مـــآســـي الــــروح

[شموخ نجد]

بسم الله الرحمن الرحيم




تعبت أشكي ،، تعبت أبكي تعبت أحكي مآسي الروح

قتلني الوقت بصروفه ،، ذبحني وجفف أنهاري

أخبي علتي واسكت ،، و أنا في داخلي مذبوح

أجامل وارسم الضحكه و أنا قلبي على ناري

أحاول والله يعلم بي أداري دمعتي لا أبوح

أداري الجرح واتجاهل عن اللي ينشد عن أخباري

أقول بخير لكني جريح وفي حشاي جروح

صداها لو دفنته يوم ،، يبين سنين بأنطاري

صرخت بحسرتي يكفي،، صرخت بصوتي المبحوح

ألا يا وقت وش ذنبي عشان ألفيك باعذاري

تبعثر حلمي قدامي ،، وغديت بدنيتي منزوح

وقفت ولا قدرت أجمع مغير مشتته أفكاري

أمني النفس و أخدعها و أقول ان كربتي بتروح

وهي والله مولوده قدر،، فأرحام أقداري

قتيل والبقا براسي في دنيا ما بها مصلوح

قتيل والقهر قاتل من اللي ياخذ بثاري

أنا ببقى ضحية وقت ،، أعاني والعنا مجروح

دعيت اللي خلق يرحم رجيته ربي الباري

أبي أسعد أنا بلحظه قبل نزعة توافي الروح

قبل ما أرحل عن الدنيا و أروح لآخر دياري

أنا بحمل صديد الجرح في باقي وقتي المسموح

و إذا وافتني القدره ترى هالبيت تذكاري

رثاني دمعي الطاهر في صمته ما رضا بالنوح

رثتني قسوة الدنيا ،، ورثتني حتى أشعاري

وجزت الليل ذبح قلبي وعشته بالخفا مشروح

لاجل ما أضعف بعين اللي نشدني كيفها أخباري

م-ن

[المستشار العاطفي]

شمووووخ نجد

نص رائع بتعابيره ودلالة معانية

يعطيك العافية على هذا النص
تقبلي مني التحية والتقدير والاحترام

[شموخ نجد]

اسعدني تواجدك الرائع
المستشار مشكورالله
يعطيك العافيه
دمت بحفظ الله

[تَحيّة مَلآئِكيَة]

....+

ذَآئِقَة جَمِيلَة كَـ . " أنتِ " .. :) ..~
طآبَتْ لَيآلِيكِ .. :r: ..~

....+

[نبض قلبـ]

كلمات رااائعه


شموخ انت شموخ


كلماات دخلت العمق