،،،، زمـــاااان يا أمـــي ،،،،

[ياعمري]

أنا ودي أقول للناس .. عن الشيمة عن الحسرة
عن الإحساس .. عن العمر اللي ملاه الياس
انا ودي أحاكيهم .. اضحكهم .. ابكيهم
عن الدمعه وليل الخوف .. عن القصة حروف وحروف

تلم القرش فوق القرش .. نبي نشري ثوب وفرش
نبي نجبر خواطرنا .. ورب الكون يسترنا
وتقولي للولد منا : أبيكم للزمان رجال .. أبيكم فارس وخيال
ابي لاصاح فيكم جار .. يبيكم والزمن دوار .. تفزوا له كبار وصغار

وأنا أذكر طفية الفانوس .. وأنا أذكر لذعة الناموس ..
وطعم الرز والمعدوس .. أنا اذكر ذا وأسأل زمان راح وتبدل
وذاك القرص من ايدك .. تعجنينه .. تلمينه .. تخبزينه
وأنا فرحان .. تبدل كل شي فينا ما عاد به شي يكفينا

أنا أذكر شايب مرحوم .. أشوفه مرتكي لليوم
يصيح بنا يعذبنا عيالي ولموا الدلة .. أناظر وافتزع يُمه ..
عطيني البيز يايمه .. تسمي ثم تقو لي .. ترفق لا تطيح يا يمه
وإذا منه قعد راسه تمدد وصابه نعاسه
زعق فيني علامك ما تغطيني
أقول أبشر أحس البرد وأزيده من بطاطيني

وأنا أذكر صيحة العسه .. وجوع الليل مندسه
تبي تدفا على الكانون ولابه حظر أو قانون
ولابه رأفت الهجان ولا حتى هاله سرحان
أنا أذكر موضه القيطان وصوت العنز واللبان
أنا أذكر يوم قالوا عيد وأنا عيدي بزنوبة
وأنا حافظ سورة الاخلاص وأرتل سورة التوبه

الله على زمان ماعرف الدكتور.. زمان القاز والدافور
زمان العجن والتنور،،
زمان لو تعيشونه بكل العمر تشرونه ،،
زمان الفكس والحنا زمان الجرح والونه
زمان لا بكا واحد تشوف الكون في واحد
تحس ألآه في واحد وان الدار به واحد
زمان التضحيه شيمه .. وقول الصدق له قيمه
لا غيبه ولا نميمة .. وعيون الناس تسليمه ونفرح لابدت غيمه .






تحياتي لكم










ياعمــري

[الاحنف]

مساء الخير وتحية طيبة للام ، لك ، للشاعر الكبير ثامر الميمان

من أجمل ما حاكى وناجى الام وحاورها بصمت العاشق والابن البار

زمان لو تعيشونه ، بكل العمر تشرونه

كان بيت القصيد والرسالة الخاصة

كل الشكر لك على هذا النقل والاختيار المميز

[المستشار العاطفي]

( يا عمري )

يعطيك العافية على هذه الرائعة

والتي تنم عن ذائقة رائعة لديك

تقبل مني التحية والتقدير والاحترام

[غربَه وٍترحاَلْ]

يكفي الشخص الي كتبته فيه ..

اعجبني احساسك ..

الف شكر اخوي

[ياعمري]

الشاعر القدير : الاحنف



الف شكر على المرور العذب



لا حرمني الله من تواصلك المتألق


لك مني كل التقدير و الود











حبيب البي : المستشار العاطفي




الف شكر على مرورك و ذوقك الراقي و اطراءك العذب


اسعدني تواصلك و تواجدك المتألق


لك مني كل التقدير و الاحترام












حبيب البي : فيصل النايف



ورب البيت لك وحشه ياوحش
وين هالغيبه يامجرررم
منور موضوعي حبيب البي




الف شكر عزيزتي على تلك الكلمات الراقية


اسعدني كثيرا مرورك و تصفحك كلماتي

لا حرمني الله من تواصلك و تألقك بيننا



لك مني كل التقدير و الاحترام
















ياعمري

[شموخ نجد]

يسلمك ربي ياعمري
على النقل الرائع
واختيارك الاجمل
مشكورالله يعطيك العافيه
لاهنت

[ياعمري]

شموخ نجد




الف شكر على المرور الرقيق و الاطراء العذب

اسعدني تواصلك الذي اضاء حروفي الشاجية


لك مني كل الود و التقدير




ياعمري