اكتب حسب مايطلب العضو اللي قبلك

[عواد العنزي]

السلام عليكم ورحمة الله وبركاته/

الموضوع اكتب مايطلب منك العضو اللي قبلك لكم تحياتي

ونرجو التثبيت /عن الكذب/
[size] /




الله لعن الكـاذب لـو كـان مـازح=كيف الي يكذب ويقدرونه بعض ناس
وين الشيم ياصاح وبعض الملامـح=صار المجامل موضةٍ وقلّت احساس


[size=5]الوفاء

[بركان بن رجا]

السلام عليكم ورحمة الله وبركاته/

الموضوع اكتب مايطلب منك العضو اللي قبلك لكم تحياتي

ونرجو التثبيت /عن الكذب/
[size] /




الله لعن الكـاذب لـو كـان مـازح=كيف الي يكذب ويقدرونه بعض ناس
وين الشيم ياصاح وبعض الملامـح=صار المجامل موضةٍ وقلّت احساس


[size=5]الوفاء


الاخ عواد اللعن هو الطرد من رحمة الله

واتمنى منك ايراد نص او حديث يثبت لعن الكاذب

والكذب من علامات المنافق (اذا حدث كذب )

وايضا يوجد اختلال فى هذا الشطر

كيف اللي يكذب ويقدرونه بعض ناس


وهذا البيت عن الوفاء كما طلبت



لا نويت أكتب بغيرك عيت حروفى تخون = شفت وشلون القوافى تعشقك وتخونها




ب/ر

اللى بعدى

الشجاعه

[رهب]

للتثبيت

[خلف الشلهوب]

انا من لاخطى الخطوه خطا وخطاه منتظمه=مشيت الخطوه بخطوه وانا واثق بخطواتي

هنا شفني هنا دامي اشوف الناس ملتمة=واكون هناك في لحظة يكون اللي هنا شتاتي

[رهب]

ايه احبك واعترافي لك كفايه = نبض قلبي وانشغالي بك دليل
الصدفه اللي بيننا كانت بدايه= صدق الشعور وروعة الحب النبيل

[رهب]

الرجاء من الجميع الكتابه بنفس الطريقه وانا برتب الاخوان اللي قبلي
وتحذف اي مشاركه خارجه عن المطلوب اذا امكن..؟
اسفه اخوي خلف ممكن خربت اللي كتبته..
بس ان كنت تعرف ترتبه احسن سوه ابيه مرتب ونفس الطريقه والالوان ممكن؟
وكذالك الاخوان الباقين لا هنتو ..؟
تحياتي لكم
اللي بعدي يكتب عن (الكذب)
رهب

[شموخ نجد]

سألت الكذب عن عذرك وأكيد إنه شهد لك زور
عذرتك كان تجرحني بشكوى تشبـه سكاتـي


أنا ما أبيك تسمعني وتجبر خاطري المكسـور
ولكن كنت أبي أبقى معـاك بكـل حالاتـي !!


يسلمو على الموضوع الرائع
الي بعدي
الندم

[خلف الشلهوب]

مااندم على مافات ولاهمني الجاي
ولا ارتكب في حق نفسي جنايه

الراي حـــر بظل حـــرية الراي

وكلٍ يعبر عن شعوره بـــرايه







((الوفاء))

للي بعدي

[رهب]

ماني مشاركه خلاص زعلت من شموخ وخلف:nono:

[شموخ نجد]

افا ليش

ههههههههه الله لايجيب الزعل بينك وبيني

معليش

لايكون جبت العيد صح اني شويعره بس حالات مودايم
تحياتي لكم ههههههههه

[العنزي]

السلام عليكم ورحمة الله وبركاته

هذه اول مشاركة لي واتمنى ان تكون مرضية لكم




انا جربت الخيانة بس ما اكون خاين

طول عمري وفي حتى لعدويي






تقبلوا خالص تحياتي

اللي بعدي يكتب عن

(( التــــواضــــع ))

للأسف يارهب

ما اعرف انسق النص

[شموخ نجد]

