إضاءه على مسيرة البدر

[العنود الشيباني]

الأمير بدر بن عبدالمحسن

http://www.bdr130.net/vb/imgcache/6889.imgcache.jpg


بدر بن عبد المحسن بن عبد العزيز من مواليد مدينة الرياض في _ 2 ابريل عام 1949م و هو الإبن الثاني لصاحب السمو الملكي الأمير عبد المحسن بن عبد العزيز _ رحمه الله _

نشاءالأمير بدر بن عبدالمحسن في بيت علم وأدب حيث كان والده الأمير عبدالمحسن بن عبدالعزيز محباً للعلم والأدب،كما و انه شاعر مبدع ولديه مكتبة ضخمة تضم العديد من الكتب..كماوأن مجلس والده ملئ بالعلماء والأدباء وكبار المفكرين في ذلك الوقت مما كان له الأثر البالغ في حب الأمير بدر للأدب والشعر _ بعد الله

درس مراحله الإبتدائية بين المملكة العربية السعودية و مصر، _ والمتوسطة في مدرسة الملكة فكتوريا في الاسكندرية، ودرس المرحلة الثانوية في المملكة العربية السعودية كما انه درس في بريطانيا و في الولايات المتحدة الأمريكي.

و لقد استفاد من وجوده في بعض هذه البلدان بلقاءاته مع العديد من الرواد والأدباء و المفكرين و عمالقة الفن من أمثال الشاعرأحمد رامي و محمد عبد الوهاب محمد الموجي وكثيرين غيرهم ,,

و في نهاية الستينيات و مطلع السبعينات أصبح سموه رئيسا للجمعية السعودية للثقافة و الفنون حيث اضفى عليها العديد من الأفكار وكان لسموه الأثر الكبير في تطوير هذه الجمعية و الرقي بها.

تناولت قصائدة العديد من المواضيع المختلفة حيث كتب الكثير من القصائد الوطنية الخاصة بالمملكة العربية السعودية و بعض دول الخليج أثناء زياراته لها، كما انه يعد من أكثر الشعراء كتابة في أزمة الخليج تناول في قصائده مواضيع مثل الغزل و الوجدانيات و التأمليات و الرثائيات ...

و من أهم الأعمال التي قام بها سموه قيامه بعمل اوبيريتين لمهرجان الجنادرية عام 1412هـ 1992 م :- الأول هو اوبريت وقفة حق في مهرجان الجنادرية السابع فارس التوحيد في الجنادرية 14- و الثاني هو اوبريت و قد حصل هذا الأوبيريت على جائزة في مهرجان القاهرة للإذاعةوالتلفزيون حيث اختير هذا العمل من ضمن أفضل الأعمال، و تميز الأخير بالمزج بين الدراما و الشعر مما أضفى على العمل رونقا خاصا

و لسموه ثلاثة دواوين هي:
_ ما ينقش العصفور في تمرة العذق..
_ رسالة من بدوي ..
_ لوحة ربما قصيدة ..


هذه نبذه بسيطه عن البدر

والقادم سوف يكون من ابداع حروفه وريشتهفأنتظرونا

[العنود الشيباني]

قصائده الوطنيه


صرخه


صَرخة ذكرتك يَوم.. واليَوم مَوعُود =لجل الوفا لراعيك موفي الوعايد
كنّي بوَقتٍ راح حَاضر .. ومَوجود = فــ يومٍ غشاه المجد .. عله بعايد
وكن (المربع) توه اليوم مشيود = جدران طين.. اطمام سقفه جرايد
قصرٍ بني للعدل .. والطيب والجود= سوره ذرى للناس وفرشه وسايد
يقرا المطوع .. َيرق الحق بسعود = في مجلسٍ راعيه بالوصف كايد
من حوله سيوفٍ وردنٍ وما هود = روس الرجَال اشيوخ كل البدايد
اعداه من طيبه غدو تحته جنود =مَحَدٍ جمع مثله بفعله ضدايد
ستين عام اللي مَضت ياهل العود= ستين مع ستين غرٍ مجايد
ياالله عَسَى قَبرٍ به الطيب مَلحُود = يسقي ثراه من أول الغيث جَايد
اللي جَمعنا سَهل وجبال ونجود= بعد السنين الممحلات الشدايد
يا دارنا عدّك من الناس مَا ورد =خَيرك على الدنيَا قريبٍ ونايد
ويَا دَارنا بابك عن الذّل موصود = وزهر الفخر نبتك قديم وجَدايد
وقت العسر بالدم نوفي لك اعهود= ووقت الرخا بنقول مَدح وقصايد



