موضوع لأحلى أعضاء

[مُخملِيّه]

يسعد مساكم/ صباحكم





كيفكم أعضاء أحلى منتدى بالدنيا:thumb:





موضوعي بهالصفحه هو عباره عن مواقف ,,,




كل شخص يدخل يقول موقف مضحك صار له







أوكي









ياليت من الكل يشارك



*_^

[شموخ نجد]

موضوع روعة
يسلمك عطر الليل
امممممممممممم والله مااذكرالحين
احس الذاكره تعبانه خخخخخخخخخ
بس لي عوده بالموضوع
انشاءالله
تقبلي مروري يالغلا
لاعدمناك

[العنود الشيباني]

يوووووووووووووه مواقف كثيره بس ماابيكم تضحكون علي:MCPEa208:ههههههههههههههه

أيام الثانويه العامه مثل مالجميع عارف ضغط وتوتر ماهو طبيعي:sm5:

فكانت مدرسة الرياضيات ماتفوّت حصصها ولا حصص غيرها

فذاك اليوم كانت معلمة الدين والعربي غايبات

وكانت حصصهم الاولى والثانيه

والثالثه والرابعه وفوقها وقت الفسحه رياضيات

كنت اتريق وواقفه ومعطيه ظهري الباب

وجلست احش فيها حش ماهو طبيعي:d

الحين ماتصدّق على الله وتجي ماشيه على 280 وتنكد علينا فرحتنا

لدرجة اني قلت عنها مصدقه نفسها أم السعف والليف انها شياكه وحلوه

هي والزينون اللي دايم تحطه على جفونها لأنها كانت تحط ظلال عيون فضّيه

وانا وصحباتي نضحك وانا اكمل حش

طبعا البنات اللي في فصلي هادين بأستثناء شلتي وكنت انا وثنتين من الشله واقفات قدام بقيّة أفراد العصابه فجأه سمعتها تقول خلاص فرغتي اللي بداخلك يالعنود

وربي وجهي طاح في الأرض:Looking_anim:
وطوال الأربع حصص ماني قادره احط عيني بعينها فأشغلت نفسي بالكتابه على الجدار بعد مالطاوله اشتكت من كثر ماكتبت عليها:nono:

ههههههههههههههههههههههههههههههههههههههه

تبون مواقف بعد;)

مع العنود مش حتئدر تغمض عينيك:sm5:
شكرا عطّوره على موضوعك الحلو:r:

[غربَه وٍترحاَلْ]

^
^

قمة الاجرام :d



عاد وش اقولكم انا ولا وش أخلي :d


حيآتي عباره عن مغامرات <-- تكفى ياشيخ :mf_tongue:


يلاه خذو هالموقف ع الطاير



هذا سلمكم الله يوم كنتـآ بثالث متوسط :d

كانت الاختبارات النهائيه

وكان اول يوم رياضيات وانا كنتا سهران عند اخوياي يعني على بالي بدرس :d

والله يسعدكم راحت ليلة الاختبار ضحك واستهبال وبلاستيشن :d


يعني لادرستا ولا هم يحزنون

وانا ابلش بعمري وش الحل وش السواه ..

عاد كان ايامها شتـاء قلت مالي غير البس البالطـو وادخل معي ملخص عن الرياضيات

كل ابو الاسئله اللي بالكتابه موجوده بوه ومحلوه


عاد اول ماعطوني الورقه وانا اسمي بالله :d


واطلع لكم هـ المخلص وانا مانيب داري الا يجي من وراي المصري مدرس الماده


ويكشفني ويسحبني مع اذاني يامجرم مدخل ملخص كامل

ياله اصطبح عـ الصبح :d

ابن اللذينـا وهو يخربش على ورقتي ويطردني :sm1:


بس قصمن كانت احلى ايام :thumb:



عطوره يعطيك الف مليون عافيه


موضوع تووحفه :thumb:


وبالليل بضبط دلـة القهوه وتزين العلوم راق لي الموضوع


يلاه بايو :mf_tongue:

[شموخ نجد]