وانا اسفه يا رهب معليش <<<<'طعسه مبتدئه بالنت لاتواخذينها
<<<<مناك بس هههههه

يسلمو الي قبلي هذا البيت عن التواضع اتمنى ينال اعجابكم

بين الكبر واقصـى التواضـع مسافـة
نفـس المسافـة بيـن صـادق وكــذّاب
والظـلـم يٌـورِثـك الـنّــدم والحـسـافـة
ويزيـد غبنـك لنظـلـم بـيـدك أقــراب
وأقصـى الكـرم ماهـو بكثـر الكلافـة
حي الكريم وحـي وجهـه ومـا جـاب
الي بعدي عن

الشجاعه

[العنزي]

الشجاعه قد كتب عنها الشاعر خلف الشلهوب

وكفى ووفى شوفي موضوع ثاني

تحياتي

[بركان بن رجا]

شموخى عزتى أنتى واذا يرضيك انا غلطان = ولو انى اعرف انك أصيله دوم ترضينى



اممممممممم


اللى بعدى


بوهقه


اكتب عن (( ومن الحب ماقتل ))

[العنزي]

العيون سحرتني وسوتلي مصيبة

ماتعبرني ابد وانا فيني امل

تقول انت مهبول وعاداتك غريبة

اقول شسوي ومن الحب ماقتل






اللي بعدي يكتب عن

(( الحقد )]

[محمد الروقي]

يقول ابن هذال بإن الحقد ياكل صاحبه = واقول بأن الحقد شيمة كل مسكين وضعيف


اللي بعدي يكتب عن امممم :)


عن حسن وسوء الظن

[عواد العنزي]

لالا تسيئ الضن بنسان غايب=الظن ولا الشك مايغوي بليس
كم واحدآ تبليه شكوكه بمصايب=ولاتنخذل ياصاح في مكر كل هيس
الوفاء

[رهب]

رراعى وفا وخابْ منهو يهدّك = الطيب ماينّهد وساسه زمانك

حاولت أفصّل بالشعر بيت قدّك = دوّرت قدّك مير ياكبر شانك ..

( القهر )

[اسماعيل العقيل]

الأاخ عواد العنزي

والأخت رهب

والأخ خلف الشلهوب

وكل الحضور الكرام أتشرف بمشاركتم الأخويةوالتعاون معكم وكسب
المعرفه منك



الله على قهر الليالي ذبحتني =لاشفت أنا عيال الحمايل بها قهر


::
::
اسماعيل العقيل

والكلمة
/
\
/
الـــغدر






















.

[مستمع]

القهر الله يكفنا شر القهر
ولا يجعلنا وياكم من المقهورين !!

القهر لا زاد بصدور العباد
ثورة البركان يقذفها حمم

القهر بارود والصبر الزناد
ثورة المقهور تدفعها امم

لاجفاه النوم وعيّاه السهاد
ونتهابه قول استجد الههم

مشكوره يارهب على القهر

لكن نبي عن الحب/ الحب

لعنبو الحب

[مستمع]

المستمع يتكلم احياناً ..

اسماعيل العقيل

ابرد عليك لوني مستمع عايف الكلام

لكن مايكون خاطرك إلا طيب

الغدر

الغدر معروف لعيال الحرام
ارذل المخلوق من طبعه غدر

شيمة الجبان حب الانتقام
وطعنة الجبان دايم بالظهر

ولا اتنازل عن الحب / الحب

انا رجّال مبتلى بالحب احب

اكتبو عن الحب .. الحب وبس هههههههه

تحياتي

[اسماعيل العقيل]

الحب آآه الحب لوعه وحرمان=الله يعين اللي حبيبه يصده
إن كان صافي والنقى فيه عنوان=لازم حبيبك لوعتك به ترده
وإن كان زايف خله يروح يافلان=ومن صار ضدك لازم تصير ضده

اسماعيل العقيل

الــهجر

::

::

[رهب]

خنت فينى كل ذكرى ..
كان همك بس تهجر ..
كان بك غافي الحنين ..
كان ماودك تجيني..
وادري ان الوقت هذا
كان لابد ويحين ..!!
بس جابك شئ ماله ..
ابصراحه أي داعي
جابك الشوق اللي وده
ينزع ادموعي وفا
جابك الضعف اللي ضنه
مرني ضعفي ولفا
كنت ادري .. كنت ادري ..
كنت اقف جنب داري ..
وادري انك صرت عاري ما تداري

حلم

[محمد الشملان]

جيت بـ منامي ، و اللقا طيفٍ بـ حلم
وفتحت عيني .. أسأل القوم : وينك ؟!
من شوقي .. ضاع الحلم والقلب يعلم :
يا النيّه إرباكي ، أو الكيّه .... شينك !!




