساه بمعضلاتن شنيعه = ويذوق في عمره كبار الشنايع
ويسعود ذولا عابدين الطبيعه =اللي نساهم من قشار البضايع