ههههههههههههههههههههههههههههههههههههه

هههههههههههههههههههههههههههههههههههههههه
رروعه موقفك يالعنود
ذكرني باستاذة الله يذكراها بالخيرفي ثالث ثانوي وتدرسنا انجليزي
كنت ماخذه درجه ضعيفه
من الدفاره الزايده اجلس قدام:sm5:
قمت خذيت سجل الطلبات وكانت هي كاتبه الدرجه بقلم رصاص
ومن الذكاء الزايد رحت وغيرت الدرجه بقلم حبر
المهم كشفتني على طول
مادري شلون تشرح وعيونها بكل مكان
قامت قالت
انتي عملتي ايه ايه دا
عاد الله لايوريكم
عليها صوت يفقع طبلات الاذن
قمت نزلت راسي على
الطاوله هي تحسبني:sm1::sm1:
قامت قالت ماتخفيش ماتخفيش اول واخر مره اول واخر مره وتكررها بصوت هادئ
وانا اضحك :d:d بشهيق قامت وطلعت من الفصل
خافت تحسب صار لي انهيارخخخخخخخخخ وماقدرت تغير الدرجه ثبتت زي ماهي

خخخخخخخخخخخخخخخ الله كانت ايام حلوه:thumb:
وبث

[العنود الشيباني]

أنا بقول لكم موقف صار لي

كنت راجعه من الجامعه ومررررررره نعسااااااااااااااانه لأني مانمت ورحت مواصله

فاتصلت علي امي وقالت جيبي معك غدا

المهم وقف السواق عند مطعم ونزل يشتري

وانا كنت مرررررررره تعبانه

فكنت نايمه

كل شوي افتح عيوني اشوفه جاء وإلا بعد

فكان فيه واحد يأشر لي بالجوال

شوي دق القزاز

قمت انا رفعت الطرحه عن عيوني بشوف مين يدق على القزاز

إلا هو نفس الولد يأشر على جواله يبيني أفتح البلوتوث

قمت انا رميت جوالي بالمقعد اللي جنب السايق

ورجعت تكيّت على الباب بشكل مايل كني مسترخيه عشان بكمّل نوم

مادريت إلا الباب انفتح وطحت قام هو دفني داخل السياره ورمى الرقم علي

وقال يعني لازم اجيبه لحدك>> والله صار كل شي غصب:sm1:

وربي انا مصدومه

ماقدرت اتكلم من هول الموقف:nono:

والناس يتفرجون

لا والمطعم جنب إشاره

ويوم سولفت لأخواني جلسوا يضحكون قالو لي غريبه ماقلتي له شي

وبعدين وين يدك

كان رحتي ضربتيه وعلمتيه الأدب وشلون

ليه ماأخذتي رقم لوحة سيارته

ليه ماخليتي الرقم وجبتيه لنا وخليتينا نتصرف معه

بس من الصدمه ماعرفت اتصرف ماغير شققت الرقم ورميته قدامه:sm1:

[شموخ نجد]

وبلاستيشن :d

ايام ثالث متوسط
اجل الجامعه وشهو خخخخخخخخخخخخ

ياغشاش يافيصل هههههههههه
مواقف رووعه<<<<<<قلبت عطر الليل وهي ماتدري
بس منجد ايام حلووه

[غربَه وٍترحاَلْ]

شموخ ولعنـه هـص :d

تخبرين لازم الواحد يبهر السولافه والحركآت يعني أكشـن :d

<-- كفشتك ام لسانين :d


بس والله ياعليك موقف تحفـه :d



يلاه يلاه طلعو الفزآيح يلعـن آوم الوناسه :d

[شموخ نجد]

زور يابن زور الي عمره ماحكي ولاكذب زور
خخخخخخ
كان ياماكان
في غديم الزمان
كنت رايحه انا وبنات عمي
وكنا جايبين سواق من السودان بكرتونه خخخخخخخ
وعلى طول من ثاني يوم طلعنا المدرسه
طبعا جديد مايعرف في الرياض ولاشي
بس حنا نوصف له المدارس
وتجي وحده من بنات عمي ملقوفه
قالت له روح يمين بعدين قالت لالالالا يسار
وتجينا ذيك السياره المسرعه طعطعطعطع:sm5:
طبعا كانت الصدمه علي انا جلست تقريبا شهر:sm1:
ومازالت الالام فيني وتجينا الشرطه وصلتنا للمدارس من الغباء
وقفو لموزين وركبوه فيه السواق
ويروح لاهلنا ويعلمهم بسالفة الحادث
وتجينا امي وزوجة عمي بالمدرسه
وصلحنا فلم هندي دموع في دموع :sm1::sm1:
طلعت المديره قالت سلامات سلامات شفيكم
خخخخخخخخخ احسها مفهيه
:sm1: وبث:r:

