تسجيل الدخول

مشاهدة النسخة كاملة : تعــــــال يارياض الهديرس هنـــا وعلم الاداره

تراحيب
02-28-2008, 03:18PM
هلا وغلا اخوى رياض

وانا اقترحت على ادارتنا مايفتحون الرسايل للعضو بعد مئة مشاركه ورحت فيها انا هههههههههه


صرت اول الضحايا

ورسالتك تصفحتها عن طريق الايميل ولاقدرت ارسلك

(( وياليت احد من الاداره يبخشش لى بمشاركات لانى شايب واللياقه ماتسمح بكثر الردود هههههه))

ومستعد العب واتشرف بعد

ويالله البداية عندك طال عمرك
تراحيب
02-28-2008, 03:29PM
ترانى في مقهى ويسكر للصلاه مير لاتبطى على هههههههههههههه
رياض الهديرس
02-28-2008, 03:42PM
لي الشرف وانا اخوك في اللى مثلك وشرواك


ايه يا تراحيب شد حيلك وكثر مشاركاتك هههههههههه

استلم يالشايب


تراحيب ما أعرفه ولا اشوف غيره 0000000عسى مطلبه ياصل حــــدود الاداره
ولكن من عقب الليال العسيره00000000 عسى مجلس الشورى يراعي قراره


.
.
ومهنا خلاف رح صل وارجع اليوم خميس هههههههه
.
.
.
.
.
تراحيب
02-28-2008, 09:35PM
الله يعين ويعاون يارياض

واستلم



تراحيب من ضمن الاسامي الشهيره = يحب العلا ويموت عند الصداره

ولا راح اقدم شكوتى للمديره = ابرضي بحكم الله وحكم الوزاره
رياض الهديرس
02-28-2008, 09:55PM
الله الله


استلم




نشوف الاسامي بالمعاني كبيره 00 وكل مع الاسياد خابر مساره
ما دام الوزاره في يدين الوزيره 00 عسانا نهدّي قبل قطع الاشاره

.
.
.
تراحيب
02-28-2008, 10:00PM
الله الله

استلم استلم


ماضاقت على الاجواد شبه الجزيره = ومن وده المكسب يحسب الخساره

لكن غيّر الموضوع وانس الاميره = وبيت الوفا حذراك تهدم جداره
رياض الهديرس
02-28-2008, 10:14PM
الله الله استلم





ترى القل يكفي لو تركــنا كثيره 00ولو هي بلا قوسين ماهي عباره
عسى انوار بيت العز دايم منيره 00تبقى تراث اول وتبقى حضاره
.
.
.
.
تراحيب
02-28-2008, 10:25PM
الله الله

استلم



يقولون لجل عيون تكرم عشيره = وكلن مولع فى فيافي دياره
واذا قلت اشوف الدايره مستديره = بقول ألك ماشفنا صريح العباره
رياض الهديرس
02-28-2008, 10:41PM
الله الله


استلم



ترى صاحبك فـ البيت ما جاب سيره 0000 ولا فسر المعنى ووضح شعاره
يجي فـ السنه يومين عينه ضريره 0000 يساره يمينه او يميـنه يساره
.
.
.
.
..
عبدالله بن عريمة
02-29-2008, 01:57AM
ابدعتوا فعلاا الشعاار القديرين ترااحيب ورياض

لاهنتوا محاورة جزلة

دمتم بود
تراحيب
02-29-2008, 02:08PM
الله الله استلم


ترى القصد ياذيبان لو جبت غيره = موضوعنا ودي نغير اطاره
وكم واحد ٍ يصيبه الفين حيره = ويقلب ويصدم في عمود الاناره
تراحيب
02-29-2008, 02:10PM
عبدالله بن عريمه

صح بدنك ولاهنت وماعليك زود
رياض الهديرس
03-01-2008, 01:49AM
صح لسانك تراحيب ولاهنت وماقصرت

أبدعت وتونسنا وغيرنا جو وسامحنا اذا اخطينا



عبدالله بن عريمه الف شكر لمرورك الكريم ولاهنت




...
تراحيب
03-01-2008, 10:29PM
صح بدنك ولاهنت يارياض

وانا اللى تونست وتنومست

ودمت بخير يالنشمي
مشعل بن القهيديه
03-17-2008, 06:51AM
يا سلام يا سلانم وصح ابداعات الشاعرين
رياض الهديرس
و
تراحيب


تقبلوا جزيل شكري وفائق تحياتي ،،،،


اخوك
مشعل بن القهيديه
تراحيب
08-10-2009, 01:35AM
لاهنت اخوى مشعل

ورياض مدرسه والمحاوره معه ذات نكهه خاصه


ولاهنت على حضورك
رشيد الهديرس
09-18-2009, 06:36AM
يا سلام يا سلانم وصح ابداعات الشاعرين
رياض الهديرس
و
تراحيب


تقبلوا جزيل شكري وفائق تحياتي ،،،،