الأمير
04-23-2008, 06:38PM
أدري
من زمان
هالكلام كان
مافي هالدنيا أمان
لاصديق مخلص ولاأنسان
ماهمنـي
زمـانــــــي
جمع بعض اوراقـي
جروح افراح احزان قــهــر
احرقها احساس وروح ا نتصار
شامخ راسي ماينحني لغير ربي الله الملك الجبار
الله من قلب ٍ رمع فيه رماع =وأخلف يمومه عن طريق التسانيع
هجس ٍ رمع ماله عن القلب فراع = دايم بغاراته يشن المفازيع
مركز بنوده بين محني الأضلاع= ليا ناموا العربان سوى مشاريع
يشري بقلبي كل ليلٍ ويبتاع =وله الجوراح خاضعات ٍ مطاويع
أسباب ورق ٍ بالتغاريد سجاع = طرب على روس العياد النعانيع
ورق غناه من النياحه به أنواع = صوته يزيد ملوع القلب تلويع
ياطير كف غناك مال الطرب داع = ياشين مالك في عذابي منافيع
إن شفت من قلبه جزوع ومولاع = على النياحه لاتوريه تشجيع
أسهرت عيني والمخاليق هجاع = وذكرتني خل ٍ بعيد المرابيع
راعي جديل ٍ فوق متنه إليا إنداع = كنه شليل اللي تتل المصاريع
ليا جا نهار ٍ فيه صايح وفزاع = والخيل بأطراف الجهامه شواريع
يوم ٍ مثل يوم الرحى عجه أمزاع = نهار أخو نوضا يفك المجاميع
مخلي سروج الخيل من كل صعصاع = عقايره سرد الرمك والمداريع
كم راس شيخ ٍ دق به روبة القاع = وخلي عشاً لذياب نجد المجاويع
يدلي بهندي ٍ للأرقاب قطاع = في روس ضده غاديله لعا ليع
شيف شقير ويامره قلب وذراع= ضربه يطوع مخطي الراي تطويع
يومه على ضده مخاييله أتباع= نهار يفرق شملهم عقب تجميع
غيمه عجاج الخيل غاره ومرجاع = وشمسه بواريق السيوف اللواميع
يشيب منه اللي على الديد رضاع= يوم العذارى من ذهلهن مفاريع
لا والله ألا صاحبي شد نجاع = من دون خلي يهرع الذيب ويريع
عن أتحذى العلم مع كل ذعذاع = أنشد ولاعينت للعلم تسنيع
أتلى العهد به يوم مظهورهم زاع= جلع ضعنهم طلعة الشمس تجليع
بدوٍ يبون بغربي النفد مرباع = ولهم على أطراف الصداوي مراميع
راحوا بعد حطو على الكبد مرقاع= وعسى لهم من عقب الإقفا مراجيع
ليا من نبت الصيف جاله تمرياع= وأضفى على روس العبال المصاليع
ليا حف زملوق الطواليع وإنصاع = وأقفا خضار النبت حتى الطواليع
والأرض صفرا عودها والثرى ضاع = وإستبدلت عقب الخضار البلاقيع
وجونا تباريهم زهازيم الأقطاع = كنه يقلطهم عقيد الطماميع
أقفا الربيع وعودوا للشفا أرياع = لعلو نجد اللي هبوبه ذعاذيع
ليا من نبت الصيف جاله تمرياع = وأضفي على هاك العبال المصاليع
اللي طويل عدودها عشرة ابواع = وأقذالها مثل الطيور المواقيع
يزمي بها طافح سراب ٍ ليا ماع= كنه من القصدير ياخذ تلاميع
دار بها تركي ومحسن وهزاع= من حبها مال الثلاثه مناجيع
ماكفت البره وجزعا وجزاع = وأجنب جنوب إليا القهب والمجاضيع
ولهم على منثورة العرق مرماع = هاك النفود اللي غضاها مهانيع
أذني أضرب للغظي درب الأسناع= وأشوف زوله عقب صد وتمانيع
ومن غير شوف العين مانيب طماع = ليا حصل لو هو سلام ٍ وتوديع