وكتب ايضاً في الوطن

مهد الرساله


اضربي دفوفك ..
وسلي سيوفك ..
وغطي كتوفك .. بلادي بالعلم
جاوبي الشيله ..
واعرضي الليله..
وافرحي .. لين تحسدنا الأمم
امسكي ذراع .. حبيبك فهد
ما احد مثله .. ولا مثلك احد
طاهرة رمالك ..
وعالية جبالك ..
ونعم برجالك .. قناديل الظلم
انتي الأول ..
وانتي الأجمل ..
وانتي بك مهد الرسالة والحرم ..



وكتب ايضاً

هل التوحيد




من هل التوحيد للقايد سلام ..
للفهد ..
وان دعانا شيخنا الشهم الإمام..
للوعد ..
حدنا الشرقي الوعد ..
دارنا مثل العروس .. وكلنا خطابها
من يبي شمس الشموس .. من يحب ترلبها
مهرها بذل النفوس .. سترها واحجابها
كلمة الله والحسام
لا همى وبل الرصاص .. مرحباً بحتوفنا
ودنا ناخذ قصاص .. أهلنا وضيوفنا
يالعدو مالك خلاص .. تحت ضرب اكفوفنا
لين ترضخ للسلام ..
يا عدو الله .. نويت تستبيح بيوتنا ..
مانت كفوٍ لا هقيت .. دون هذا موتنا ..
وراجعة أرض الكويت كان تسمع صوتنا ..
ورب ذا البيت الحرام .. وغصب عن جيش الظلام ..
شيخنا عمرك يطول .. وللعدو ذل وكمد
القادسية اللي يقول .. جندها من هالبلد
ديرتي دار الرسول .. وانجبت أرضي سعد
فخرنا الدين الحنيف .. وشذرة السيف الرهيف
الله .. الله .. ما سواه .. به نعين ونستعين ..
ما رميت الله رماه .. طاح في اسد العرين
يتبع الطاغي هواه .. ونتبع الحق المبين
ومن مع الله ما يضام ..





الأرض

انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

***
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود

***
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي



هام القصيد


أن ما جمعت النور من كل وقاد = وطوقت بنجوم المجرة بناني
ونثرت روح الورد في مدحك مداد= ما قول انا هام القصايد مكاني
ينقاد لي من ما مع الناس ينقاد = وما قد عصا مهر القوافي عناني
لا شك يكفيني وانا فيك قصاد= لا من ذكرت اسمك بشعري كفاني
دونك قصيدي وانت يا تاج الأمجاد= فوق الذي يبدعه صادق بياني
يزيد قدري لا مدحتك ويزداد = كل الشعر فخر وجمال ومعاني
يا سيدٍ صرنا تحت حكمه اسياد= على جميع الناس قاصي وداني
انت الذي في الحب لبلادك بلاد=وانت الذي عزك لغيرك اماني
وانت سليل المجد والسيف والضاد= وشعبك هل التوحيد خطل اليماني
الحبر جف وسالت جروحي امداد= بعد الورق فليت عوج المحاني
اقول يا مولاي من روس الاشهاد = واقول عمي واحمد اللي عطاني
واقول ما يمحى القمر غيم حساد= نوره يغيب اليوم وباكر يباني
يا سيدي والله ما اشوف الانداد=أنا وحيد الشعر ما خلق ثاني



