ودنا بالطيب

[نادر]

ودنـا بالطيب بس الدهر جحاد iiطيب

كـل ما تخلص مع الناس كنك iiتغشها

يـدك لامدت وفاء لاتحرى وش iiتجيب

كـان جـاتك سالمه حب يدك iiوخشها

كـل مـاشبيت نار المحبه مع iiحبيب

قـام يـسحل فـي مشاهيبها iiويرشها

وكل ما واجهت لك فالزمن وجه غريب

مـثل مـاقال المثل دام تمشي iiمشها

وذمـةٍ مـاهيب تندار للحق iiالمصيب

جـعل قشاش الحطب لاسرح iiيقتشها

[ليل]

تسلم على روعة الانتقاء ..ورائع والله يعطيك الف عافيه..

[رهب]

صح لسانك النادر
قصيده جميله..
والطيب ينتعب عليه واجد .
ومن ادرك شي يستاهله
تحياتي لك .

[شموخ نجد]

صح لسانك النادر

والله يديم الطيبين
شي نادربهالزمن
مشكورلاتحرمنا قادمك
ننتظره بشوق
دمت بحفظ الله

[رياض الهديرس]

وذمة ماهيب تندار للحق المصيب


جعل قشاش الحطب لاسرح يقتشها



نادر من اروع صائد ابن جدلان



مودتي لك

[يفوق الوصف]

يعطيك العافية اخوي نادر


ولكن للاسف اخوي مكرر هالموضوع

تقبل مروري

[نادر]

صح الله نباك وهيبتك رهب عز الله انك ترحبين وتكرمين الضيفان لانك بنت اصيله من فارس مشهود له بالخير واهنيك

بالشي هذا وترهبين العدو وتقعدين الجبان من منامه يابنت الشيوخ الاصيله اصيله الحق ينقال واللي

خلقني انك بنت اصيله والله ماقول الكلام من فراغ او اني ادور شرهه او شهره او مصلحه والطيب ينشهد له لو بعد

حين ولاقدر اقول غير الله يرحم اهل الطيب ويسكنهم الجنه ويكافئهم بما عملو وصبرو ومن عمل طيب لو جه لله مايضيع لابد

يجي يوم ويلقاه ان مالقاه بالدنيا يلقاه عند الله حتى انه ماينسي طيبه لان الاصيل يبقى اصيل وشهود الله بأرضه ازرع طيب تحصل طيب ازرع بصل تحصل بصل... ـــــــــــــــــــــ

الشيله هذي طبعا معروفه في احد القنوات الفضائيه وهي قناه الصحراء ومعروف شاعرها ومن طيبها واعجابي بها

قطفتها وزرعتها في بستانكم الجميل ايضا لاني ماعرف انقلها صوتي اختصرت الف تحيه شوق ولهفه وود ووئام لكم

مقدر مروركم الكريم.. وسلامتكم

[العنود الشيباني]

يسلم احساسك

وصح لسان شاعرها

تسلم اخوي نادر

على روعة ماجلبت

وفي إنتظار المزيد من المشاركات

تحياتي لك اخوي

[نادر]

تسلمين على مرورك الكريم لاهنتي تشرفت فيكم

[بـدر الشمال]

صح لسان بن جدلان

ويعطيك العافيه.