فلسفة حِكمة ؟!

[عواد العنزي]

الحلم ترجع لنا المعاني الاصيله=ونشوف الشيم ياصاح في كل ديره
ويكون للكلمه مبادي وعلومٍ جزيله=هاذي سلوم الطيب في كل سيره


الامانه

[العنزي]

الليل اصبح والصبح اظلم

فلسفة شاعر يجيد التوقع

فلسفتي حكمه والكل يعلم

ماني خبل لكن مصرقع


اللي بعدي يكتب عن

(( القناعة ))

[عواد العنزي]

القناعه ياجماعه راس مالي من الرصيد=والقناعه كنزماتوصف رباعه
في نفس انسان والعلم الحميد=والقليل كثير في نظره من اطباعه
والجود من الماجود والراي السديد=وطاعة الخالق احسن من كل طاعه


الخيـــــــــــــــانه

[رهب]

تطغي مــلامح طيبتي في مـحـياي......والطــيب في بعـض المواقف غباوه

بيت اعجبني


اللي عقب يكتب عن الجهل

[ليل]

ان الجهل ضلام دامس يربطنا كربط الحبل
يقسوا على كل امي فيضله تحت الظل
ان الامة تعاني الجهل فكن بينك و بينه عزل
تطاول علينا في حياتنا وطوله عالي كالنخل


اللي بعدي يكتب عن القسوه

[سلطان الرجـــا]

طبعي جهلني بقسوتي وأختلافي = لا صرت أعاتب من أحبه وأغليه



الجنون

[عادل مطلق الخالد]

الجنون اني أحبك حب كله في جنون=يعني انسى حتى اسمي لاذكر اسمك علي
يعني انسى اني عادل غير غمض بالعيون=وتذكر منهو انا كيف انا منهم هلي



الصبر

[صالح الضويحي]

الـصــبـــر




من مـهــاد النور الأول .. للــقـــبـــر
والمسافـة .. هــم .. وطعون .. وتــــعـــــــب







وكل مــازاد الـتـعـب زدنــا.. صــــــبـــــر
لـو .. أمـــانــيــنـــا بــهــا .. " القارب" لــعـب




الأحساس

[بركان بن رجا]

تجع احساسى بكلمه وتنثر أحساس الجنون

نبض قلبى وكل نبضه تستسيغ جنونها






المخدرات

[صالح الضويحي]

________________________________________

[سلطان الرجـــا]

الله لايهينكم



.
.

[عواد العنزي]

انا تخدر خافقي من اريش العين=اللي غلاها في خفوقي تعلا
لااقدر على فرقاه قيدني سجين=مدري جفانا ولا علينا يتغلا



الاخلاص

[اسماعيل العقيل]

ما ينبني حب ٍ على غير الإخلاص =إخلص وساس الحب لا منك أخلصت


الطـيب

/

/

\

[عواد العنزي]

وين الوفا والحب يازين الحساس=حناوفينا مير وين الي يوفون
لا تصدق يخونك من معدنه ماس=بلاك الي يعاهدون ويخونون

[سلطان الرجـــا]

وين الوفا والحب يازين الحساس=حناوفينا مير وين الي يوفون
لا تصدق يخونك من معدنه ماس=بلاك الي يعاهدون ويخونون

صح لسانك

ولاهنت
بس
ما كتبت موضوع للي بعدك يكتب عنه


بأنتظارك


وبانتظار الموضوع

[عواد العنزي]

ليت الهجر يكفي لاهاجر بعيد=وليت الجرح يشفا ويوصفله طبيب
لارح قلبك من الصدرالعمر شيفيد=نهايه كاتبه ربك لاغرابه ولاعجيب
h



المشــــــــــــــــــــــــــاعر

[فارس الحرف]

الـم // شـاعر ..


مفرده من كلمتين ..

تعني الحزن الدفين ..


في فضاءات المشاعر !!