عز الوطن

الله الأول وعزك ياالوطن ثاني
لأهل الجزيرة سلام وللملك طاعه
حنا جنود الحرس للقايد الباني
رمحه .. ودرعه .. وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبد العزيز وصبحنا باني
ما عاد نقبل ظلام الليل لو ساعه
في السلم يشهد لنا عمار الأوطاني
وفي الحرب لأرواحنا للموت بياعه
حنا سياج الوطن عن كل عدواني
والجيش والأمن ساري العز وشراعه



هنالك المزيد من درر البدر

ننتظر مشاركاتكم وتفاعلكم

عذب التحايا للجميع

[شمال الروح]

بسم الله الرحمن الرحيم


السلام عليكم ورحمة الله وبركاته



شكراً للأخت الشاعره العنودالشيباني

على درر الشاعرالأمير بدربن عبدالمحسن

وننتظر المزيد

[العنود الشيباني]

مجموعه جديده من درر البدر

التي جلبتها من بحر إبداعه


شمس الورق



أنابظهر من سكوتي قبل شمس الورق ما تغيب =قبل حبر الليالي يجف .. وانا ماغنت جروحي
قصيده .. خذتها من طفل .. ما اظنه ابد بيشيب =ولكنه نزح عني .. مثل إحساسي بروحي
ابا اكتب للسماء نجمه.. ابا اكتب للخزامى طيب =واباكتب لين احس القلب لا يكتب ولا يوحي
يموت في قلبي الشاعر ويغتال المشاعر ذيب =ولا ادري افزع للضحكي .. او أحمي صرختي ونوحي
حزينه هالقوافي لا .. ولكن من يعرف الغيب = سعيده هالقوافي .. بــ انتظر لين آخرة بوحي
تعالي نتيع الضي البعيد في عتمة التغريب =ولو مليتي من أجمل قصايد غربتي روحي







دروب الأرض

دروب الارض ..
توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر..
كان الصوت يرجع للحناجر ..
كان الجرح يرجع للخناجر
مثل كل الطيور اللي تهاجر
وترجع كل مرة
تعب هالبحر لا يجتاز
جدران السواحل
انا لي سنين راحل
حملت الطين
كله .. لكل الطين
قلي يا انا
الى متى وانت
على هذا الأنا مصلوب
دروب الأرض .. لكن
لكن




الرسايل

وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله

في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله




صوتك يناديني


تذكٌر .. صوتك يناديني ...
تذكر ... تذكر ...
تذكر الحلم الصَغير ...
وجدار من طين وحصير ...
وقمَرا ورا الليل الضرير ...
على الغَدير ...
لاهَبٌت النسمَة تكسر ...
جيتي من النسيان ...
ومن كل الزمان ...
اللي مَضَى ... واللي تغٌير ...
صوتك يناديني تذكٌر ...
ناديتي ... خانتني السنين ... اللي مَضت راحت
ناديت ... ماكن السنين ... اللي مضت راحت
كنا افترقنا البارحة ...
البارحة .... صارت عمر ...
ليله ... أَبَدْ عيٌت تمرٌ ...
ياجمرة الشوق الخَفي ...
نسيت أنا وجرحك وفي ...
يتذَكر الحلم الصغير ...
ريانَة العُود ... نادي ...
نادي الليَالي تعُود ..
بشوق الهَوى ... بوعُود ...
بوجهي اللي ضيعته زَمَان ...
في عُيُونك السٌود ...
ياالضحكة العَذبة ...
عَنك الصٌبر ... كِذبه ...
وفيك العُمر موعود ...
اشتقت للحلم الصغير ...
واشتقت لجدار وحصير ...
وقمَرا ورا الليل الضرير ...
على الغدير ...
ان هبت النسمَة تكسر ...


وهنالك المزيد من درر البدر

انتظر تفاعلكم ومشاركتكم في جلب ماكتبه البدر

عذب التحايا للجميع

[ابو فيصل]

الاخـــت العنــــــود الشيبـــانــــي



مشكوره اختي على موضوع الشيق والجميل

ولكن اختي .

مكانه لست هنــا .


هناك قسم للمنقول .