[العنود الشيباني]

هههههههههههههههههههههههه

على طاري الحوادث ياشموخه

ذكرتيني بموقف صار لي مع ثنتين من خالاتي

والمشكله الحادث صار عند نقطة تفتيش

هههههههههههه

بس الموقف حيل يضحك

لأن الشرطه ماانتبهت لنا إلا بعد مانزلنا نتهاوش مع صاحب السيارة اللي صدمتنا

بعدين اكتبه بالتفصيل

[العنود الشيباني]

أمس كنت في المحاضره ونسيت احط جوالي ع الصامت

وانا مسرحه عشان في بالي فكرة قصيده

سمعت أغنية محمد عبده غريب الدار>> طبعا جوالي يدق

طبعا انا مسرحه جلست اردد معاها

لأني داخله جوّ في القصيده


لأني كنت جالسه اكتب

هههههههههههههههههههههههههههههه

شوي اللي جنبي دقتني بكوعها

انتبهت اني بمحاضره

بس الدكتوره اعطتني كم نظره

وقالت اعتقد انك في جامعه مو في منتجع

مو كفايه علينا شغبك بالمحاضره وغيابك

لا وفوق ذا كله تغنين

وربي انحرجت

وجلست اضحك على نفسي وصديقاتي ميّتين ضحك علي لأن وجهي صار يتلون مثل إشارة المرور



والله ذي الحركه مو اول مره تصير لي

ههههههههههههههههههههههههه

[مُخملِيّه]

هههههههههههههههههههههه يازينكم ويازين مواقفكم لو أدري عن اللي تقولونه كان نزلت الموضوع من زماااااااااااااااان هههههههههههههههههههههه قسم فطستوني ضحك






طيب جا دوري بقولكم على موقف عندي تذكرته توي <<<<<<<<<<<<< إنبسطت على سوالفكم


على طاري محاضرة عنود


مره كنت بمحاضره ودكتوره الماده هذه كلمة " قشره " قليل فيها وعليها لسان وصوت الله لايسمعكم اياه وربي شعر راسي يوقف من صوتها


المهم قاعده فالمحاضره وفحالي ورايحه عالم ثاني مسرررررحه :yasser:ولا ني يمها الا شوي واسمع اسمي ماسمعت اسمي الا فثالث مره تناديني فيه <<<<<<<<< طرما:sm5:

المهم طالعت فيها وقلت نعم:Looking_anim: وانا عقلي طاير
قالت نعم ؟؟ نعم الله عليكي ,,,, وش كنا نقول ؟

قمت سكت ماعرفت ايش اقولها ,, الا ماصدقت على الله قامت طلعتني عالسبوره وتسأل فيه ماخلت سؤال فالمنهج الا سألته خلتني مثال للبنت الكسلانه:sm1: لااا وبعد جابتني قدام عندها وبعد البهذله اللي صارت لي لما جيت أقعد طاح بي الكرسي الا مااسمع الا صوت البنات مساكين بغو يموتون ضحك قسما بالله وقتها لو بيدي صاروخ أفكه عليها أجيب أجلها



وبث

<<<<<<<<<<<<<<<<< قلبتو علي المواجع :d

[غربَه وٍترحاَلْ]

ههههههههههههههههههههههههههههههههههههههههههههههه

الله يقطع الحب وسنينه ههههههههه

مين اللي ماخذ عقلك هاه

<< توكل ع الله هههههههههههههههههههه

[شموخ نجد]