للي بعدي

الايمان

[عواد العنزي]

امنت وستئمنت بااللي خلقني =الخالق العالم وماتخفيه الصدور
يارب ارحمنا ومن الخطايا اعفني=ياعالمٍ بالقيب وماحوله يدور















الامانـــــــــــــــــــــــــــه

[بركان بن رجا]

لاترخص الدنيا وخلك علي أصول = خل الامانه دوم دربك وممشاك

ب/ر



الصحه

[عواد العنزي]

الصحه هي النصح وطيب النوايا=والصدق والمعروف وفروضك الخمس
والحق قوله والخطايا خطايا=ريح ضميرك ولا تجامل هل الهمس



عن الضيف

[سيف سلطان]

الضــيـــــف



بالشرع له ..ليله.. بليله ..بليله = هذا على أية حال بالدين يافلان
وفي وقتنا الحالي تراهي ثقيله = وابديت رأيي.. كان ماكنت غلطان





الموضوع اللي بعده الوقت ومفارقاته




.



.

[نآصر بن حسين]

/
\


تهاجر والفؤاد ابداخلي تتسابق إطبوله
ــــــــــ نويت إبهجرتك تنبش ( قبور الهم ) تأذيني !

كذا تتركني إبدرب العنا يآحيف وشو له ؟
ــــــــــ بدونك إسمعه صوت الثواني تكِ تكِ تكويني

تنادي هالاماكن للفرح ياشوقي إلزوله
ــــــــــ يتيم إبغربتي .. طول الليالي .. من يسليني



( الفقد )

[سلطان الرجـــا]

كانك تبيني تعرف الدرب يا زين
. . . . . . . والعمر يمشي والسنين محسوبه

سلطان الرجــا


.


.

الموضوع القادم
(الرحيل)

.
.

[نوت]

الرحيل
ليتك تختفي من حياتي من كياني ليتك
ليتك تاخذ معك كل ألم وجراح ليتك
ليتك سراب ولاتحققت واقع بحياتي ليتك
ليتك تختار الرحيل وتروح ليتك
واطلب عن قصيدة عن الخيل

[عواد العنزي]

الخيل ياهل الخيل وين الاصايل=لاانصاب خياله تفتل حواليه











الصراحه

[سلطان الرجـــا]

الخيل فجر ٍ من فتوحات وأبطال = والليل دمعات و تراتيل عباد
واليوم مابه خيل أو حيل برجال = والليل أصبح للمحبين ميعاد



رديت قبلي يا عوااااد على العموم مانختلف
مثل ماتبي مع أننا وصلنا للخيل وما ادراك ما الخيل لكن مثل ماتبي
الموضوع :


(الصراحــــــــــه)



.


.



همسه .........
شكرا ً نوووت على هذا الرقي


.


.

[نوت]

ان شكيت من الهوى قالوا فضيحه
وان سكت استنقضوا جرحى عليه
شكرالكم
والمطلب التالى
((القهوة))

[شموخ نجد]

القهوه ونسيم الصباح الرايق
يعدل المزاج ويشفي العله

الي بعدي
((الغروب))

[فالح الفرهودي]

الغروب الي يسمونه غروب @@ هو خروج الليل من بعد الصباح
جبت بيتي جامعٍ كل الدروب @@ ياشموخ العز هيا للفلاح

الي قبلي عن " الفراق "

[شموخ نجد]

فراق الغالي ومفارق الغدار
متخالفين المسمى والطبع واحد
الي بعدي
((الشتاء))

[خليل العجاج]

الشتاء لامن ضحكتي تصبح أجوائه ربيع
ويصبح ليامن زعلتي قيض تلهبه سموم



القلم

[محمد بن فهد]

القلم يكتب احساس شاعر وسط الاوراق = وحبره يعبر عن قطرات دمه


اللي بعدي

(( الكيبورد ))

[سيف سلطان]

كيبورد ظالم للقلم أحزن أوراق = بعصر التقدم يازمااان الحضارة
المحبره ماعاد توله وتشتاق = للحرف و أيدين الأديب و قارة



الموضوع التالي


( الأحترام )


::::::::::::::::::::::::::::::::::

.

.

