مصيبة لاتدنت قيمتك في عين من قيمت .!!

[عبدالله بن عريمة]

افضل ماقيل من وجهة نظري في الوفا

للشاعر الكبير سعد بن جدلان الاكلبي

-------------------------------------------

الا ياالله ياللي تحت هيبـة سلطنتـــــك اسلمـت =لك المسلم يسبح لك بحمـدك ولـك الاســـلامـي

احمدك واشكرك واثني عليك بما علـي انعمـت =تزودني وفا قـدر العشيـر ووصـــل الارحامـي

ولجك الفجر ياليل الذهول اللي علـي اضلــمـت =بعرضك واقع الماضي بعيني عـرض الافلامـي

ولهتك يالنديم اللي على صافي وفـاك اضرمـت =بصفحة ذكريات العام واللـي مـن ورا العــامـي

بعد تقرير مشوار التجـارب نجحـك واجــــزمـت =بان السيف سيفي والعصا والمحـزم احـزامـي

عطتني عزلة اخلاصي معك نسيان من نادمـت =كتبتك وانطوت صحفي عليك و جفـت اقلامـي

اباهـي لا ابالـي واتبيسـط كــل ماقـــــــدمـت =اشـب النـار قـدام العـرب واشيـد اخيـــــــامـي

نهاري حر شمسه يستحي منها لسـان الشمـت =وليلي ترقب نجومـه ملامـة كـل مـن لامـــــــي

على ضو الكلام اللي كشف عنا ستار الصمـت =عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـــت =واثر ما انت بورايه في الطريق ولانـت قدامـي

مصيبه لاتدنت قيمتك فـي عيـن مـن قيمــــــت =يشوفك بالسهل وانته تشوفه بالسمـا السامـي

كثر ماحن قلبي للونيـس وكثـر مـا درهــمـت =فجر صدري حنيني واتعـب الاقـدام درهـامـي

عيون الصد وعيون التجافي حول مهما اكرمـت =تشـوف المجتهـد كسـلان والبنـاي هـــــدامـي

مدام ان جانبك شام لجنابي وانت عنـي شمـت =كثر خيـرك وانـا مانيـب لاجــــايـع ولاضامـي

اشوف انه علي واجـب ليـا مريتكـــــــم سلمـت =مرور اكرام تربطـه الكرامـه عنـد الاكــــرامـي

على شان الخفوق اللي على عرشه قعدت وقمت =حجب عنك الدجى لين اشرقت لك بيض الايامي

ختام السالفه ياطيب العشـره كرمـت ودمــــت =هذا حقك علي وحق شرهاتـي علـى اوهامـي

مصير الوقت يشرح لك دروسه وان غفلت ونمت =يصحيك الزمان اللي يصحـي كــــل مـن نامـي

تذكرني إلى من خابـت اوهــامـك فمـن وهمـت =وشفت الفرق في حب الخشوم وحـب الاقدامـي

[تَحيّة مَلآئِكيَة]

’,

إِنْتِقَاءْ مِنْ عُمْق الأَلَقْ ..

أَبْدَعتْ سَيّدي في حُسنِ الذَوقْ ..
سَلِمتْ ولا هِنتْ ..

[يفوق الوصف]

الله عليك عبدالله

صح ما اخترت لابن جدلان ملك الوصف فعلا


صح الله احساسك ولسان شاعرهاا


ويعجبني كثير قصديته


ودنا بالطيب بس الدهر جحاد طيب ** كل ما تخلص مع الناس كنك تغشها

يدك لا مدت وفى لا تحرى وش تجيب ** كان جتك سالمة حب يدك وخشها


وفيه قصيده بكتبها ان شاء الله

[رهب]

عبد الله حقيقي ابدعت ..

بعد تقرير مشوار التجـارب نجحـك واجزمـت
بان السيف سيفي والعصا والمحـزم احزامـي

عطتني عزلة اخلاصي معك نسيان من نادمـت
كتبتك وانطوت صحفي عليك و جفـت اقلامـي

اباهـي لا ابالـي واتبيسـط كـل ماقـدمـت
اشـب النـار قـدام العـرب واشيـد اخيامـي

نهاري حر شمسه يستحي منها لسـان الشمـت
وليلي ترقب نجومـه ملامـة كـل مـن لامـي

هي كلها روعه صح لسان شاعرها وتسلم يمناك لوضعها ..

وافر التحايا

رهب

[عبدالله بن عريمة]

’,

إِنْتِقَاءْ مِنْ عُمْق الأَلَقْ ..

أَبْدَعتْ سَيّدي في حُسنِ الذَوقْ ..
سَلِمتْ ولا هِنتْ ..



ومن قاال ماتهون وشاكرلك حضورك

تحياااتي

[عبدالله بن عريمة]

يفوق الوصف اشكرك على هذا الحس الراقي والشعور النبيل

حضورك اضفى للقصيدة بعد اخر

دمت بود

[عبدالله بن عريمة]

رهب

شاااعرة

ناقدة

اديبه

لها قدرة على معرفة الغث من السمين بنزاهة متناهية

المرور من خلال رهب رؤية ونتيجة تحسمها رهب

دمتي بود

[عبدالله بن عريمة]

نهاري حر شسمه يستحي منها لسان الشمت
وليلي ترجم نجومه ملامة كل من لامي

اباهي لاابالي واتبيسط كل ماقدمت
اشب النار قدام العرب واشيد خيامي

[محمد بن عريمه]

الله يعطيك الف عافيه على الاختيار المميز

[حمرة الورد]

قصديه جدا رائعه وقلم مبدع لحسن منظقه
يسلم ذوقك الرفيع

[الإدمي]

ذائقة ممتازة
ابدعت في
إختيارك ياذوق
كلمات تلامس الحس والوفاء والثقه
والوجدان لك كل الود

[خلف العاطفي]

عبدالله صح السانك والسانه
سعد بن جدلان شاعر جزل ومدرسه
ستتوارث شعره الاجيال

صح السانك والسانه

[عبدالله الغنيم]

قصيدة شامخةٌ ، من شاعر فذٍّ ..

وذائقةٌ سامية ، من شاعر سامٍ ..

تحياتي لك ... .

[عبدالله بن عريمة]

محمد بن عريمة ياهلا ومسهلا ابوفيصل

حياك الله

[عبدالله بن عريمة]

حمرة الورد اسعدني مرورك

شاكر ومقدر

[عبدالله بن عريمة]

الادمي اسعدني مرورك وكلامك الجميل

دمتي بود

[عبدالله بن عريمة]

الرائع بن عاطف اسعدني مرورك

ومداخلتك الجميلة

دمت بود

[عبدالله بن عريمة]

خواطر متناثرة لك شكري وتقديري

واسعدني حضورك ومداخلتك الجميلة

دمت بود