منصور الرويلي
03-14-2008, 04:27AM
من شاعرية شاعرً نزفه بحور = غنا على كل البحور ولعبها
وجت القصيدة كنها الدر منثور = تطوي مسافات السنين وتعبها
كل حرف منها منكتب فيه منصور = نفحات من نفسً تزايد غضبها
تزحف بخيل افكارها طلعة النور = والخيل من خيالها ليا ركبها
ياصاحبي دونك مرده على الفور = ميلتك يم حروفنا وش سببها
الصدق مايزعلك والحق من نور = والشعر فكرة ملك للي كتبها
مايزعل الا الكذب والظلم والزور = لا جاك من ناسً رديً نسبها
الوقت هذا وقت سافل ومحقور = من يوم شفت السوس داخل قصبها
الزرع ماينبت على صحصح البور = والجــُرب لو تطلى تزايد جربها
والشاعر اللي خالط الثقه بغرور = زاد الغرور بغلطته وارتكبها
لا علم ينفع به ولا يقبل الشور = ونفسه على ماسولت له نكبها
من دون حقي يااسود الوجه مثبور = ماهي اطماعه من بغاها كسبها
حنا ترانا رجال هداتنا صقور = كم لحيتن حنا قصرنا شنبها
العلم جاك ومنبعه صادق شعور= من شاعرً جزل المعاني شربها
باقة حروفه كنها ورد وزهور = وفيض المشاعر من صميمه لهبها
سطوة حروفه هزت جبال وصخور = ولا طب قافه بارض فوقك قلبها
صفحة حياته مابها نقص وقصور = واسمى المبادي وقتنا مانهبها
هذا فخر والوقت خابر ومخبور = يقولها اللي كلمته ماسحبها
*
*
*
*
وجت القصيدة كنها الدر منثور = تطوي مسافات السنين وتعبها
كل حرف منها منكتب فيه منصور = نفحات من نفسً تزايد غضبها
تزحف بخيل افكارها طلعة النور = والخيل من خيالها ليا ركبها
ياصاحبي دونك مرده على الفور = ميلتك يم حروفنا وش سببها
الصدق مايزعلك والحق من نور = والشعر فكرة ملك للي كتبها
مايزعل الا الكذب والظلم والزور = لا جاك من ناسً رديً نسبها
الوقت هذا وقت سافل ومحقور = من يوم شفت السوس داخل قصبها
الزرع ماينبت على صحصح البور = والجــُرب لو تطلى تزايد جربها
والشاعر اللي خالط الثقه بغرور = زاد الغرور بغلطته وارتكبها
لا علم ينفع به ولا يقبل الشور = ونفسه على ماسولت له نكبها
من دون حقي يااسود الوجه مثبور = ماهي اطماعه من بغاها كسبها
حنا ترانا رجال هداتنا صقور = كم لحيتن حنا قصرنا شنبها
العلم جاك ومنبعه صادق شعور= من شاعرً جزل المعاني شربها
باقة حروفه كنها ورد وزهور = وفيض المشاعر من صميمه لهبها
سطوة حروفه هزت جبال وصخور = ولا طب قافه بارض فوقك قلبها
صفحة حياته مابها نقص وقصور = واسمى المبادي وقتنا مانهبها
هذا فخر والوقت خابر ومخبور = يقولها اللي كلمته ماسحبها
*
*
*
*