عبدالله بن مرضي الودعاني
05-03-2008, 05:45PM
اخواني واخواتي الكرام اعتذر عن الانقطاع عنكم والذي كان لضرف صحي والحمد لله وبعودتي اهدي لكم هذه الابيات عسى ان تنال اعجابكم
يازين ياللي شوفك لهمـي اعـلاج=وما غيره لضيقات صـدري علاجـي
ياجوي الهـادي اذا جانـي ازعـاج=وبعد الله ملجاً لي يعادل ملاجي
ما اخفي عليك اني لشوفتك محتـاج=ومن الصعب ما احتاج لطبيبة مزاجي
رغم ان طيبك زوده اصبح لي احراج=وتقصيري بحققك يزيـد انحراجـي
لااشتقت لك شوقي لك يجيله اخـلاج=اصبحت احاتي الاشتيـاق المفاجـي
حبك بنا له ناطحة سحـب وابـراج=في موقع في الروح ثابـت ولاجـي
وبعدك بيطي الحب في القلب مـاداج=وببيع قاعدتـه بسـوق الحراجـي
يامهرة ما هيب مـن خيـل الانتـاج=من خيل شيخ في العلا لـه مداجـي
لبس البنات نجوم وانتي لك التـاج=لامن حضرتي ما حد لبـس تاجـي
وشعاع وجهك كنه الصبح لا انبـاج=خالط بياضه مثـل لمـع الزجاجـي
يوضي شعاعـه دايـم لـه توهـاج=وحاضنه شعر كأنـه الليـل داجـي
الله خلق لك عين ورموش وحجـاج=وسحري مكانه تحت ذاك الحجاجـي
اشوف وسط عيونك بحور وامـواج=لامدت برعـب أجـزرت بأبتهاجـي
وان سلهمت جاني ذهـول وتبنـاج=ما أقول شئ غيـر يالله الخراجـي
وخلاصة الموضوع ماعـاد يحتـاج=متى يريد الله اقـدر اجيـك وأجـي
ابيك في ليل الزهق نـور وسـراج=حلمي بك اكبر من دواعي الزواجـي
ورجاي في المولى يسرع بالافـراج=وغير الله المعبـود مانـي براجـي
الشاعر عبدالله بن مرضي الودعاني
لكم الود والورد من اخيكم ابوطلال
يازين ياللي شوفك لهمـي اعـلاج=وما غيره لضيقات صـدري علاجـي
ياجوي الهـادي اذا جانـي ازعـاج=وبعد الله ملجاً لي يعادل ملاجي
ما اخفي عليك اني لشوفتك محتـاج=ومن الصعب ما احتاج لطبيبة مزاجي
رغم ان طيبك زوده اصبح لي احراج=وتقصيري بحققك يزيـد انحراجـي
لااشتقت لك شوقي لك يجيله اخـلاج=اصبحت احاتي الاشتيـاق المفاجـي
حبك بنا له ناطحة سحـب وابـراج=في موقع في الروح ثابـت ولاجـي
وبعدك بيطي الحب في القلب مـاداج=وببيع قاعدتـه بسـوق الحراجـي
يامهرة ما هيب مـن خيـل الانتـاج=من خيل شيخ في العلا لـه مداجـي
لبس البنات نجوم وانتي لك التـاج=لامن حضرتي ما حد لبـس تاجـي
وشعاع وجهك كنه الصبح لا انبـاج=خالط بياضه مثـل لمـع الزجاجـي
يوضي شعاعـه دايـم لـه توهـاج=وحاضنه شعر كأنـه الليـل داجـي
الله خلق لك عين ورموش وحجـاج=وسحري مكانه تحت ذاك الحجاجـي
اشوف وسط عيونك بحور وامـواج=لامدت برعـب أجـزرت بأبتهاجـي
وان سلهمت جاني ذهـول وتبنـاج=ما أقول شئ غيـر يالله الخراجـي
وخلاصة الموضوع ماعـاد يحتـاج=متى يريد الله اقـدر اجيـك وأجـي
ابيك في ليل الزهق نـور وسـراج=حلمي بك اكبر من دواعي الزواجـي
ورجاي في المولى يسرع بالافـراج=وغير الله المعبـود مانـي براجـي
الشاعر عبدالله بن مرضي الودعاني
لكم الود والورد من اخيكم ابوطلال