والله ذي الحركه مو اول مره تصير لي




ماشاءالله العنود مخبيه علينا موهبتك
متى بينزل الكاسيت خخخخخخخخخخخخخخخخ


مثال للبنت الكسلانه
= عطر الليل ههههههههههههههه
عاد الله يعينك على كتاب النحو والمطالعه والنصوص مادري وشو بعد نسيت هالدروس بتصيرين مثال خخخخخخخخخخ

[مُخملِيّه]

نحو ومطالعه هههههههههههههههههه الله يلعن شيطانك خلاص ياماما هذه الأشياء نسيتها من زماان وبعدين انتي قاعده تتفلسفين علينا وماتشوفين نفسك:mf_tongue: الناس يغشون فإختبار يدخلون مذكرات زي أخونا فالله فيصلوه:sm5: خخخخخخخ... يسون براشيم :whistling: .. يطالعون بأوراق بعض

وإنتي ماشالله عليك مغيره درجتك مره وحده ماعندك لعب ولا بس ماشالله من ذكائك مغيرتها بقلم حبر وهي الدرجات مكتوبه بقلم رصاص خخخخخخخخخخخخخخخخ



يسلمووووووووو حبيبتي منوره الوضوع باقمر وعسل وسكر وكل شي <<<<<<<<<<<<<< الله الله قامت تطبطب :d

[شموخ نجد]

هههههههههههههههههههههه

اي اختصرت الطريق ماعندي تفاهم
باقمر وعسل وسكر وكل شي
خخخخخخخخخخخخخخخخخ يسلمووو عطوره جبرتي بخاطري ربي يجبر بخاطرك

[شموخ نجد]

كان يااااماااااا كاااان

في قديم الزمان الساعه ثمان
نفس هالوقت تما م

سالفتي مع دكتور الانسان سوالف
تبتي بقصه وتنتهي بماساة
كنت ماخذه موعد قبل شهر
من الخوف كل يوم اقول باكر اروح
المويهم جاء اليوم الي هداني الله ورحت
بعد الم كنت شوي واقطع شعري
شوي الا كثير ههههه
وادخل على مركز الانسان وانا كلي حماس:d
واجي عند استعلامات المريض قلت لهم انا
فلانه فلان الفلاني خخخخخخخ <<<<<<حشا طابور مو اسم خخخخخخخ:whistling:
قالت شو شو بتقولي خلاص:Looking_anim:
عمى بعينها كني معطتها كف
راحت عليكي اسمك بالقائمه السوداء
قلت بقلبي ياويل حالي ويلاه :sm1::sm1:
ياختي يمكن تشابه اسماء لان موعدي قبل
شهر وانتم مركز عادي تستقبلون المريض باي وقت
قامت قالت:لا هيزا النظام خيتو وانتي تلفنا عليك اكتر من مره
وارسلنا مسجات ومابتردي
عاد ماعرفت اصرف قلت لها انا معطتكم جوال خيتي لكبيره وهي متزوجه وموساكنه بالرياض <<<<<خيتي حلوه متعوب عليها هههههههه
موجوالي
قامت قالت شؤ اعمل شؤاعمل :nono:
عاد انا خفت وقلت احسن زين جت منكم:d
وراح تخسرون مريضه ولااخلي احد من اهلي يجيكم:mf_tongue:
قالت رووحي يااااااااا انتي وبالقائمه السوداء ولو بتجيو جماعه
راح يقفل الملف منكون :d
عمى بعينها لسانها طويل :sm5:
خخخخخخخخخخخ
والحمدلله فكه منهم رحت لمستوصف قريب:thumb:شايب كبر جدي
بس ماشاءالله له خبره
وانحلت السالفه مالت عليهم وعلى قائمتهم السوداء
طلعت ارهابيه وانا مادري
وطوطه طوطه خلصت الحطوطه
ومزالت القصص تتناثر كالمطر
انتظرواالبقيه شكلي بحط قص حياتي
وبتصير فلم يحطم الرقم القياسي خخخخخخخخ
وبث وبث:d

[شموخ نجد]

___________دكان حارتنا__________

طبعا كلكم تعرفون كل حارة اوحي لازم يصير فيها دكان

دكان يعني بقاله بقاله يعني سوبر ماركت يعني لجد الثالث له

الدكان ذا من قرادته يوصل طلبات ومخلي لكل بيت رقم:sm5:

اشتراك طبعا انا فاضيه 24ساعه لاشغله ولامشغله

جا ذاك اليوم وصكة في راسي واطلب منه
كيت كات وجلكسي وشيبس وببسي وخرابيط لها اول مالها تالي
قال :رغم الاشتراك لوسمحتي قلت له عشره تسعه يعني 19
خخخخخخخ الطلب كان العصرنمت وصحيت ماجاء شي
المهم اتصلت بعد العشاء بعد ماقمت من النوم
قلت له وين الطلب انا طالبه العصر وماجاء شي للحين
قال
انا طوال النهار بدور على تسعه وعشره موش محصله
انتو موش ساكنين بالحي دا
بس هو قال كذا كككككككككككككككاااااااااااا كااااااااااا:d:d:d
قلت له لا غلطان انت ماسمعت زين انا قلت اشتراكنا :mf_tongue:19
قال انتو 19 وبدا يتحلطم لما بتعطوا ارغام اعطوا صحيحه :sm5: كسرخاطري بس منجد
غبي مايعرف يركز :yasser:

وبببث :d

[ابو فيصل]

هههههههههههههههههههههههه

ههههههههههههههههههههههههههه

شموخ

وسعتي صدورنا الله يوسع صدرك

ماشاءالله عليكن بنات

سولفجيات

هههههههههههههههههههه

لكن والله مواقفك ياشموخ

ياراعية الكت كات والجلكسي

شفتي وش سوا بأسنانك

ياما حطك بالقائمه السوداء ههههههههههههههههههههههههههههههههههه
ههههههههههههههههههههههههههههههههههههههههههههههه

تسلمن ياعسل

انا ودي اشارك معكم

بس كل المواقف اللي مرتني محزنه تضيق الصدر

مافيه شي يونس

المهم ياشفتو انفسكم بحاجة حزن من كثر الوناسه قولولي

تحيااااااااتي

[شموخ نجد]

ياراعية الكت كات والجلكسي

شفتي وش سوا بأسنانك

ياما حطك بالقائمه السوداء ههههههههههههههههههههههههههههههههههه
ههههههههههههههههههههههههههههههههههههههههههههههه




هههههههههههه شنسوي بعد لازم كل شي له شي بس مشكله ماقدراقاومها ماحد قالهم يبعونها




بس كل المواقف اللي مرتني محزنه تضيق الصدر

مافيه شي يونس

المهم ياشفتو انفسكم بحاجة حزن من كثر الوناسه قولولي




عادي قول عندنا مواقفه حزينه بس نحاول نحط الي تضحك وانت حط الحزينه
وبكذا نكون خالصين نعالج الحزن بالفرفشه ههههههههه
عادي اضحك لدنيا تضحك لك
ماتسوى الدنيي ياخيوو نحزن فيها<<<<<<عليها لهجات مالها مترجم خخخخخخخ
يعطيك العافيه
<<<<<<<<<تراني بالنيابه عن عطرالليل مادري شعندها اليوم مادخلت
الظاهر اليوم زواجها طيب اوريك ماتعزميننا خخخخخخ <<<<<<<<برا روحي لقسم الاشاعات

[ابو فيصل]

يسعد صباحك ياشموخ

مدري حنا الصبح وإلا باليل

الغرفه مظلمه والساعه تسعه

تسعه اى تسعه والله مدري

بس ادري ان اللي

يتصبح بك

وإلا يتمسابك

ينسى الحزن!!

نسيت حزني والحزن مانساني
كل ماتناسيته نسيت وذكرته

هاه جاء بيت شعر

هههههه

شفتي شلون اجل ابكتب قصيده

وإلا اخليني ساكت احسن وش رايك



تحياااتي شموووووخ

[شموخ نجد]

:thumb:
نسيت حزني والحزن مانساني
كل ماتناسيته نسيت وذكرته



صح لسانك واحساسك
وانا اختك دام فيها نسيان اجل كملها ازين عشان
تنسى الحزن
:sm1::sm1: ابسيتني

لاعاد تعود الحزن ياعاشق

اضحك دايمن :dفلها وربك يحلها
تحياتي لك الله يعطيك العافيه

منيب هينه طلعت منكم يالتماسيح قصيده:mf_tongue: هههههههههههههههههه

[ابو فيصل]

منيب هينه طلعت منكم يالتماسيح قصيده:mf_tongue: هههههههههههههههههه[/quote]



منتيب هينه يا سحليه:mf_tongue: ههههههههههههههههه

[شموخ نجد]

ايام جوال العائله
______________

كانت ايام حلوه الجميع يحدد ارقام
خمسه بس مو زحمه زي الحين وعلى الفاضي

بعدترجي اهلي طلعوا لي جوال العائله ومن الفرحه يوم
دريت قمت جهزة ورقه وقلم خذيت صديقاتي بالدور
المشكله اكثر من خمسه واحترت معهن وش احط وش اخلي
واتصل على اول وحده ماكان عندها الاجوال امها خذيت جوال
امها سجلته بالورقه قمت اتصلت بالثانيه ماعندها جوال ابدا خذيت رقم
تليفونهم الثابت من الذكاء الزايد اتصلت على الثالثه نفس الشي تليفونهم الثابت خخخخخخ
والرابعه والخامسه بعدماعندهم
كان وقتها يوم اربعاء ارسلت الورقه مع اخوي وطلع لي الشريحه خميس جمعه
ماحد قدي اذكر الجهاز كان البصمه حاطته جنب ريمونت التلفزيون مايفرق عنه مرات اغلط ابي اغير القناة
اخذالجوال خخخخخخ جاء يوم السبت كل وقتي افكر بالجوال انزل راسي على الطاوله اسوي نفسي نايمه
واحلم فيه ههههههههه باقي الي البنات الي مااضفتهم بعد لماعرفوا ان عندي جوال واضفت الخمس
ومااضفتهم زعلوا قالوا الحين حنا الي عندنا جوال تركتينا واضفتي التليفونات الثابته ههههههههههههههه
مت ضحك على نفسي ماعرفت اصرف الموضوع وش اسوي لامسجات ولاشي غير ام صديقتي الي اضفتهااستحي ارسل لها وماتعطي صديقتي الجوال الاماندرللضروره
وشكلها مالها بهالاشياء عاد ذيك الايام كانت الرساله اووووووو شي خيالي خصوصا لما يجي جزء من النص مفقودخخخخخخ اجلس ساعات لين توصل
فالاخيرطاح بسبدي عقب الحماس والفرحه قلب صرت بس اقراء النماذج ههههههههه

وبث

[مُخملِيّه]

صباحكم ورد


جيت هنا أقرا هالمواقف الحلوه وأضحك عليها


ضايقه وماني عارفه شسوي

^

^

ماعندي سالفه أدري *_*

[مُخملِيّه]

ايام جوال العائله
______________

كانت ايام حلوه الجميع يحدد ارقام
خمسه بس مو زحمه زي الحين وعلى الفاضي

بعدترجي اهلي طلعوا لي جوال العائله ومن الفرحه يوم
دريت قمت جهزة ورقه وقلم خذيت صديقاتي بالدور
المشكله اكثر من خمسه واحترت معهن وش احط وش اخلي
واتصل على اول وحده ماكان عندها الاجوال امها خذيت جوال
امها سجلته بالورقه قمت اتصلت بالثانيه ماعندها جوال ابدا خذيت رقم
تليفونهم الثابت من الذكاء الزايد اتصلت على الثالثه نفس الشي تليفونهم الثابت خخخخخخ
والرابعه والخامسه بعدماعندهم
كان وقتها يوم اربعاء ارسلت الورقه مع اخوي وطلع لي الشريحه خميس جمعه
ماحد قدي اذكر الجهاز كان البصمه حاطته جنب ريمونت التلفزيون مايفرق عنه مرات اغلط ابي اغير القناة
اخذالجوال خخخخخخ جاء يوم السبت كل وقتي افكر بالجوال انزل راسي على الطاوله اسوي نفسي نايمه
واحلم فيه ههههههههه باقي الي البنات الي مااضفتهم بعد لماعرفوا ان عندي جوال واضفت الخمس
ومااضفتهم زعلوا قالوا الحين حنا الي عندنا جوال تركتينا واضفتي التليفونات الثابته ههههههههههههههه
مت ضحك على نفسي ماعرفت اصرف الموضوع وش اسوي لامسجات ولاشي غير ام صديقتي الي اضفتهااستحي ارسل لها وماتعطي صديقتي الجوال الاماندرللضروره
وشكلها مالها بهالاشياء عاد ذيك الايام كانت الرساله اووووووو شي خيالي خصوصا لما يجي جزء من النص مفقودخخخخخخ اجلس ساعات لين توصل
فالاخيرطاح بسبدي عقب الحماس والفرحه قلب صرت بس اقراء النماذج ههههههههه