[نوت]

أحشم خويك عن دروب الرذاله
ترى الخوي عند الأجاويد له حال
المطلب الاخر الصداقه

[عواد العنزي]

اكتب على الكيبوردوالفكر ماراق=لو هاجسي ياذيب عذب خفوقي
بسباب خلآ داهم القلب بفراق=ولابد حاصل باالمحاني شقوقي


---------------- الجـــــــــــــــار

[نوت]

الوداعين معروفين بهذة المقوله(حارها من جدارها)
ولها قصه ليس المكان مناسب لذكرها
انشدوا من سيف جده الى الطور الخضر=من هو اللي يدي الجار من جدرانها ...
المطلب التالى **** الجيب

[فهد]

الشيخه / نـوت

ونعم بالاجواد والقصه معروفه .


الجيب ولايهون الجمس



كل المواتر مع بعضها تشابه=ولـ في اكس آر بنظرتي عنهن غير
ليا مشى ريح ٍ تقفى سحابه=وليا وقف فى وقفته هيبة الزير



الاعتزاز

[نوت]

ماعليك زود
الاعتزاز***
انـــــــــــــا من اللى عزهم يشبهــــــــــ الشمس&&
احرار نـــــــــــــــــــجد ولابتى دوســـــــــــــريهـــــــــ &&
*****
اللى بعدة ((الام))

[سلطان الرجـــا]

((( قريتها )))

الـــــــــم









أدور للأمان اللي تقول بعالمي لي عام = ألم مات الأمل .. صاحت حزينه حيل أيامي
http://www.sndoqy.com/uploads/e175c13ed8.jpg

ويبقى الموضوع


الام
:::::::::::::::::::::::::::::::::::::::::::::::::: :::::::::::::::

[عواد العنزي]

والله لولا العيب لاصيح ياويل=لاصيح صيحت الي من النوم محروم
ولا حزين وذاق مر التهاويل=ولا سجينً داخل السجن مضلوم





بر الوالديـــــــــــن

[نوت]

لشاعر سعود بن بندر
موجهه القصيدة لوالدته البندرى رحمهم الله
يـــــــــــــــــــــــــاليتنى بينك وبين المضرة***من غزة الشوكه الى سكرة الموت
******************************
الطلب التالى
((الاخوة))

[شموخ نجد]

لاصاراساس الاخوه طيب قلب وفعل شامخ

مايغيرها هرج عاذل ولا يشتت شملها حاقد
الي بعدي
الحرمان

[عواد العنزي]

محروم من شوفت عزيزٍ وغالي=اللي حملتني بطنها تسعة شهور
ثلاث سنينٍ وهي ترجا خيالي=ياعلها بفراح والفكر مسرور






الضيـــــــــــــــقه

[محمد بن فهد]

الضيقة اللـي مالهـا حـزه ولا منهـا مصـد=أخـاف ساعـات العصيـر المقبلـه تاتيبهـا

الإنتظار

[نوت]

إنتظرته وقلبـي إحساسـه يقـول
صوت خلي اليوم ما أظن أسمعـه

الخبـر عنـدي وغيبتـه بتطـول
وقتي من اليوم حسابـه باجمعـه

ضاق بي صدري وأدوّر له حلول
في ضميري نار شوقـي مولعـه

عشت في دنيا أدور بهـا وأجـول
عشت فيها بضيق وعايشت السعه

ما لقيت اللي على دربي صمـول
كود بعض النـاس وقتـه يمنعـه

روضتي جفّت وأنا خلـي سيـول
مبعـدٍ عنـي وقلـبـي يتبـعـه

طبعها اللي يوصف بالطبع الخجول
بين كـل النـاس عنـدي أرفعـه

الغريب اللي أسولف لـه وأقـول
عن هوى نفسـي كلامـي أقنعـه

ما يلام اللي مثـل حالـي ينـول
لو قضـى ليلـه يساهـر مدمعـه

لي على الغالي وشوفاتـه ميـول
زود شوقي له غرامـي أصنعـه

لو حصل لي شوفته همي يـزول
وقتها أنسى البشر وأجلـس معـه

أذكر إنـي بغيبتـه دايـم أقـول
هو حياة القلب هـو لـه مطمعـه

فرحتي يا خالـد بيـوم الوصـول
بـا فـرح لقلبـي بهـمٍّ ودّعــه
المطلوب ((الابل مشعوفان))

[عواد العنزي]

الوضح ياحلو ممشاهن=العصر والعشب بزهوره
الجيب دايم حواليهن= رحولهن حول مقهوره






بيوت البـــــداوا