ارجو مراعاة ذلك مستقبلاً

حتى لاتداخل المواضيع مع بعض عموما الف شكراً لك يالعنود .

وياهلابك

[عبدالرحمن السميري]

.
شكراً العنود..
البـدر شاعر ذو بصمة خاصة
يُهندس قصائده
استمتعت بما قرأته هنا
دمتي بود
اخوك
عبدالرحمن

[يفوق الوصف]

الصدق ..
ما ينقش العصفور .. في تمرة العذق ..
وما وشوش الدبور .. زهرة الرمان ..
والصدق .. ما زاعت أ رض جوفها بركان
وما يحفر الأظفر في جلدة المجدور
وش يخفي الإنسان .. الطيب .. المغرور

عضيت أنا اجساد الحروف الواضحه ..
يا اخت الطريق ..
عضيتها صدق الشفاة الناضحه
شهد وشري ..
وكان الحديث .. جرح ٍ طري ..
مضمد بالياسمين
كان الحديث .. ما هو الحديث اللي تبين ..
وش اللي تبين الصدق.. ؟
وش الصدق ؟!غير الدفا والنور ..
وما يقتل الإنسان الطيب .. المغرور
لو قلت لك .. إني ضعيف ..
هش ٍ كما ورق الخريف ..
أو قلت لك إني أخاف ..
أبكي .. واخفي عبرتي ..
واني لبست .. ثوبي .. عقالي وغترتي ..
با أجامل الليل .. والجفاف
بيعجبك .. هذا الصدق .. وهذا العفاف .. ؟!

بهديك أنا يا مهرتي .. سرج ٍ حرير
وقلادة ذهب ..
وأبا أشتري سيف ٍ رهيف ..
لو ما بقى عندي ثمن .. نصف الرغيف ..
اللي يسد الجوع ..
والجوع .. صدق ..
الجوع .. صدق .. وما سواه ..
يا اخت الطريق ..
كذب .. كذب .. كذب


من مختاراتي

قصيدة للأمير البدر ارجو ان تنال اعجابكم

[يفوق الوصف]

آه .. يا العطش
جفت اشفاهي
وصوتي الواهي ارتعش
لو حبيبي ما .. ما سقاني الما
لو شربت أظما لحبيبي .. وللعطش

يا سموم القيظ ..جفت عروقي
تحتي الرمضا..واللهب فوقي
والعطش شوقي .. وشوقي للعطش
اسقني عيونكحبيبي .. أو أموت
ما ابي رمشك نعش

يا وسامي الحب ..امطري في القلب
الزهر والعشب ..قلبي يا مطر
الظما .. والجوع .. بعدك .. والدهر
لو حبيبي ما .. ما سقاني الما
لو شربت أظما لحبيبي .. وللعطش



للبدر واتمنى ينال اعجابكم

[رياض الهديرس]

البدر ومن يقول انها ليست للبدر



يفوق روعه



مودتي

[رياض الهديرس]

من اجمل قصائد هذا العملاق

احترامي للبدر في كل مكان


واحترامي لك انت يا يفوق




مودتي

[الأمير الصغير]

يكفي اسم قائلها كشهاده على روعتها


يعطيك العافيه يا يفوق الوصف

تحياتي

[يفوق الوصف]

وش اللي تبين الصدق.. ؟
وش الصدق ؟!غير الدفا والنور ..
وما يقتل الإنسان الطيب .. المغرور
لو قلت لك .. إني ضعيف ..
هش ٍ كما ورق الخريف ..
أو قلت لك إني أخاف ..
أبكي .. واخفي عبرتي ..
واني لبست .. ثوبي .. عقالي وغترتي ..
با أجامل الليل .. والجفاف
بيعجبك .. هذا الصدق .. وهذا العفاف .. ؟!


