خلك معي

[الأمير]

خلك معي دايم وأنا أكون مبسوط ..... لا تغيب عني يوم ويضيق صدري

قلبي وهب لك صادق الحب مصفوط ..... والأعلى غيرك من الناس بدري

مدري وش اللي بالهوى شاطني شوط ..... والا ترى قلبي من الحب حذري

طبعي هواوي لكن اليوم مضبوط ..... صار الوفا في دمي اليوم يسري

حبك غزاني دون تحذير وشروط ..... وأُر على طابع سلوكي وفكري

صوتك وهمسك والحلى فيك مفروط ..... ولا صرت أنا مجنون حبك بعذري

شعر سعود العبدالله

[الأمير]

قالوا تحبه



قالوا تحبه قلت مــا هو بالحيل

بس انه أغلا شوي من نور عيني

يسوى جميع الجيل الأول وهالجيل

واحبابي المــــاضين والمقبلين

شوقي له أعظم من ظمى الأرض للسيل

واشفق عليــه أكثر من أم الجنيني

واحتاج له حاجة ثرى مصر للنيل

وعليه أغـــار أكثر من الوالدين

أشتــاق له شوق المحبين لليل

وارتــاح له راحت دموع الحزين

لا صار جنبي لو سنه وقتي بخيل

ولو غاب لو لحظة صارت سنيني

قـالوا يحبك قلت هذا هو الويل

مــا ودي أنشد ثم رفضه يجيني

واهدم رجاي بدبرتي مثل ما قيل

والأفضل أحيــا بالأمل لو لحيني

يــا حبكم يا ناس للقال والقيلي

الله يجازي . . جملة العــاذليني

خلوني أحيا في الوهم يالعواذيل

وش دخلكم والأمر بينــه وبيني

شعر سعود بن بندر رحمه الله تعالى

[الأمير]

خلك معي لا صير جسم بلا روح

خلك معي حتى أني اشعر (براحه)

شوفك يعزيني ولي فيه مصلوح

وتصير دنيانا علينا (براحه)

وان غبت ون القلب واتبعته الروح

وصفقت بالكفين راحه (براحه)
شعر الامير محمد بن احمد السديري رحمه الله تعالى

[رياض الهديرس]

الامير

نقل جميل وقصائد من شعراء لهم نظرتهم

شكرا لك امتعتنا


مودتي

[شموخ نجد]

الامير مشكور
على الاختيارالمميز قصايد
قمة بالجمال
ننتظرمنك المزيد بشوق
دمت بحفظ الله

[الأمير]

العفو