شعر عبد الله بن عون
من زمان
هالكلام كان
مافي هالدنيا أمان
لاصديق مخلص ولاأنسان
ماهمنـي
زمـانــــــي
جمع بعض اوراقـي
جروح افراح احزان قــهــر
احرقها احساس وروح ا نتصار
شامخ راسي ماينحني لغير ربي الله الملك الجبار
الله من قلب ٍ رمع فيه رماع =وأخلف يمومه عن طريق التسانيع
هجس ٍ رمع ماله عن القلب فراع = دايم بغاراته يشن المفازيع
مركز بنوده بين محني الأضلاع= ليا ناموا العربان سوى مشاريع
يشري بقلبي كل ليلٍ ويبتاع =وله الجوراح خاضعات ٍ مطاويع
أسباب ورق ٍ بالتغاريد سجاع = طرب على روس العياد النعانيع
ورق غناه من النياحه به أنواع = صوته يزيد ملوع القلب تلويع
ياطير كف غناك مال الطرب داع = ياشين مالك في عذابي منافيع
إن شفت من قلبه جزوع ومولاع = على النياحه لاتوريه تشجيع
أسهرت عيني والمخاليق هجاع = وذكرتني خل ٍ بعيد المرابيع
راعي جديل ٍ فوق متنه إليا إنداع = كنه شليل اللي تتل المصاريع
ليا جا نهار ٍ فيه صايح وفزاع = والخيل بأطراف الجهامه شواريع
يوم ٍ مثل يوم الرحى عجه أمزاع = نهار أخو نوضا يفك المجاميع
مخلي سروج الخيل من كل صعصاع = عقايره سرد الرمك والمداريع
كم راس شيخ ٍ دق به روبة القاع = وخلي عشاً لذياب نجد المجاويع
يدلي بهندي ٍ للأرقاب قطاع = في روس ضده غاديله لعا ليع
شيف شقير ويامره قلب وذراع= ضربه يطوع مخطي الراي تطويع
يومه على ضده مخاييله أتباع= نهار يفرق شملهم عقب تجميع
غيمه عجاج الخيل غاره ومرجاع = وشمسه بواريق السيوف اللواميع
يشيب منه اللي على الديد رضاع= يوم العذارى من ذهلهن مفاريع
لا والله ألا صاحبي شد نجاع = من دون خلي يهرع الذيب ويريع
عن أتحذى العلم مع كل ذعذاع = أنشد ولاعينت للعلم تسنيع
أتلى العهد به يوم مظهورهم زاع= جلع ضعنهم طلعة الشمس تجليع
بدوٍ يبون بغربي النفد مرباع = ولهم على أطراف الصداوي مراميع
راحوا بعد حطو على الكبد مرقاع= وعسى لهم من عقب الإقفا مراجيع
ليا من نبت الصيف جاله تمرياع= وأضفى على روس العبال المصاليع
ليا حف زملوق الطواليع وإنصاع = وأقفا خضار النبت حتى الطواليع
والأرض صفرا عودها والثرى ضاع = وإستبدلت عقب الخضار البلاقيع
وجونا تباريهم زهازيم الأقطاع = كنه يقلطهم عقيد الطماميع
أقفا الربيع وعودوا للشفا أرياع = لعلو نجد اللي هبوبه ذعاذيع
ليا من نبت الصيف جاله تمرياع = وأضفي على هاك العبال المصاليع
اللي طويل عدودها عشرة ابواع = وأقذالها مثل الطيور المواقيع
يزمي بها طافح سراب ٍ ليا ماع= كنه من القصدير ياخذ تلاميع
دار بها تركي ومحسن وهزاع= من حبها مال الثلاثه مناجيع
ماكفت البره وجزعا وجزاع = وأجنب جنوب إليا القهب والمجاضيع
ولهم على منثورة العرق مرماع = هاك النفود اللي غضاها مهانيع
أذني أضرب للغظي درب الأسناع= وأشوف زوله عقب صد وتمانيع
ومن غير شوف العين مانيب طماع = ليا حصل لو هو سلام ٍ وتوديع
شعر عبد الله بن عون