زلالك موت يرويني

[ليل المعاناة]

لقلوبكم الطاهره اقبلوها كماهي





انا ادري قلبك البارح .. يعاتب قسوتـك فينـي=حلمت انك تلومينه .. على مافات من ماضيـك

ملكت الكون في قربك .. وفي غفلـه تركتينـي=سراب اللال يطردني .. تعديته وانا اطرد فيـك

شهاب الليل يحرقني .. مـن اول ماهجرتينـي=تنازع داخلي وردة .. تموت ان كان ماباجيـك

اعاني في الخلا غربة .. حسااافـة ماخذيتينـي=مخاليب الألم تنهش .. من اوجاعي ولا بشكيك

صدى صوتك .. وصل سمعي .. تخيلتك تناديني=تخيلتك تصحيني .. تقولي سعد .. قوم اشفيـك

يجف من العطش ريقي .. زلالك موت يروينـي=فديت الشفة السفلى .. وحبـة خالهـا هاذيـك

سمعت من البحر اسمك .. يغرد يانظـر عينـي=تحبين البحر قلبـي ؟احبـه .. لاذكـر طاريـك

لحافي شعرك الناعم .. على صـدري يدفينـي=ولا زاد الشتا برده .. على نـاري انـا ادفيـك

اعرفك لو نصيتك يوم .. كريمه مـا خذلتينـي=عيوني يابعد عمري .. إلى جار الزمن تفديـك

نويت ارحل مع اهاتي .. اخاف انك نسيتينـي؟=وهذا وعد ياغالي .. ابيع الكون انـا وشريـك

بشيلك في قفى خيلي .. على صدرك تضمينـي=اذا ودّك اجي خلفك .. تعالي والرسـن بيديـك

هموم الوقت هدتني .. ياليـت انـك تشوفينـي=تعالي نبكي الماضي ... وذكرى علهـا تغنيـك

كتبت من القصيد اسمك .. كفايـه لاتلومينـي=كتبتك شعر من دميّ... ودونت المعانـي ذيـك

[يفوق الوصف]

الله عليك ليل المعاناه


صح لسانك واحساسك

قصيدة رائعه


ننتظر جديدك وتقبل مروري

[وليد البراهيم]

قصيده رائعه خوي ليل المعاناة صح لسانك

[بلا وطن]

.
.
يجف من العطش ريقي .. زلالك موت يرويني
فديت الشفة السفلى .. وحبة خالهـا هاذيـك


الله عليك
.
.
الشاعر الراقي / ليل المعاناة
مساؤكــ يفوح مسكً وعنبر
.
.
الأرض أرتوت بنبعك شهداً
.
.
دمت عسلاً صافي
.
.
ودي ،، ،،


بلا وطن