وبث


هههههههههههههههههههههه

يازينك ياشموخ


ليتها ترجع هالأيام


ايام جوال العائله

[شموخ نجد]

صباحكم ورد


جيت هنا أقرا هالمواقف الحلوه وأضحك عليها


ضايقه وماني عارفه شسوي

^

^

ماعندي سالفه أدري *_*


صباحك ورد
عطوره وانا جايه دربك دربك
قلت يمكن حاطه موقف
ههههههههه
سلامتك من الضيقه عساك بس نجدي
فليها وربك يحلها
تصيردايم لي بس اغطيها لاذكرت المواقف الحلوه
فتره وتعدي
<<<<<<<<براقلبتيها شات خخخخخ

[مُخملِيّه]

سلامتك من الضيقه عساك بس نجدي
فليها وربك يحلها
تصيردايم لي بس اغطيها لاذكرت المواقف الحلوه
فتره وتعدي



ربي يسلمك إن شاء الله من كل مكروه

شموخ



إنتي كذا :thumb::thumb:


يسلمووووووووووووووووووووووو على تواجدك ياسكر

[شموخ نجد]

نجدي= يعني نجحتي معليش العتب على النظر هههههههههه

يسلموو عطوره

[شموخ نجد]

صباحكم عسل نهاركم قشطه:d

راح ادخل بالموقف بلامقدمات <<<<<ياسمجي بس

صديقتي ماعندها نت :Looking_anim:احسه شي نادر الي ماعنده نت هالوقت خخخخخخ المويهم عطتني قبل فتره
رقمها الجامعي والسجل ومادري شنهي حركات جامعات اخر زمن مالحقنى عليها فاتنا القطار<<<<<اخووووووص متعوب عليها خخخخخ
وتعبت البنت شكلها وملت كل يوم تسال وانا كلما اشيك على الموقع ماطلع شي
جا ذاك اليوم الي فتحت على نتائج المقرارت لقيتها ماشاءالله كلها a+و- حشى رياضيات مهيب نتائج
ههههههههههههههه عاد بالاخير فهمت ان نتائجهم سذا واتصل عليها من صباح الله خيروانا فرحانه ومتحمسه :d:d

وتو الصبح يطلع البنت نايمه الظاهر نغمتها النتيجتو النتيجتو ههههههه من كثرمانشغل بالها مع النتيجه

ردت قلت مبررروك نجحتي كلها حروف -+ البنت انبسطت الظاهراغمي عليها من الفرحه:sm5:
قالت طيب اقراي على المواد الي خذيت فيها الدرجات هذي واقراءها لها

طلعت :nono:طلعت :nono:
























نتائج الفصل الاول موحقت الثاني خخخخخخخ وللحين جالسه القط وجهي من الطيحه القصوى:mf_tongue:

[مُخملِيّه]

ههههههههههههههههههههههه على طاري النتائج حقت الجامعه

أذكر أول مادخلت الجامعه الخلق يشوفون نتايجهم بالنت خلاص وانا أحزن أقوم اروح الجامعه وادور على النتايج خخخخخخخخ الذكاء ذابحني

ياذي الجامعه هجولتني كثير خخخخخخخخ

[شموخ نجد]

ككككككككككااا عطوره تحبين الشقا
الناس تطورت الحين خخخخخخخخخخ
بس اذكرمن يجي طاريها احس بوجع ببطني حتى وانا مادرس متاثره للحين ههههههههههه