بهديك أنا يا مهرتي .. سرج ٍ حرير
وقلادة ذهب ..
وأبا أشتري سيف ٍ رهيف ..
لو ما بقى عندي ثمن .. نصف الرغيف ..
اللي يسد الجوع ..
والجوع .. صدق ..
الجوع .. صدق .. وما سواه ..
يا اخت الطريق ..
كذب .. كذب .. كذب

[يفوق الوصف]

تسلمون على مروركم ويعطيكم العافية


البدر عملة نادرة في زمان الشعر

تحياتي لكم

[العنود الشيباني]

البدر

ومين مايحب البدر

وقصايد البدر

مين مايتعلم في مدرسة البدر

تسلم اخوي يفوق

امتعتنا بحروف البدر

تحياتي لك

[العنود الشيباني]

إحترامي لصاحب الابداع والاحساس

إحترامي لمهندس الكلمه

ومعلم الجميع

فحروفه تكتب من ذهب

اشكرك اخوي على هالدّره

تحياتي لك يفوق

[العنود الشيباني]

صعب السؤال
صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد



طريقنا واحد

طريقنا واحد ..
امشيه .. معي ..
أحباب .. كانك تبين ..
أصحاب .. اللي تبين ..
يكفي متى .. ما توصلين
تتذكرين ..
إنك حزينه .. وانا حزين

كافي كلام ..
مابي .. وعد ..
أو التزام ..
طريقنا يمحي الظلام
نمشي مسافات الرجوع
ودرب الهوى كله خضوع

ارمي الجرايد والهموم
لا تجبري عيونك تنوم
لا واسمعي همس النجوم
وهم الوداع .. وكثر الحنين
وكافي كلام .. مابي وعد
أو .. التزام



على آخر تراب الأرض


على آخر تراب الأرض ...
أحسن أن المسافة شبر ...
وكل الأرض ... ما تحمل تعب مشوار ...
أحس إني ... رغم صغري ... تفاهة عمر ...
في صدري ندم جبّار ...
يا ليت ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...
تصّورتك ... وحزن الناس ...
جرح النّاس ... وهم النّاس ... في عيونك ..
تخوني النّاس وتخونك ...
تصّورتك في شامة ليل ...
على خَدِ السَّما الزرقا
زحَام والدنيَا سهرانه ...
أحَد نازل وَأحَد يرقى ...
وأحَد مِثلك يخاف من الَبلل والطين ...
يقول إن الرعد قاسي ...
يحس ان المطر سِّكين
يحسّ ان الذي يضحك ... يحس ان الذي يبكي ...
لا حَد مسكين ...
تصوّرتك ... ولا ادري ليه ...
ولا أظنك بَعد تدرين ...
يا انتي ان المسافه ِشبر ...
يا انتي إن الليالي َصبر ...
وكل الأرض ... ما تحمل تعب مشوار ...
على آخر تراب الأرض ...
على الميهاف ...
ومرتني الليالي خفاف
تَعدَّت عمري المعدود ...
دِريت ان الَمدى محدود ...
وان الليل لا شعرك ... ولا رمشك ...
ولا شفت الشفق في خدود ...
دريت اني عجزت املك ... ولو همّي ...
ونزيف الجرح ... من دمي ...
صحيح الدنيا ما تنشاف ...
وانا وانتي على الدنيا ...
وعلى الميهاف ...
أحس ان المسافة شبر ...
أحس إن الليالي ... صبر ...
وكل الأرض ... ما تحمل تعب مشوار ...
أحس إني رغم صغري ... وتفاهة عمر ...
في صدري ندم جبار ...
يا ليت ... ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...

[رهب]

البدر ..

مهندس الكلمه

ما هو حبيبي مورد القلب حتفه

ولا هو حبيبي يفرح بوقت ضعفي

الكثير الكثير يستحق البدر ..

عذب الى ابعد الحدود ..

الف شكر للجهود اخواني

تحياااتي

رهب

[عبداللطيف المانع]

أعلّق الدنيا

على مسمار

مطقوق فيه جدار

وتسري

ب ساسه ريح .. !


" بدر بن عبدالمحسن "

[غربَه وٍترحاَلْ]

.,’ آلبدر ’,.

كُل إلابداع ..
إسم اقف عنده كثيراً .. :throb:

العنود لقلبكِ :r: